ROSHANA :

صباح النور اه انا كتبت بنقى سورى :) مش قصدى انقى بالمعنى المفهوم هو الراجل هو اللى بينقيلى بس انا بختار الحجم الصغير انا مش بعرف انقى السمك بصراحة ولا جوزى مع انه بورسعيدى بس هو الراجل ده حاجته ما شاء الله فريش وعليه دايما زحمة وجربته كذا مرة كويس و ماجربتش غيره بصراحة بالمناسبة بقى اللى جربته من السوق ده وماعجبنيش الفراخ كانت استغفر الله العظيم زفرة اوى عقدتنى واستريحت مع القدس برضه بس ساعات ماما بتجيبلى من سوق الحدايق من واحد عارفاه عنده مزرعة بتبقى زى بتاعة القدس وارخص

صباح النور اه انا كتبت بنقى سورى :) مش قصدى انقى بالمعنى المفهوم هو الراجل هو اللى بينقيلى بس...

miro :

من محل كل شئ يا روشا اسمه خيط سيرما انا جبت الدهبي والفضي ساعات بطرز بيهم بيبقوا شيك اوي طبعا ده كان زمان مرة كان جوزي جايب مفرش من الهند وطرزته بالخيط الدهبي والخرز دهبي فكان متقن ومبنش اني انا اللي مزوده الشغل كمان الخيط قوي يعني مش بيتقطع بسهولة بس لما تبتدي فيه انا بحطه في مانيكير شفاف وابتدي الضم فيه اللولي

من محل كل شئ يا روشا اسمه خيط سيرما انا جبت الدهبي والفضي ساعات بطرز بيهم بيبقوا شيك اوي طبعا ده...

don :

بصى يا ميرو بالنسبة للخضار فيه دلوقتى الخضار جميل زى البسله والفاصوليا والسبانح واكرنب والقرنبيط والقلقاس وكلها خضروات حتستنى معانا فى الشتاء فيه ناس قرب ما بيبتدوا يختفوا بتبتدى تفرزنهم وعلشان كمان يكون سعرهم نزل شوية لكن انا بصراحه ممكن مندلوقتى ابتدى او بعد اسبوعين بالكتير لان الخضار وهو طالع دلوقتى بيكون احسن بكتييير يعنى بصى للبسله حتلاقيها مليانة بعد كدة بتفضى والسبانخ خضراء وجميله والفاصوليا خضراء وماسكة نفسها قبل ماتشيخ فاهمة يا ميرو ؟ يعنى ممكن تجيبى وتشيليه فى الفريزر ومتخديش منه وبعدين تشترى برضه احتياجاتك اليومية بصى يا نهى كان فيه سوق كبير بيتحط يوم فى الاسبوع عند مدرسه سانت فاتيما من 6 ص الى 4 عصرا كان بيقعد فلاحين عندهم كل ما لا تتخيليه ابدا الحاجة كلها بجميع اصنافها طازة وفى اكياس نص كيلو حتى الكرنب كان مسلوق ومتقطع فى اطباق المهم كانوا للاسف بيقوموا بمشاجرات مع بعض مما اضطر الناس لتبليغ البوليس عليهم ومنعوهم من الجلوس مرة تانية لكن كان فيهم واحدة نظيفه وكويسة اسمها ام محمد معايا رقم تليفونها ممكن اديهولك وتقوليلها على طلباتك وتتفقوا على اى مكان انتى عيزاة وتقابلك وتديهولك دة بقى التسليه بتاعتى يا منى بدخله وانسى نفسى فيه ولعلمك عندهم حاجات واختراعات للبيت متخطرش على بالك انها ممكن تكون موجودة وعلى فكلرة انا اشتريت منه استاند بسيط فيه 4 فتحات علشان تعلقى فيهم مثلا المقشة والممسحه والزعافه مثلا بدل ما بنحطهم وراء باب المطبخ ولاهنا او هنا جميلة جدا ححطلكم صورتها خلاص يا ميرو عرفنا واتغظنا من الاخر كدة عايزين تصدقى بالله يا صفاء انى حجربه فى اقرب وقت بالرغم انى كنت متغاظة منه جدا من كتر الاعلانات اللى بيوزعها فى الشارع بطريقه مكثفه كل ما امشى فى اى حته او اروح مشوار ارجع تلاقى دواسه العربيه مليانة الورق بتاعهم من كتر ما تلاقى بتوع الاعلانات بيحدفوهم جوا العربيه يعنى بالزوق بالعافيه لالالالالالالازم يحدفهوملك

بصى يا ميرو بالنسبة للخضار فيه دلوقتى الخضار جميل زى البسله والفاصوليا والسبانح واكرنب والقرنبيط...