ROSHANA :

اخر الاخبار روحت امبارح مزارع دينا فى عباس العقاد هى بالظبط قصاد جويا بتاع اللينجرى اللى جنب ماكدونالدز الناحية التانية وتحتها محلين اجيال كيدز بتاع لبس اطفال وفرج الله بتاع بواقى تصدير هو سوبر ماركت فيى حاجات من مزارع دينا ومنتجات تانية العادية اللى بنلاقيها فى اى سوبر ماركت تانى الخضار والفاكهة غاليين اوى بصراحة يعنى مستوى حاجات ايزيس الاورجانيك الكوسة بحوالى 4 الخيار ب 7ونص البادنجان فى حدود 7 التفاح ب 15 المانجو ب 20 وب 30 الفص وفى جنزبيل فريش وبطاطس وبطاطا المافين الواحدة صغيرة ب 3 الجبنة الرومى ب 38ونص(جبت منها حلوة بس غالية مش لقطة يعنى) اللبن ب 7 والزبادى ب 1وربع اللحمة فى ب 49 ملبس قطع ومفروم(جبت المفروم طبق صغير جربتة امبارح صوص بولونيز كان ظريف) وفى ب 64 بدون دهن قطع ومفروم وفى ب 75 مميز قطع ومفروم والانتركوت ب 75 مصنعات لحوم فريش برجر وكفتة واشياء من هذا القبيل عندهم فراخ فريش كاملة ومخلية ووراك عندهم رومى صدور ب 50 وفى قطع لفينها زى العرق جاهزة على الاستخدام ب حاجة وسبعين على حسب الوزن عندهم لبن بالبلح كانوا عاملينة فى رمضان الاول افتكرته من لونه لبن بالشيكولاته بس قريت عليه لقيته بالبلح اتوقع يبقى ظريف كنت عايزة اجربة بس بنتى كانت معايا خيلانى فنسيت وفى عسل مزارع دينا عندهم منتجات مربات وصلصات ماركة جديدة عليا "mama mia" حاجة كده كنت هجيب صوص المكرونة بتاعها ببص منتج فين لقيته فى المطرية مصر كنت فاكراه حاجة ايطالى اصلى فترددت اجربه الحقيقة بس ومسحوق غسيل ومنظفات ومكرونات ريجينا وكاتشب و بسكوتات وشوكلاتات وووو كل الحاجات العادية اللى فى اى سوبرماركت بصراحة محستش انه واااااااو يعنى هو اللبن والزبادى فى اى حتة تانية اللحمة انا بقلق من اى حاجة مش من عند الجزار مع انى سالت الرجل اكدلى انها من مزارع دينا بس معرفش لية مقلقة الجزار اضمن بس هو ميزته انه طلع قصاد حضانة بنتى فممكن من ان لاخر ابقى اعدى ابص بصه

اخر الاخبار روحت امبارح مزارع دينا فى عباس العقاد هى بالظبط قصاد جويا بتاع اللينجرى اللى جنب...

don :

حاااااااااااااااااااااالا حتشوفيه بنفسك صح كدة من الاخر هو غااااااااااااااالى ومش واااااااااااااااااااو

حاااااااااااااااااااااالا حتشوفيه بنفسك صح كدة من الاخر هو غااااااااااااااالى ومش...

don :

العنوان وانتى جايه عباس العقاد من ناحيه طريق النصر تفضلى ماشيه على طول لحد ماتلاقى قويدر على ايدك اليمين جنب ما انتى ماشيه اول ماتشوفى قويدر حتلاقى مزارع دينا الناحيه التانية على ايدك الشمال اعملى يو ترن واوصليله والصورة دى تحتها المحلات اللى قالتلكم عليها رشا

العنوان وانتى جايه عباس العقاد من ناحيه طريق النصر تفضلى ماشيه على طول لحد ماتلاقى قويدر على ايدك...