يا ريت يا بنات تكتبونا طريقة الاشياء اللي بتفرزوها عشان نعملها لانى لم استخدم هذه الطريقة من قبل وفي رمضا بنتعذب في الاكل عذاب والاخت مجدة هيا نحن في الانتظار

الفكره رائعه00
نرجو التفاعل وطرح تجاربكن لاني بصراحه ماعمري فرزنت00000

السلااااااااام عليكم الاخوات الغاليات

كل سنه وانتو طيبين انشاء الله نسال الله ان نكون من عتقاء الرحمن فى شهر رمضااان امنو معىىى اااااااااااااااااااااااامين يارب

موضوعكم فوق الممتاذ فى رمضان عزومات كتييير والواحد ما بيكون عندوا الوقتىانوا يسوى اصناف كثيره كل يوم وخصوصا ان اهم حاجه ان كثره الوقفه فى المطبخ بتشغيلنا عن عباده ربنا فى هذا الشهر الكريم ( شهر العباده ) مو شهر الاكل والمفروض هوا شهر فى السنه فيه فرص من ربنا عشان يغفرلنا

انا هقولكم على الحاجات اللى بفرزها فى الفريزر قبل رمضان والله العظيم هتنهبلوا عليها
بس بشرط اللى يعمل طرقى لاااااااااااازم ولابد يدعيلى دعوه حلووووووه كل يوم قبل الفطار فى رمضان :27:


اللى عايز يستفسر عن طريقه عمل اى حاجه انا جاهزه وفى خدمه الجميع
بسم الله نبدا

اولا طبعا اهم حاجه الصلصات حقت المحاشى وبعض انواع الايدامات التى تحتاج للتسبيك مثل دقيه الباميه وصلصه الكفته والمسقعه وكمان صلصات المكرونات صوص البولوننيز بعمل الصلصات جاهزه وميه ميه وبعبيها فى اكياس بلاستيك هذا لورق العنب وهذا للملفوف والخضروات
ونصيحه منى لوجه الله لا تحشون المحاشى وتفرزوها لانى مجرباها لان الارز بيتكسر من التجميد ولما تيجى تسويه بتلاقيه مكسر وجامد ومعجن ممكن بس تحشى ورق العنب بس الى محشى لحم فقط مش ارز

ثانيا حشوه الباشميل اللحم المعصج بالطماطم واكيس
وحشوه الدجاج حق النجريسكو
وحشوه الحواوشى او العرايش
والكفته ( كفته داوود باشا - كفته اللحم بالبطاطس- وكفته البطاطس بالتونه - وكفته البطاطس محشيه بالجبنه كفته بالبيض والبقسماط - وكفته البطاطس المحشيه لحم معصج - وهمبورجرات بكذا طريقه - كبه بالصينيه فى صنيه فويل مدوره وبعدين لما بطلعها واسويها فى الفرن واقطعها مثلثات بتبقى والله العظيم احلى من الطازه - الكبه المقليه والكبه المشويه)


ثالثا بسوى كل البانيهات ( فيليه الدجاج والبفتيك والكبده والجمبرى والسمك وبانيه مربعات التوست باللحم رووووووووعه وكمان بعمل كنتاكى كرسبى روووووووووعه والله العظيم احلى من كنتاكى ومقرمش اكثر والله العظيم قسم اتحاسب عليه يوم القيامه وبعمل افخاذ الدجاج والجوانح والبوب كورن برضوا بنفس الطريقه وبيطلع رووووووووووووووعهوانشاء الله هعملوا بكره باذن الله واصوروا بالكاميرا وانزل الصوره بالمنتدى والميه تكذب الغطاس
بس دول بينحطوا فى علب بلاستيك وبحط بين كل راق ورق مطبخ عشان ما يلزقوا فى بعض

وبتبل الفراخ المشويه واحطها فى اكياس بكذا خلطه ( بالخلطه المكسيكى - بالثوم والزنجبيل والليمون- وبالبصل والباربكيو- وبالزعفران والكارى والليمون )





وبتبل برضوا اللحم عشان الشوى على الغاز او فى الفرن او عمل الاستيك بكافه اشكله وانواعه( لحم متبل بالبصل - وبالثوم والليمون والخل وبالبن - بالزنجبيل - بالكارى)
واطلع من بالليل عشان التلج يذوب واصبح اشوى على طول قبل الفطار او اعمل استيك بالخضار او المشروم او بالفلفل

والفليهات المحشيه اذا بالزيتون المرتاديلا الاجبان والخضار
كتف او فخذ محشى بخليه وانظفه واتبله واجهزه على طول على الحشو بالارز او مثلا اغطيه بحلقات البصل والفلفل والثوم والطماطم
وبعمل الرستوو المحشى ( باصابع الخضار - بالفرانكفورتر - بالسجق-بالمقانق )
والبط الرستو
والكبده المشويه
والدجاج اذا هينحشى لحم مفروم وخبز مش ارز لو ارز بتبل واجهز بس او خضار
والحمام او السمان المحشى بالفريك بس مش ارز الازر لايصلح ابدااااااااااا للتفريييييييييييييز





وبعمل عجينه طعميه وبرضوا اقسمها فى اكياس
وكذلك الصلصات
صلصه المايونيز بالثوم حقت السلطه الروسيه اساسيه بموت فيها يدوبك اسلق الخضار على البخار او اشويه واقطع واحط عليها الصلصه بحطها فى برطمانات ازاز اوبلاستيك واحط فى الثلاجه مش
وصلصه الطحينه بالخل واليمون والماء والتوابل ( عشان بابا عنوج والحمص المتبل وسلطه الطحينه وعشان الفول )

