أنا كنت الأول بستعمل البوتى و بعدها جبت قاعده التواليت دى فعلا و كان عايز يقعد عليها بس مجرد ما ينزل يعمل تويلت على نفسه الله المستعان

ابنك عنده قد ايه؟

عنده سنتين و 9 شهور

والله أنا بعمل كل اللى بتقولوا عليه ده و أكتر شويه بس إمبارح زهقت و أخدت منه لعبه هو بيحبها أوى و صعب عليه أوى بس برضه الواحد غصب عنه الموضوع مش سهل خاااالص ماكنتش متخيله كده

لا ده ما شاء الله خلاص فهم ولازم يتدرب

ده فى ناس بتدرب ولادها من اول سنة بس انا مع بناتى ببدأ بعد سنتين وكتير بيقولولى متأخر

طبعا اول حاجة لازم يقعد طول اليوم من غير بامبرز وفرصة اننا صيف شيلى السجاجيد عشان هتتبهدل :)

وكل شوية اعزمى عليه يقعد على البوتى وحوالية العاب وتقعدى تحكيلة قصص ممكن او لو حابب قعدة التواليت براحته وبرضه العاب تشغلة شوفى هو مبال لاية

وتتفقى معاه لو عمل المطلوب ليه شوكلاتة او بسكوت حاجة بيحبها مع التسقيف والتهليل على الانجاز الفظيع ده وانه طفل محصلش :)

على العكس بقى لو عمل مرة على نفسة تنبيهة وتعملى زعلانة مرة والتانية التالتة كنت بزعق على خفيف ومش بغيرلها واوقفها جنب التواليت من برة بهدومها مبلولة عقاب