الاول داليا

بصى المفروض ان مدرسة اللغات بتدى شيت كتير للولاد دوريا فأنا بعتبر دى بجانب الهوم ورك كفاية اوى على الطفل ما عدا الماس هو اللى جبتة السنة اللى فاتت بعد لما لقيت كل الناس جايباه لولادها قولت اشمعنى بنتى

كانوا 3 كتب بيت باى بيت حلو والله مش وحش بس برضه كنت بقلب فيه واللى الاقى سؤال فى فكرة او مختلف عن الشيتات كنت احله معاها ومكنتش بلاقى كتير صراحة

غير كده الكتاب زى الفل ما اتحطش فيه قلم

اللى كان مفيد فى راى الملحق اللى كان معاه امتحانات واختبارات شاملة دى ممكن يتحل فيها شوية من ان لاخر ايام الامتحانات

باقى المواد كنت مكتفيه ببوكلت المدرسة والشيتات

انا بتكلم على اولى ابتدائى والسنة دى برضه ان شاء الله نفس الحكاية ده اذا عرفت اجيب الماس الخارجى اصلا :)

بصى هو فى الاخر يرجع لتقييمك لبوكلت المدرسة والشيتات لو حسة انها مش كتير او فى وقت اضافى الطفل ممكن يحل فيه يبقى خير وبركة

ام مرام

طبعا هو كل المدارس بتستعبط وبتطلب طلبات زيادة من الاولاد وهما اللى بيخدوها فى الاخر لكن الواحد لازم يودى بقدر الامكان المطلوب عشان محدش يحرج ولادة بس انا بقالى 3 سنين فى مدرسة بنتى وياما اتخانقت وعملت مشاكل واقول اللى بندفعة مش على قد اللى العيال بياخدوه وكمان تطلبوا حاجات !!! ولا جاب فايدة ولا حوق فيهم والميس مرة احرجت بنتى عشان كانوا طالبين حاجة هبلة وماجبتهاش

انا اتعلمت حاجة وماشية عليها انى اجيب عينات من المطلوب عشان ميبقاش ماجبتش وميبقاش دافعة كتير

يعنى السنة اللى فاتت طلبوا منهم 4 متر ستان 4 الوان 2 كننز و 2 عريض

انا جبت 2 متر لونين واحد كننز وواحد عريض وعرفت بعد كده ان فيه اولياء امور جابوا متر ومتر (برافو عليهم والله)

طالبين ازاتين كبار جليتر لونين مختلفين
انا جبت ازاتين صغيرين من سمير وعلى الواحدة ب 50 قرش
الازازة الكبيرة اللى عايزنها الواحدة ب 6 جنيه
ولو عاجبهم اللى هيجى يتكلم معايا هقوله ورينى بنتى هتعمل اية بازازتين كبار !!!!!!!!!!!!!!!!!!!!!!!!!

انتى نفس الشيء الخناق مبيجبش نتيجة هما بيستعبطوا انتى استعبطتى انتى كمان

يعنى طالبين بخور اكيد عند علب بخور فى البيت ابعتى عودين تلاتة منهم مفيش مشكلة
طالبين كيس بونبونى ابعتى كيس ب جنية بونبونى


قصة فى قصص جبتها القديمة بتاعتنا واحنا صغيرين دى الورق الخفيف جبتها والله بنص جنية الواحدة هتلاقى فى المكتبة اى حاجة رخيصة او لو عندك ميكى وسوبر ميكى ابعتى واحدة من البيت


الزينة (ماشي عشان يزينوا الفصل) ابعتى فرع واحد الزينة ب جنيه

الملف البلاستيك ب جنية برضه وده بيحتاجوه فعلا عشان يجمعوا فيها تقارير وربوت الاولاد

احنا عندنا بياخدوا ولا 10 فولدر لكل مادة وللطالب عموما بس بيرجعوا فى الاخر

وبوديهم السنة اللى بعدها تانى بس يبغير التيكت :)


قلم ماركر ابعتى قلم فلوماستر اسود ولو انتى باعتة معاها علبة فلوماستر اكتبى ارجو استخدام القلم الفلوماستر الاسود بدل الماركر

وهكذا

واى افكار انا فى الخدمة اصل انا بقيت خبيرة استعباط :)

الكراريس والكشاكيل العادى مش كتير بس انا بستكتر ال 60 ورقة على العيال الصغيرين

السنة اللى فاتت ميس الماس طلبت 2 كشكول 60 حصة وواجب ماشي جبناهم هما كل شغلهم فى البوكلت والشيتات ناردر لما يكتبوا حاجة فى الكشكول

طبعا الكشكولين مفيش 10 صفحات اتكتبوا فى كل واحد

جت السنة دى الميس طلبت نفس الكلام

قولت عنية ومسكت كشكولين السنة اللى فاتت ظبطهم وجلدتهم وتيكت جديد وبقوا زى الفل ووفرت تمن كشكولين جدا