حبيبة ابراهيم :

صباحكم فل وقشطة عايزة استشيركم في حاجة كدا ويارب تفيدوني انا عندي شقة في مصر طبعا والحمد لله هيا ملك وانا عايشة انا وجوزي في السعودية لما سالت على العفش الفترة دي في مصر بيقولوا سعره نازل بس مقارنة بهنا هو مولع نار فكان جوزي بيقول ننزل العفش من هنا انتوا رايكم ايه انا خايفة من شركات الشحن تبهدل الحاجة ؟؟ وفي نفس الوقت فيها ميزة اني انا حختار بنفسي .. لكن لو اشتريت من مصر يمكن اخلي حماتي تشتريلي .. وانا عايزة اختار حاجتي بنفسي بس خايفة من حكاية النقل دي وبعدين هل ممكن آخد غرفة نوم من السعودية وما يعرفوش يركبوها هناك تخيلوا المصيبة بقى لو ما تركبتش !!!!!!!!!!!!!!1 ايه حآخد حد يركبهالي من هنا قوليلي ايه رايكم احوش وخلاص حماتي تشتريلي من هناك اضمن ولا اشحن من هنا

صباحكم فل وقشطة عايزة استشيركم في حاجة كدا ويارب تفيدوني انا عندي شقة في مصر طبعا...

tadoh :

السلام عليكم اخواتي الغاليات يارب تكونوا جميعا بخير في قناة الاسرة والطفل كان في دكتور متخصص في الاعشاب وسأذكر لكم بعض النصائح للعروسة وطبعا للجميع هو نصح العروسة قبل الزفاف بطبق السلطة وشرب اللبن وسلطة الفواكهه والحرص علي البعد عن الدهون ودهان الوجه بعصير البقدونس ودهن الشعر بزيت البقدونس تشتروا بذور البقدونس من العطار وتعصريه عنده وتاخدي الزيت علي البارد وتستعمليه كذلك الجرجير مفيد ايضا للشعر يضرب في الخلاط مع قليل ماء فهو مفيد وينبت الشعر ويزيل القشرة اما الاعشاب فينصح بشرب شاي الزعتر يعمل كشري والقرفة بالجنزبيل مفيدة جدا وذكر ان الزعتر يعالج تقصف الشعر يغلي ثلث ساعة علي النار ويستعمل كشطفة اخيرة بعد غسيل الشعر فهو يجعل الشعرة لينة وطريه وذكر ان البابونج يعمل علي نضارة الجسم واطالة الشعر وذكر وصفة هايلة للشعر تتكون من 100جم بابونج و100 جم زعتر و100جم حصا لبان يغلوا في لتر ماء لمدة ثلث ساعة وييصفي ويوضع في زجاجة في الثلاجة ثم بعد غسل الشعر ناخد منه وندلك به الفروة ويترك 6 الي8 ساعات والافضل لثاني يوم ثم يشطف وفائدة الوصفة ان الزعتر يلين الشعر والبابونج يطول الشعر والحصا لبان يزيل القشرة وقال ان الافضل شطف الشعر بماء ليس فيه كلور ممكن بالمياة المعدنية كمان ذكر خلطة من الزيوت تستعمل ايضا مع الوصفة السابقة زيت الجرجير والخروع والخس والزيتون وزيت حبه البركة ويتركوا علي الشعر 6ساعات ثم يغسل ولانعرض الشعر للشمس او حرارة الاسشوار الساخنة ولايشطف بماء ساخن لانه يضر بالشعر اتمني للجميع التوفيق واسفة للاطالة حبيت انكم تستفيدوا مثلي وياريت اللي تجرب حاجه تخبرنا بالنتيجة لتستفيد الاخوات ولاتنسوني من الدعاء بالذرية وكل محروم يارب.

السلام عليكم اخواتي الغاليات يارب تكونوا جميعا بخير في قناة الاسرة والطفل كان في دكتور متخصص...