مرحبا بنات ...


بالنسبه لصالونات العين ..


بوضح شي بالنسبه لصالون الأفراح ..
مكياجها كوبي للكل .. ما تعرف تتعامل مع جميع البشرات .. و ما تقبل أنه حد يقولها مثلا ما اريد جذيه أو زيدي هنيه على طول تواجع .. و معاملتهن كلهن هب زينه .. اتكلم عن تجربه ..
و بصراحه يمكن تسريحاتها حلوه .. صح و طالعه بطلعه يديده بعد .. حاطه لافته على الباب ..
مكتوب عليها ( ممنوع أصطحاب الأطفال دون سن 12أو 11 :23: ) ..


حنان شقير .. بالعكس حبوبه و معاملتها حلوه .. و هب متكبره و مكياجها روووعه .. حتى تسريحاتها و الصبغه و القص .. ما عليها كلام .. و مجربتنها مرتين .. مره يوم كانت تملك كنز لبنان و الثانيه قريب ..


بتافيا .. القص حلو حتى الصبغه بس أسعارها مرتفعه بالنسبه لشغلها .. تنظيف البشره حلو عندها .. و فيه عندها قناع العروس يهبل و الله .. و مكياجها ما عيبني و لا تسريحاتها .. و تحط الوحده قدام الأمر الواقع ..:11: و مجربتنها ..


فكتوريا .. مكياجها حلو و تسريحاتها حلوه و أغلى عن الباقيات .. و ما جربتها بس شفته على صديقاتي ..


موناليزا .. مكياجها هادي .. تسريحاتها حلوه .. قص الشعر و الصبغه حلو .. معاملتهم قمة الرقي و يحببونج اليلسه معاهم ..و ما شاء الله عليهن كلهن الإبتسامه ما تفارقهن .. أسعارهم زينه .. مجربتنها ..


اللمسه السحريه .. صراحه في القص يتفنن .. حتى بالخيط دقيقات .. تسريحه و مكياج ما أدري عنه .. و معاملتهم حلوه .. مجربتنها ..


صالون لولو .. ما جربت بس ينقال .. أنه معاملتها هب زينه و ترمس عن الحريم ..


صالون سيدتي .. الشي الوحيد إللي جربته عندها التسريحه .. و الباقي ما أعرف عنه .. و معاملتهن ما يحتكن وايد مع الزبونه بس راعية الصالون حبوبه ..


صالون النورس .. حناهم رهييييب .. و الحلاوه بعد و ترسم العيون حلو بس لازم تشلين كريم أساس من عندج لأنها ما تعرف إللي يناسب .. التسريحات حلوه .. مجربتنها ..

صالون العروسه .. تخصص حناء .. حناهم وااايد حلو .. بس معاملتهن هب زينه و متكبرات ..
و إن رمستي أو تذمرتي عادي تخلي إيدج بنص نقشه و تنش عنج .. مجربتنها ..

صالون ريما .. حناهم حلو .. معاملتهم عاديه .. بس ألحين ما يندرابه لأنه العاملات تغيرن ..
و من زمان ما سرت صوبهم ..

صالون الراقي .. حناهم حلو .. ما جربته بس شفته ..

صالون هبه .. مكياجها حلوو .. و تعاملها للبشره حلو .. تسريحاتها حلوه بس هب دوم .. معاملتها حلوه .. مجربتنها ..

صالون العنايه الملكيه .. ما جربته بس شفته .. حلو ..


مركز الندى.. جربت عندهم القص و الحلاوه و الباديكير بالشمع و عيبني شغلهم .. بس المعامله هب لين هناك ..

صالون ميثاء .. على طول زحمه هالصالون .. تخصص حناء .. حلو ..بس المعامله هب زينه ..
مجربتنه مره وحده و لا فكرت ارجع و السبه المعامله .. عادي تتساب وياج ..

صالون فاطمه .. تخصص حناء سوداني .. للي يحب النقشات الكبيره .. عن نفسي ما ادانيه .. و أمي دومها تتحنى عندهم ..

صالون الحسناء .. شفته و ما جربته .. كانت معدله عروس الصراحه عيبني ..


بالنسبه للي يحوطن البيوت ..

شاهينه .. حناها روعه .. و اسعارها رخيصه .. بس لازم بالحجز .. و معاملتها حلوووه .. و دايما اتحنى عندها ..

علويه .. دقيقه جدا في حناها .. تحني بس العرايس و يطلبونها الشيوخ .. بس تراها بطيئه .. اختي مجربتنها لعرسها ..

فيه وحده بلوشيه .. مكياجها يمدحونه .. و شكلي بجربها لعرس بنت عمتي ..

لين .. تسريحاتها ناعمه .. و قصها حلو .. مجربتنها ..


و فيه وحده قريت عنها في المنتدى اسمها أم الريم مدحنها البنات .. فحد يعرفها ؟؟؟

ما اظن أني نسيت حد .. و جان تذكرت حد بخبركن عنه ..


و السموحه منكن خواتي ..:27:

خبرة في صالونات العين

مرحبا الغاليه بنت_البنات ..

الخبرة هاذي لأني أملك صالون .. توه يديد فشي طبيعي أعرف عن الصالونات ..
و مجربتنهن عسب ما أكون كوبي منهن ..:11:

بس هونت و بأجره ألحين لأنه يباله مجابل و أنا عامله ما عندي وقت له ..


لج مني خالص الأحترام .. :27:

مرحبا.....................خواتى طرشو لى ارقام الى يمكيجن فى البيت....بس يكونن فى بوظبى.........
سلمتووووووووووو
احبكم...........................................

بنات خبروني عن الصالونات الحلوة في رأس الخيمة من حيث ان مكياجهم حلوة وتسريحاتهم ..