انا احشيها اكثر شي موالح وارجع اثلجها بالفريزر وتنفع حق الزنقات للعشا واذا مستعجلة ولا اسهل على طووول بالفرن وخلص العشا :)

اول حشوة احط فيها دجاج مسلوق ومفتت مع جزر ومايونيز

والثانية صلصة البيتزا مع بيبروني او مشروم وفلفل اخضر بارد وجبن موزاريلا

والثالثة تونة مع جبن شيدر وعصير ليمونة وشوية ملح وفلفل اسود

والرابعة مشروم مع جبن قلاصات

والخامسة جبن قلاصات مع طماط وزيتون وفلفل اخضر بارد ...

والسادسة كتشب ونقانق وماسترد

ها تعبتوا ؟؟؟؟؟

جربوها وعليكم بألف عافية

هلا فيكم جميعا..

بعد ماتستخدمونه مرره ثانيه (يعني مفكوك من قبل ومحطوط في الفريزر) مايتناشب مع بعض ويخرب عليكم؟؟؟

أقدار استعملي عجينة امريكانا وخليها شوية فترة بعد ما تطلعينها من الفريزر مو شرط تذوب كلش لأنها لما تذوب وترجعين تثلجينها تلصق في بعضها بس بحيث انك تقدرين تفككينها بدون ما تتكسر وبتلقينها تنفك ولا اسهل ...

اخواتي عندي لكم سؤال عن البف باستري:

في الفرن ما ينفش عندي وايد...انا احط عليه جبن شرايح واقطعه مثلثين..واحطه بالفرن..يطلع لذيذ جدا..بس مو طبقات ...سؤالي عن الفرن...هل يكون عالي جدا..انا اخليه على حرارة متوسطه..
كيف يكون منفوش ويصير كأنه 4 -5 صفوف ..
يا ريت تردون علي

ا
لاخت اقدار مرحبا ممكن انك قبل ما تحفظينه بالفريزر تحطين بين العجين قطعه بلاستك وما رح تتشابك معك

الاخت سوسن محمد مرحبا اولا لازم يكون الفرن حار مره=== وانا احيانا افردها وتنفش مره ==بس يمكن حشوتك
ثقيله مره ما تقدرتنفش من ثقله
وعموم هي تنفش مفروده او لا ====وشكراااا للجميع