عايزة ارد عليكى من فترة بس ظروفى كانت ملخبطة شوية

شوفى يا ستى

العفش برة بيبقى ارخص وشكلة اشيك كتير واذواق ايطالى راقية والفنيشيج هايل لكن خشبة مش متين
عن تجربة مش بيعيش وعايز تعاملية بالراحة والاولاد مايتنططوش علية لأن ممن يتكسر ويتفكك بسهولة
فأنا راى تستنى لما تيجى بالسلامى تنزلى دمياط وروحى لمحل معروف اشترى حاجتك مرة واحدة وينقلوهالك على البيت
ليه مستعجلة الازواق كل يوم بتتغير وبتتطلع حاجات جديدة و ممكن لو حد تانى اشترالك العفش ميعجبكيش زوقه

بالنسة للنقل كانت اجهزة مش عفش البوتجاز جه باب الفرن متدشدش ومكسور ودفعنا مبلغ محترم هنا عشان نركبلة باب وازاز جديد
التلاجة ايدها اتكسرت وحتة اتقشرت وفى كذا مكان فيها انبعاجات لجوة وحاجات تانية بس دول اقواهم
وجوزى لما راح استلم الحاجات هنا بيقولى حالتهم مزرية والغلاف متقطع من عليهم

بالرغم ان الشركة اللى نقلنا عن طريقها كانوا مصريين زينا للاسف الشديد واخدوا مبلغ مش صغير عشان تغليف الاجهزة كذا طبقة وحامى صدمات وافلام كده
وكنا هاننقل التلفزيونات كمان واتغلفت فعلا لولا واحد قريبنا فى اخر لحظة قالنا بلاش بيعوها بأى سعر احسن مش هاتتنقل سليمة والحمد لله اننا سمعنا كلامة

وكل مابستخدم التلاجة او البوتجاز لحد دلوقتى لازم احسبن عليهم حسبي الله ونعم الوكيل

ده كان النقل عن طريق الطيران

فعايزة ااقولك انها حظوظ او مستوى شركات الحقيقة احنا ماسألناش احنا من الدليل جبنا الشركة دى وقولنا مصريين زيينا :( وللاسف وطبعا بعد احنا ما جيينا والحاجة جت معرفناش نطولهم تانى ولا تعويض ولا يحزنون



تجربة تانية لاخت جوزى بقى كانت احسن هيا نقلت الاجهزة والعفش يعنى نقلت شقتها بالكامل بس مش طيران ى كونتينر container دى بتبقى عربية كبيرة زى اللى بينقلوا فيها العفش هنا من دمياط بس على اكبر بس تكلفتها عالية انك تتحمليها لوحدك فكانوا الناس بيجمعوا بعض ويأجروا كونتير نيقلوا فيه حاجتهم ودى بتيجى برى طبعا واامن كتير
من الطيران وبهدلة الطيران لان انتى بتبقى واقفة وقت تحميل حاجتك فى العربية لكن الطيران للاسف الشركة الزفت دى جت خدتهم من البيت عندنا ومنعرفش ايه اللى بيحصل بعد كده بس عرفنا بعد كده ان ونش بياخد الحاجة المغلفة حاجة حاجة ويحدف فى بطن الطيارة قابلة للكسر بقى مش قابلة مش مشكلته المفروض يكون الرجل من الشركة واقف وقت تحميل الحاجات لكن الله اعلم باللى حصل

ارجو انى اكون افدتك

دينا

حمدلله على سلامتك

دندون حمدلله على سلامتك ياجميل منوره المنتدى كله والله وتسلمى على كل حاجه بتقديميها لينا جزاكى الله كل خير

شكرا يا روشانا ربنا يكرمك انا فعلا استفدت قوي وانا مش مقتنعة بحكاية العفش دي لان عارفة ان الخشب في مصر احسن

وبعدين هيا شقة العمر يعني لازم الحاجة اللي فيها متكونش اي كلام


بالنسبة للأجهزة الكهربائية انا سألت كتير ولقيت انها ما تفرقش عن هنا يعني في مصر كل حاجة فانا اكلف على نفسي


وادفع جمرك ليه ؟؟ اجيب من هناك وخلاص

ربنا يسهل يارب ويبعت اللي فيه الخير للجميع

وشكرا مرة تانية يا قمر :)

يااااااااااااااااااااا ميرو سمعت اشاعه انك بتحبى الجرجير وبتفضلى تاكلى فيه ..... بس اعتقد انك فاهمة الجرجير غلط او عندك معلومات غلط عن الجرجير لأن بيقال ....بيقال ....بيقال ان اللى ياكل الجرجير هو الزوج .....لية ؟؟؟؟ الله اعلم
بس المثل الشهير بيقول

اذا عرفت المرأة فايدة الجرجير لزرعته تحت السرير :hahaha:
( ده طبعا علشان على ايامهم مكنش فيه التابروير :hahaha: