أي خدمة يا روشانا
ايه رأيك في السرعة الخمس نجوم في الرد دي ؟؟؟؟؟

أجنن مش كده

الكتالوج هنا
http://maywayegypt2008.jeeran.com/

كيكاتهم جميلة وتوابلهم
وكمان جربت الشاور جل بتاعهم تحفة
وبيقولوا مجموعة كليوباترا بتاعة الشعر حلوة وبنات هنا كتير شكروا فيها
يارب اكون افدتك بحاجة

بصي حبيبتي

بالنسبة للخلطة بتاعت القرنبيط

الاول القرنبيط بيقطع زهرات بيسلق في ماء و ملح و كمون

و بعد السلق يصفي

و بتكوني مجهزة خلطة النقيطة ( اسمها كده حتي لو رجعتي لكتاب ابلة نظيرة هههههه اعتقد مفيش حد فاكرها )

انا عندي هذا الكتاب بتاع جدي اللي رحمه

الهم النقيطة دي عبارة عن خليط زي الكريب كده دقيق و لبن و بيض و شوية ملح عشان يكون لها عرق و تترك للراحة نصف ساعة علي الاقل قبل استعمالها

و ممكن تضيفي اي نكهات تفضليها

بصي يا ستي انا بضيف ايه لخلطة القرنبيط

فص ثوم مفري ناعم جدا + ملح + فلفل اسود + دقيق + لبن + بشر 1 حبة طماطم + ملعقة كسبرة خضراء مفرومة

و اخطلي الخليط كله بصي حطي اخر حاجة اللبن عشان تضبطي كثافة الخليط

المطلوب يكون خليط غليظ القوام شوي حتي يمسك في القرنبيط

اغمسي القرنبيط في الخليط سابق التجهيز بنصف ساعه علي الاقل و ممكن مده اطول

و يقلي علي طول في زيت حار



بصي حبيبتي بالنسبة لافضل نوع شارب

مع اني لم اشتريه من قبل انا عندي كله كاريير و بشتريه من فرع شركات شمس مباشرة و اخر جهاز كنا بنشريه حاول الاقي شارب بعد ما الكل شكر فيه جدا جدا و طبعا كان في الصيف

و كان السحب عليه كتير جدا ف للاسف مش لقيته و اضطريت اشتري تكيف سامسونج :(

حلو جربته بقاله 6 شهور تقريبا

بس كاريير لا يعلي عليه عندنا بقاله اكثر من 15 سنة ما شاء الله تحفة و كان موديل قديم و كبيرة الحجم و كل ما حد يشوفه يقول اوعي تفرطو فيه :22:

بصي بقي فترة شرائك التكيف مهمة جدا

الاول شوفي و اسائلي عن مدة الضمان بتاعت الجهاز

الفكرة انك لو اشترتيه في الشتاء مش بتستعمليه طبعا عشان الدنيا برد و بتستعمليه عند دخول الصيف و بالتالي اي عيوب ( عيوب صناعه ) في الجهاز مش هتظهر الا بعد مرور شهور

ف الافضل من وجهه نظري اشريه اول الصيف

دي نقطة النقطة الثانية بالنسبة للاقساط انا رائي اعملي جمعيه و ادفعي ثمن التكييف كاش

لان القسط بيكون عليه فوائد و اكيد انتي في غني عن دفع مبلغ زيادة فوق ثمن التكييف اللي اصلا باهظ الثمن:angry2:

و لي رائي اخر انا افضل التكييف الاسبليت

بصي التكييف الشباك ليه عيوب كتير

و اول عيب فيه صوته العالي لان الوحدة كلها واحدة

بصي انا عندي كل النوعين شباك و اسليت

فرق سما و ارض في الصوت

مهم اوي الصوت بتاع التكييف

بصي كاريير كانت عاملة تكييف اسمه هارموني من غير صوت خالص

و العيب الثاني من وجهه نظري هي التكسير في الحائط لتركيب التكييف الشباك لما بقي بعد فترة بتكوني عايزة تغيري التكييف بتحتاري في الفتحه بتاعت التكييف جدا

و دي بالك برضو من مساحه الغرفة اللي هتشتري فيها التكييف

هديكي مثال

انا غرفتي صغيرة 3×4 متر

و جبت تكييف 1.5 حصان

طبعا ده كان غلط :(

انا كل اللي فكرت فيه اجيب الارخص في الاسبليت :22:

بس انا ساكنة اخر دور و غرفة النوم قبلي و طبعا الجهاز بياخذ وقت عقبال ما يبرد المساحه مع انها صغيرة لكن بها عيوب القبلي و اخر دور

الحاجات دي لازم تراعيها عشان متجبيش تكييف صغير لمساحة كبيرة و تجهدي التكييف

المفروض انها سلعة معمره م كل يوم هتغير او تعملي صيانة


اتمني ان اكون افدتك

بصى يا جميل انا من فضل الله تعالى عندى فى البيت مكيفين سبايت واحد و نص كاريير
و كنا جايبين واحد قسط و واحد كاش
و هما ما شا ءالله لا قوة الا بالله شغالين تمام و انصحك فعلا تجيبى كاريير بس بصراحة معنديش فكرة عن التكيفات الشباك ( مش هفتى بقى :35: )

و بالنسبة للقسط و الكاش حسب ظروفك يا قمر يعنى الكاش خلص و استلم اما التقسيط بتدفعى اكتر شوية بس بالنسبة ليكى افيد يعنى بتشترى حاجة مش معاكى تمنها كله و فى نس الوقت بتجبيها و تدفعى الأقساط
و لو حد مضمون فى مدينة نصر تشترى منه احنا جبنا من شركة شمس اللى فى أخر مكرم عبيد قبل لافلى و انتى رايحة على المترو

جابوا الجهاز و جم عشان يركبوه بعدها بتلات ايام و محترمين و حاجتهم موثوق فيها بس بصراحة مش عارفة موضوعهم ايه فى القسط اسالى برده احسن

اما الجهاز القسط كنا جيبينه من واحد جوزى يعرفة هو بيورد جملة و مش بيبع للأفراد تقريبا بس بيجيب تكيفات عند الشركة اللى جوزى بيشتغل فيها عشان كده محبة يعنى جابله واحد

و يارب اكون افدتك

زيودة ولوزة ومنى

جزاكم الله خيرا معلومات هايلة وان شاءالله هاروح شركة شمس واسأل على الاسعار