وتتبيله الاسماك لاعدادها للقلى او الشوى ( لان السمك لما يتجمد بيبقى طعمه مو حلوو مثل الطازج

وبعمل صوص رووووووووووعه اسمه صوص ديمجلاس لونه بنى بستخدمه فى ( وبلمع بيه الدجاج والبط والحمام المشوى او المحمر بيديلو شكل روعه والارز بالخلطه والاستيك بيعطيلوا طعم رائع وهوا عباره عن ( عظم لحم او دجاج او بط محمص فى الفرن وجزر وكرفس وبصل وكراث وكزبره خضرا وهيل وقرفه خشب ومسمار ولورا ) يغلو فى ماء على نار هاديه لمده 3 ساعات وبعدين ينصفو ونربطهم على النار بملعقه نشا ونتبله بالفلفل الاسود والبهارات والملح الصينى

وصلصه المسطرده
وصلصه الصويا صوص المنكه بالزنجبيل والكراث ( لزوم الاكل الصنى والارز المقلى )

وصلصه الخليه والليمونيه لزوم الكشرى والخضار والسمك والسلطات عموما ويتعبا فى ازايز وترشى منه على كل حاجه



وكمان بعمل البيتزات الصغيوره مش الكبيره عشان ما تاخود مكان والسمبوسكات





وكمان الخضار

الملفووووووف الابيييييييض بفرغه وبسلقه على البخاااااار لازم على البخار لو ما سلقتيه على البخار ما ينفع يتجمد لا تخلى الماء يوصل لاوراق الملفوف ابدااااااااااا تضعى فى طنجره كبيره قليل من الماء وقطعه خبز وكمون حب وتتركيه يغلى وتضعى ورقات الملفوف فى مصفاه فوق البخا ر وتغطيها بس تكونى متابعه وتقلبيه من ان لاخر وبعد ما تسلقيه على البخار تتركيه يبرد تمام على قطعه قماش وتقطعيه وتضعيه مفرود فى اكياس بلاستك جافه وتفرغيه من الهواء وتغلقى الكيس بالسكين الساخن وتصعيه مفرود فى الفريزر او الديب فريزر يكون افضل

وكزلك القرنبيط زيه تمام عشان تجهزيه للقلى بيبقى شكلوا شيك مع المقالى فى العزايم

وكمان بعمل الباذنجان الاسود العروس بس على طريقتنا مش ( المكدوس ) وبعبيه فى علب

وكذلك الخبز بالثوم بتبله وبحطه فى اكياس واطلعه بعدين واحمصه ويبقى جاهز يقدم مع الشوربات

وبعمل حلقات التمر المقلى بالمكسرات لزوم الفطار والقهوه
وبعمل خلطه الخشاف وبخليها جاهزه فى كيس على النقع على طول فى الحليب او قمر الدين
انشاء الله هنزل الطريقه قسم الاكلات المصريه بمناسبه رمضان كل سنه وانتو طييبيييييييييييييين



وتقبل الله منا ومنكم الصيام والقيام اللهم ااااااامين

انشاء الله اذا افتكرت حاجه تانى بكتبهالكم على طووووووووووووول

بعد اذنك اموووووووووووول ممكن اكتبه كمان عندى فى قسم الاكلات المصريه ؟؟؟



نسييييييييييييييييييييت ااقولكوا نصاااااايح مهمه جدااااااااا


قبل ما تعملى اى حاجه هاتى كراسه واكتبى فيها كام عزومه هتعمليها وهتعملى فيها ايه وكمان كام مره هتعملى من كل حاجه عشان ما تمليش الفريز حاجات وفى الاخر تزيد عن الحاجه وبعدين تكتبى الطلبات اللى محتاجها يعنى هتنزلى تشترى كام دجاجه وكام كيلو لحمه وكام مفروم وكام فيليه وهاتى على قد الشهر وخلى حاجات بسيطه زياده لزوم الضيوف المفاجاه

وكمان حاولى تضعى التسبيكات والحشوات فى اكياس عشان ما تاخذ مكان

وحطى البانيهات بس هيا اللى فى علب او باطباق فل صغيره حطى فيها طبقات وغطيها بطبق اخر فل وغلفى الاتنين بالبلاستيك الاصق الطريقه دى كمان اسهل من العلب واقل تكلفه وكمان ما بتاخود مكان ابدا بالفريزر وحطى بين كل راق وراق ورق مطبخ عشان يسهل عليكى اما الكرسبى او البوب كورن حطيه
فى علب او اطباق فل زى ما شرحت بيكون افضل بكتييييييييييير)صغيره على حجم الحاجه للمره الواحده


ما تنسوووووووووش تدعوولىىىىىىىىىىىىىىىى
ادعولى ربنا يباركلى فى ابنى ويوفق جوزى فى عمله ويرزقه برزقنا ويسد ديونا ويحفظنا فى غربتنا :44:

اختى روشه طحن بصراحة كفيتي ووفيتي بارك الله فيك ونولك كل اللى في بالك ووفقك وزوجك وابنك
نتمنى الاخوات يتفاعلوا معانا ويفيدونا كمان وشكرا

الف شكر اختي روشه طحن
على المعلومات القيمه ونرجو منك المزيد
:24:
وكذالك باقي الاخوات اقصد اطبخات الماهرات:24: :26: :24: