السلام عليكم... بغيت اقوللكم عن تجربتي في صالونات بوظبي...

صالون عروس الخليج... سويت عندهم مكياج وتسريحة اكثر من مرة.. وكان دايما حلو ومش مبالغ فيه.. بس يوم ملجتي.. كان وايد حلو.. والكل مدحه .. الصراحة ما كنت اروح عند وحدة معينة.. كلهم يعرفون يحطون.. بس الحين ماعرف منو موجود عندهم.. لان صارلي فترة ما رحت عندهم..

صالون جويل.. يخسارة فلوسي .. سويت عندها يوم عرس اخوي.. الصراحة كان عااااااادي.. لو ادري جان ما سرت وحطيت حق عمري.. وتعاملها ما كان اوكي..

صالون دولا.. سويت عندها يوم عرسي.... صح غالي.. بس كان يستاهل.. كان وايد وايد حلو.. وطلعتني غير.. واللي سوت شعري.. كانت ما شاء الله سريعة بس ابدعت.. المشكلة يوم سويت عندهم يوم عرس اخوي.. كان حلو بس مش مرتب.. (اللي سويتلي هالمرة اختها) والطامة الكبرى كان فيه فرق في توزيع المكياج بين عيني اليمنى واليسرى!!! يالفضيحة .. لو لا تدخل بنت خالتي.. جان الله يستر..

صالون لابوبيه.. حلو.. زين.. والاسعار اوكي..

صالون روز... سويت عندهم مرة.. من يمكن 5 سنوات.. قبل كانت عندهم وحدة ما اعرف اسمها.. بس سويتلي وايد حلو.. وهم معروفين بالتسريحات الحلوة, وقصاتهم وصبغاتهم..

صالون باريس غاليري... مادري.. يوم كنت عندهم في الصالون وايد عجبني.. بس لما وصلت البيت.. كانت قصة ثانية ,, طبقات المكياج ما كانت واضحة.. واللمعة اختفت..

صالون ماك.. اللى سوتلي كانت فلبينية.. وكان حلو ومرتب.. بس المشكلة ان لازم انروح لين بوظبي مول

وحطيت مكياج عند بنت من بنات المنتدى.. الغزيل.. كان اكثر عن روعة.. ووايد حلو..وتعاملها راقي.. وان شاء الله اتعامل معاها دوم..

بالنسبة لصالونات دبي.. انا جربت مورا... كان حلو بس الكريم اساس مبالغ فيه.. ومثل ما قالن البنات.. حق ناس وناس.. يعني لو ما وصت علي بنت عمي في دبي.. جان الله اعلم كيف بيكون اللوك ..

وجربت مكياج ماغي(Magi).... كان وايد وايد حلو... غالي صح.. بس عجيب..

الصراحة الموضوع حلو ومفيد حق باقي البنات.. يعطيكم العافية ....

sorry al computer ely ast5dmah my yktb 3rabi

ana b9ra7ah a5trt 9alonain in Dubai
linda khalifa & koteees
bas yalit aly tmkygt 3ndhm tqoly sho a7sn wa7d

plz lanah 3rsi greeb waid wlazm al7jz

yalit etsa3doni




:)

نور السحاب عزيزتي طرشيلي رقم الحرمة اللي تعدل

والف شكر لج

عندكم مكياج خلود الكويتيه
وهي عملت لي المكياج لعرسي
وتعاملها جدا راقي

شكرا يا بنات على الموضوع المفييييد جدا عن الصالونات
خزنته عندي لوقت الحاجة

بس سؤال .. الى ملامحها طفولية وناعمة ( مثلي ) اي الصالونات بتكون مناسبة لها ..لانه طبعا المكياج الثقيل ما بيطلع حلو
والله انه شي مخوفني يمكن الصالونات الى ذكرتوها صحيح مكياجها روعة بس للى مثلي ( ملامح طفولية ) ؟؟؟!!