السلام عليكم
ازيكم يا قمرات؟

يا ترى فاكرنى ولا نسيتونى
طبعا ابله دون متالقه كالعاده بمواضيعها الحلوة والمفيدة

هقلكم برضو على شويه حاجات

انا لبسي عبايات بجيبه من سندس وهما ليهم فرعين واحد في سيتى ستارز والتانى عند سور الكليه الحربيه وده اللي بجيب منه علشان بيظبطولى العبايه وانا واقفه او لو ملقتش مقاسي بيعملولى اوردر
كمان في محل ومصنع شاهيناز بيعملو عبايات حلوة وكمان ممكن يفصلو اللي انا عايزاه

بالنسبه للايشاربات انا بجيب قماش من ميرا كلاس في عباس العقاد وببرمهم عند كرنفال اللي في مصطفى النحاس

لبس الاطفال بحب اجيب من الصياد واور كيدز ولف اند كير

بالنسبه للاكل بجيب البيض من الصالحيه اللي موجوده عند المحمل اللي في مصطفى النحاس بتبقى ارخص
ومرة جبت من عندهم لحمه من مزارع القوات المسلحه كباب حلة وكان الكيلو تقريبا ب 28 جنيه من حوالى شهر كده
جربتها وكانت معقوله

الفراخ بجيب من محلات القدس

الانشون ...مبجبهوش اصلا

الزبادى ........بحب انجوى وبعديه لاكتيل وبعده جهينه

اللبن ....... صباحو حلو

أفضل نوع مسحوق.....برسيل



نوع مرقة دجاج ....كنور " ماجى بحسها مدهننه اوى"



مسحوق غسيل .....برسيل


صلصه .........ززمزم


سكر الاسرة مش حلو لازم كميه كبيرة علشان يعمل مفعول


مكرونة .......... ريجينا او روزا او مصريه


منتجات زمزم للبقوليات والرز حلوة

الاحلى كمان ماركة اسمها نقاوتى

الملوخيه المجمده ....جيفركس

بالنسبه للمطبخ انا عاملاه الوميتال بجد اقل حاجه تتقال عليه رائع عملته عند المطابخ الحديثه في عباس العقاد عند رياضكو

ايه كمان.........؟؟؟

لو افتكرت حاجه هبقى اقول عليها

السلام عليكم
ازيكوا يا حلوين
حلوة قوي حكاية افضل حاجة
جزاك الله خيرا يا منى على الفكرة
بجد حلوة

يا بنات
انا سمعت كتير قوي عن منتجات جهينة انها وحشة جدا
فيه بدائل كتير زي دانون و بيتي
و حتى المستشفيات الكبيرة الكويسة بيقدموا دايما بيتي

السلام عليكم

انا بقالى كتييييير مادخلتش يارب تكونو فاكرينى

دون
وحشتيييينى اوى وكل البنات وحشتونى

كل سنة وانتو طيبين يارب يرزقنا ويرزقكم الحج الى بيته الكريم
:26:

بنانيتى عندهم حفلة حج يوم الخميس ان شاء الله,,دورت على عبايات وطرح ليهم مش لاقيه خالص
حد يعرف بيتباعو فين

شوفى التوحيد والنور او المحل اللى قصاد المنهل مش فاكرة اسمه
كنت سالت فيه السنة اللى فاتت وقالى ناس كتير جت سألت غعليها هانعملهالكم السنة الجاية :)

انا لفيت السنة اللى فاتت ومالقيتش وفى الاخر جبت من خان الخليلى بلوزة قطن طويلة مقاس سمول الحاجات القطن اللى بيبعوها للسياح هناك دى
وقيفتها انا وماما وبقت جلبات على قدها :) وطرحة تل بيضا كانت عندى

وشوفت افكار البنات كانوا عاملينها ظريفة فيه كانوا لابسين اسدال اطفال ابيض بتاع الصلاه

وفيه كان جايبين طرحة بيضا طويلة وتانينها بالنص وفتحوا دايرة مكان الراس تدخل ومخيطينها من الجانبين
متخيلاها ؟؟؟ زى العباية الفراشة اللى كانت طالعة موضه من فترة دى

اهى دى سهلة وممكن تنفذيها محتاجة طرحة كبيرة بيضا بس ودى تلاقيها فى اى محل طرح او حتى تشتريها قماش

هادور على صورة شبة الفكرة دى لو لقيتها ابعتهالك