ROSHANA :

منقول من الاخت ياسو من منتدى اخر: السلام عليكم اخواتى و حبيباتى اللى ياما استفدت منهم و جه عليا الدور عشان افيدهم حبيبتى انا معزومه عندك النهارده يالا فرجينى شقتك "ولولا إذ دخلت جنتك قلت ما شاء الله لا قوة إلا بالله "دا اللى لازم نقوله لما نزور اى حد هنبتدى منين اوضة الولاد ما شاء الله جميله بس ايه الصندوق دا فيه لعب الولاد طب عدى لى كدا اللى بيلعبوا بيه معقوله دول مش ربع الصندوق اللى واكل نص الأوضه . دا دولابهم ما شاء الله دا مش قافل من كتر الهدوم طب طلعى لى كدا الهدوم اللى بقالهم كتير مش بيلبسوها ماشاء الله دا نص الهدوم اللى فى الدولاب . مكتبهم جميل قوى بيحتاجوا الكتب دى كلها طب تعالى تفرزهم مع بعض ودى الجزامه طب ما شاء الله ايه كل دا طب طلعى لى اللى بتلبسوه يوميا و اسبوعيا طب و الباقى دا كله ؟؟؟؟؟؟. دى اوضة نومك ما شاء الله جميله بس زحمه قوى و الزحام دا مش مريح للعين طب ما تيجى نعمل فى دولابك زى ما عملنا فى دولاب الولاد ..... معقوله كل دى ملابس بقالها كتيير مش مستفيده بيها . طب و المفروشات دى كلها بتفرشيها ؟؟؟ فيه منها قدم و موضته راحت طب اركنيه على جنب طب انا شايفه 3 مكاوى بتستعمليهم التلاته اكيد واحده بس ما شاء الله مطبخك جميل بس برده زحمه كل دى اطقم علب و كل دى ادوات مطبخ بتستعمليها كلها ؟؟؟ طبعا لأ . طب ليا طلب بعد اذنك ممكن تبعتى تجيبى لنا نص كيلو اكياس ؟؟؟ طبعا بتسألى ليه ؟ هقولك حبيبتى انتى فى نعمه مش حاسه بيها ليكى بيت واسع جميل بس مكركباه بحاجات مش لزماكى و فيه ناس بتتمنى ربع اللى عندك و مش لقياه و متنسيش "ان ما لا يلزمنا قد يكون هو أكثر ما يتمناه غيرنا " جت الأكياس كويس قومى معايا الهدوم هنحطها كل طقم فى كيس و نكتب عليه مقاس كام و الأحذيه كمان و أدوات المطبخ فى كرتونه و نكتب عليها ادوات مطبخ و المكاوى الزياده نفس القصه و الكتب و الورق كمان . خلصنا هنعمل بيهم ايه تفتكرى ؟؟؟ هنتصل ب 19450 دا رقم جمعية رساله هندي لهم الأسم و العنوان يومين و هيتصلوا و يبعتوا مندوب ياخد الحاجه دى كلها . قومى معايا نروق ايه رأيك مش كدا احلى بذمتك مش شقتك بقت احلى و اروق و نفسيتك بقت افضل لأ و هتنبسطى اكتر لما تعرفى ان الحاجات دى بتروح لناس محتاجاها جدا و بيفرحوا بيها قوى و يدعوا لك و كمان طول ما بيستعملوا حاجتك بتعتبر صدقه جاريه ليكى . و الله يا بنات الحاجات دى بتروح لقرى فقيره جدا جدا و بيتجهز بيها بنات ممكن جوازاتهم تقف على طقم حلل من اللى عندك منه تلاته فى مطبخك . عاوزه تتأكدى ممكن تتصلى بنفسك و تكلمى مسؤله القوافل و تطلعى معاهم انتى وولادك قريه من القرى دى و هما بيوزعوا الحاجه و هتشوفى بنفسك فرحه الناس دى بتبقى قد ايه شفتى انتى مستفيده قد ايه بيتك راق و دعوات و حسنات دا غير البركه اللى هتحل ببيتك وولادك متنسيش حديث حبيبنا و قدوتنا صلى الله عليه و سلم (اتقوا النار ولو بشق تمرة). آسفه طولت عليكم بس يا ريت موضوعى يفيدكم و يشجعكم مش عاوزه منكم غير دعوه بظهر الغيب ان ربنا يشفينى و يحفظ لى زوجى و اولادى ومش هقول محدش ينقل الموضوع بالعكس يا ريت كلكم تنقلوه للمنتديات و كل واحده تحكيه لصحابها و حبايبها متنسوش " الدال على الخير كفاعله ". أخيراً أحبكم جميعاً فى الله

منقول من الاخت ياسو من منتدى اخر: السلام عليكم اخواتى و حبيباتى اللى ياما استفدت منهم و جه...

سيلفانا :

بنات صباح الفل عليكم وكل سنه وانتم طيبين لي سؤوال خارج نطاق المطبخ ..............مين اللي جربت زيت الشعر ...دابلا املا الاصلي يعني وارد الهند انا لقيته امبارح العلبه الصغيره منه تقريبا بي 50 جنيه....يا تري هو كويس للشعر ولا ايه بارك الله لكم يا بنات حد يفيدني لاني هنزل اجيبه النهارده ان شاء الله

بنات صباح الفل عليكم وكل سنه وانتم طيبين لي سؤوال خارج نطاق المطبخ ..............مين اللي...

أم ياسين :

جزاك الله خيرا على نقل الموضوع يا روشانا . بس هى مين ياسو دى ؟؟؟؟:39:

جزاك الله خيرا على نقل الموضوع يا روشانا . بس هى مين ياسو دى ؟؟؟؟:39: