$el.classList.remove('shaking'), 820))"
x-transition:enter="ease-out duration-300"
x-transition:enter-start="opacity-0 translate-y-4 sm:translate-y-0 sm:scale-95"
x-transition:enter-end="opacity-100 translate-y-0 sm:scale-100"
x-transition:leave="ease-in duration-200"
x-transition:leave-start="opacity-100 translate-y-0 sm:scale-100"
x-transition:leave-end="opacity-0 translate-y-4 sm:translate-y-0 sm:scale-95"
x-bind:class="modalWidth"
class="inline-block w-full align-bottom bg-white dark:bg-neutral-900 rounded-lg text-right overflow-hidden shadow-xl transform transition-all sm:my-8 sm:align-middle sm:w-full"
id="modal-container"
>
بصى يا ست الكل لو انتى جاية من مصر الجديدة او مدينة نصر على طريق صلاح سالم لحد ما تلاقى كوبرى امامك وعلى ايدك الشمال حتلاقى مستشفى الامراض العقلية بتاعه العباسية
تطلعى على الكوبرى وتنزلى وتمشى يادوب شوية لحد ماتلمحى مبنى مبنى بالطوب الاحمر هو مصنع تقريبا وحتلاقى الفيومى لازق فيه على طول هو محل كبير جدا وحتعرفيه من زحمة العربيات اللى واقفه قدامه وعلى فكرة هو اجازة يوم الجمعه وبيفتح باقى الايام من الساعه 10 ونص بالظبط وعلى فكرة هو موسمى يعنى من دلوقتى حتلاقيه كل يوم بيحط بضاعه جديدة بتخفيضات لحد 21 مارس يوم الام وومن نص يناير حيبتدى يحط شموع وقلوب وبالونات ومجات وكوبايات واطباق كلها تخص يوم الحب وهكذا قبل كل موسم وكل مناسبة بشهرين يحط البضاعه بتاعتها وعلى فكرة قبل المدارس بيحط الكشاكيل والنوت والاقلام بجميع اشكالها وارخص من الفجالة وعلى فكرة لما تروحولوا ادخلوا القسم الصغير اللى على ايدك اليمين اللى فيه الملفات والدوسيهات حتلاقى عنده الاظرف البلاستيك الملونة جميلة جدا ممكن لو انتى شيلة وصولات صغيرة او فلوس او ورقه مهمة صغيرة تحتفظى بيها فبه علشان ميتبلش او يقع عليه اى سوائل يعنى هاتى 5 او 6 وشيليهم لوقت العوزة تقريبا الواحد ب 50 قرش او حاجة
حاجة كمان جميلة جدا عنده حاجة مبطنة زى الكيس الصغير ب 3 مقاسات الصغيرة علشان لو مثلا حتشيلى كاسيت او موبايل او شاحن المهم انها حاجة بتتكسر او لو مسافرة او لو على البحر او تحطى فيها المصحف الالكترونى دى جميلة جدا للحفظ وباين ب 3 جنية بس فايدتها اكبر من تمنها بكتير
عموما انا اشتريتهم وحصورهملك بكرة علشان تبقى عارفه شكله وانتى بتسأليه لان دلوقتى الساعه 5 صباحا والاولاد نايمين مش حعرف ادخل اجيبهم واصورهم
فيه عيب واحد بس فى محلات الفيومى لأ عيبين:42:
اول عيب انه بينزل حاجات جديدة تقريبا كل يوم يعنى عايزك تروحيله دايما
تانى عيب انه لما بيجيب حاجة مابيكررهاش تانى خاااالص يعنى لو لقيتى حاجة حلوة وجديدة اشتريها لانك على ماتروحى وتفكرى وترجعى تجبيها مش حتلاقيها تانى يعنى مثلا كانت عنده فوطة المانى ب 8 جنيه جميله لتنشيف الارض انا اترددت ولما شكروا فيها ملقتهاش واحلى كوب بيعمل الكابتشينو كان عنده ب 6 ج اشتريته وملقتش زيه فى السوق كله علشان كنت عايزة تانى لانه فعلا ممتاز لحد النهاردة كل ما اروحله افضل اسئله عليه ِِ