ملف كامل عن خلطات تطويل الشعر بس اللي تحب تشارك تتفضل

مراااحب كويتية عسوله .. ماعندي شي بس لما شفتج كاتبه الموضوع استانست
وقلت
ادش اسلم عليج

بس ماني طالعه فاضية لعيونج :

الخلطه هاذي اسويها بالاسبوع مرتين وصج الاحظت تطويل الشعر وهي
3 كفاش سدر + بيضة + كفشتين زيت اي نوع (او خلطة زيوت) - ماي مغلي فيه بصله صغيره مقطعة لما يفوح الماي استخدم بس الماي وارمي البصل + كفشه محلب مطحون
اخلط المقادير مع بعض بحيث تصير رغوه ويصير مزيج خثرة وعقب احطه علي شعري من ساعتين الي اربع ساعات واغسل شعري - داومت عليه مدة شهر بالاسبوع مرتين وفعلا طال شعري بس قطعت لاني مليت تعبت .. والحين رجعت له . واحلي شي فيه يخلي شعرج شكله متغذي مو ناشف مع المداومه لانه فيه البيض وبالغسيل ما راح يبين ريحة البيض.

فيه بنت جزاها الله خير بالمنتدي اكتبت موضوع عن امبولات اكيرينال لتطويل الشعر ووقف تساقطه


علي فكره .. اللي تداوم علي خلطه معينه او زيت معين بس بشرط تواظب عليه وتداوم عليه راح تشوف النتايج مهما كانت نوع الخلطه او الزيت

ومع السلامه - فكره (ملف كامل عن خلطات تطويل الشعر بس اللي تحب تشارك ) خوش فكره عساج عالقوة


وتحياتي

مشكوووووورة حبيبتي شمس بدر على كلامج وعلى مشاركتج وانشالله بجرب وصفتج بس عندي سِؤال:
السدر اذا حطيته على شعر مصبوغ مايخرب لونه؟ لانه انا صابغه شعري وماودي اخربه لونه حلو...
وفعلا اللي تداوم على خلطة معينة راح تلاحظ التغيير على شعرها واحن هدفنا نجمع الخلطات ونخلي كل وحدة تختار اللي يناسبها
وشكرا مرة ثانية عالمشاركة

ولو عسوله .. انتي تامرين امر

السدر ما يصبغ الشعر كلش ولا له لون كلش .. اساسا استخدم السدر كبديل للحنا لاني ناويه اصبغ شعري بعد جم شهر بس انتظر حتي تروح الحنه من شعري -

ملحوظه .. البيض تضيفينه اخر شي - وايضا تقدرين تضيفين مع ماي مغلي البصل اي اعشاب ثانيه او ثوم حسب رغبتج
ولما تخلطين الخلطه بالكفشه راح تلاحظين انها انتفخت واكثفت وتصير لزجة بس علي فكره وايد خفيفه عالراس ..

وايضا غطي راسج بنايلون


واي سؤال اناحاضرة .. جم عسوله عندي

مع تحياتي

تسلمين ياعسسسسسسسسسسسسسسل انا احب اضيف زيت البابونج من شركة وادي نحل
يطوووول الشعر عند المداومه والف شكر :24: :26:

الف شكر لك ياعسل:27:






:26: