أولا: النصائح البسيطة أو العادية
- الكعب العالي حاولي تتجنبيه بقدر الإمكان
لأنه مضر بالقدم والظهر أيضا
ولو اضطريتي تلبسيه اعملي حمام ماء دافي لما ترجعي مع التدليك.
- كمان الأحذية الضيقة غلط على القدمين حاولي تتجنبيها
وبرضه لو اضطريتي يبقى تعملي الحمام الدافي ليها بالملح.
- غير كده وانتي خارجة لو بتلبسي جوارب أو أحذية مقفولة
يفضل وضع البودرة الخاصة بالقدمين
عشان منع الرائحة وكمان منع انتشار فطريات القدم
واللي ممكن لو تطورت تكون لها آثار سلبية سيئة جدا على القدمين
ويفضل انك تلبسي جوارب ألياف طبيعية زي القطن مش ألياف صناعية
لأن القطن بيساعد على التهوية وبيمتص العرق
وبالتالي ما تنتشرش البكتريا في القدمين من العرق.
- لما تيجي تقصي الأظافر
يفضل عدم قصها أو تقليمها من الطرفين بعمق
لأن ده بيخليها لما تطول تاني ممكن تدخل في الجلد وتسبب ألم
عشان كده يفضل انك تقصيها بشكل مستقيم متساوي
وغير كده لا يفضل قص الأظافر وهي مبللة لأن ده بيأدي لتكسيرها أو تقصيفها
- إذا شعرتي بالحكة في القدمين إوعي تستسلمي للشعور ده
لأن ممكن يسبب انتشار أسرع للفطريات
لذلك قومي بغسل القدمين وتجفيفهما جيدا
ثم ضعي كمادات ثلج أو ماء بارد حتى تشعري باختفاء هذا الشعور.
- يفضل من فترة لأخرى تعملي تدليك للقدمين عن طريق بكرة أو كرة
كما هو موضح بالصورة بحيث ان القدم كلها تتدلك مش منطقة معينة
الطريقة دي بتنشط الأوعية والدورة الدموية في القدم وكمان بتساعد على راحتها جدااا
ثانيا نيجي بقى للخطوات المتقدمة
حمام القدمين وأنواعه
حمام القدمين بيكون عبارة عن ماء دافئ يضاف إليه مكونات معينةالمكونات دي بتختلف حسب نوع الحاجة لاستخدامها
ولكن بتحتاجي لعمل الحمام أدوات معينة الأول وهي
- الإناء اللي هتعملي فيه الحمام ده
- منشفة عشان تجففي القدمين كويس بعد الشطف
- مبرد خاص بالقدمين أو ورق رملي للصنفرة
والتخلص من الجلد الميت بعد الحمام
- مكونات الحمام حسب اختيارك من أنواع الحمامات القادمة
- حجر أو ليفة خاصة بالقدم
- فرشاة خاصة بالقدم
- كريم مرطب لوضعه بعد الحمام (كاموميل أو جلسرين أو أي كريم خاص للقدمين)
أولا قبل أي حمام اغسلي القدمين كويس ودلكيهم بالحجر مش كتير مدة الغسل بالصابون بس
وممكن التدليك يكون بفرشاه خاصة برضه
ويفضل التدليك بالحجر أثناء الحمام بس خدي بالك مش جامد
لأن الماء الدافئ مش بيحسسك لو انتي جرحتي نفسك مش هتعرفي غير لما تخلصيه
وتكتشفي انك دلكتي أكتر من اللازم
فخدي بالك كويس الحمام ممكن يكون ربع ساعة أو نص
بالكتير أوي لو حالة القدمين سيئة ساعة ماتزوديش عنها
وماتدلكيش كتير او جامد حركات دائرية في القدم ومش لازم تدلكي بإيدك ممكن تخللي الحجر في الماء
وتدلكي القدمين فيه
وممكن كمان تدلكي بالليفة الخاصة مش شرط حجر
وهنشوف الحمام بيكون ازاي دلوقتي
أولا حمام الملح
الحمام ده بيكون ماء دافئ مضاف إليه ملح خشن
بيكون عشان صنفرة القدمين والتخلص من الجلد الميت
وفي نفس الوقت عشان لو فيه زي أكياس مياه في جلد القدم
الملح بيقوم بتجفيف هذه الأكياس ويعمل على علاجها بصورة أسرع
ثانيا حمام الليمون
برضه ماء دافئ ويضاف إليه عصير ليمون بمعنى انك تجيبي الليمون تعصريه فوق الماء
الحمام ده بيفيد الأظافر جدا ويعمل على تنعيم بشرة القدمين والعمل على تبييضها
وإعطائها لون واحد
وده بجد راائع بعد اسبوع واحد هتلاقي شكل الأظافر والقدمين في منتهى
الروعة
ثالثا حمام النعناع أو عشب النعناع الجاف
وده بجد رااائع في نعومة القدمين
وهتلاقي النتيجة من أول مرة جميلة جدااااا
بتغلي النعناع في ماء وتضيفيه على الحمام بتاعك بحيث يكون الحمام دافي يعني
وطبعا بتصفيه قبل ما تضيفيه
وبعدين تدلكي القدمين في الحمام ده لمدة ربع ساعة أو أكتر زي ما تحبي
وزي ماقلت المدة فوق شكلها ايه
وبعد كده تشطفي القدمين وتجففيهم كويس وده برضه بيكون بعد كل حمام مش معتمد
على نوعه
رابعا حمام الخل
أولا عايزة أقول أن أحماض الفاكهة بشكل عام بتدي نتيجة حلوة أوي في حمام القدمين
زي الليمون أو البرتقال
أما حمام الخل فهو بخل التفاح
وبجد فوائد خل التفاح رائعة من أول أنه بيعمل على إزالة الجلد الميت بسهولة
إلى أنه كمان بيكون مضاد قوي جدا للبكتريا والفطريات
وبالتالي الحمام ده بيكون مفيد جدا جدا للأقدام المشققة وفيها جلد ميت كتير
أو بتعاني من الفطريات
وده طريقته انك بتحطي معلقة كبيرة من الخل في ماء مغلي مع عشب الأنجرة
وتغطي عليه بس عشان يتجانسوا مع الماء ومع بعض
وتضيفيه للحمام بتاعك
بس نتيجته رااائعة.
خامسا :حمام الزيوت العطرية
وده له حكاية تانية خالص
برضه له أنواع وبتعتمد على سبب الاستخدام
لتخفيف تورم القدمين
يضاف إلى ماء الحمام:
- 7 نقاط من زيت البابونج
- 3 نقاط من زيت الريحان
- 6 نقاط من زيت اللافندر
- 6 نقاط من زيت الجرانيوم
لتسكين آلام القدمين
يضاف الآتي:
- 4 نقاط من زيت الحصالبان
- 3 نقاط من زيت البابونج
- نقطتان من زيت الزعتر
للتخلص من خشونة جلد القدمين وتقوية الأظافر
يضاف الآتي:
- فنجان من منقوع البابونج (يحضر المنقوع بإضافة ملعقتين كبيرتين من زهرة البابونج إلى فنجان ماء مغلي، ويترك العشب لينقع لمدة 15 دقيقة).
- 6 نقاط من زيت اللافندر.
- 6 نقاط من زيت الجرانيوم.
لمقاومة زيادة عرق القدمين
يضاف الآتي :
- 6 نقاط من زيت الصنوبر.
- ملعقة كبيرة من عشب بندق الساحرة.
أوكي بعد ماتخلصي لو لقيتي جلد ميت على القدمين
استخدمي المبرد الخاص بالقدم للتخلص منها أو الورق الرملي
وده بيكون سهل بعد الحمام لأن الجلد بيكون ناعم
وبرضه خدي بالك مش جامد عشان ماتجرحيش نفسك
نيجي بعد كده بقى لتدليك القدم
يمكنك أن تدلكي أقدامك بنفسك دون مساعدة الغير ..
1- إجلسي براحة ودلكي كل قدم وحدها
أديري قدمك حول الكاحل باتجاه عقارب الساعة
ثم بالعكس حركي القدم إلى أعلى ثم إلى أسفل
ولفي أصابع قدمك بشده ثم أرخيها ..
2- ضعي لوسيون على كف كل يد
ثم امسكي قدمك بيديك الاثنتين دلكي اللوسيون حولها بما فيها بين الأصابع
دلكي الجلد المحيط بالأظافر وأديري كل إصبع وحده ودلكيه ..
3-إمسكي كاحلك ودلكي بقوه باتجاه اسفل القدم ..
4-إضغطي قوس القدم وجانبه وهو ما يساعد على إراحة القدم المتعبة المؤلمة ..
لتسكين الآلام وتجميل القدمين
دلكي بهذه المكونات
ـ 6 نقط زيت قرنفل.
ـ 5 ملاعق كبيرة زيت سمسم.
التحضير والاستعمال :
تخلط المكونات جيداً ، ويستخدم الخليط الناتج في دهان جلد القدمين.
وأخيرا بعض النصائح الإضافية الخاصة بالقدمين
هل تعانين من الصداع؟
اتبعي نصيحة اختصاصي الانعكاسات اللاإرادية
واضغطي برفق على الجزء الكثير اللحم في الاصبع الكبير
في القدم وصولاً الى طرفه للتخلص من الصداع.
للحفاظ على صحة الاظافر
تناولي الاطعمة المحتوية على الزنك والحديد والاحماض الدهنية الاساسية.
عاملي بشرة قدميك بعنايه تماما مثل بشرة وجهك وشعرك لكي تبدو بصحة افضل.
هل تعانين من مسامير الاقدام والجلد المتصلب؟
عليك زيارة اختصاصي القدمين.
اذا لاحظت وجود ضلوع في اظافر اصابع قدميك،
اختاري لوناً باهتاً وفاتحاً من طلاء الاظافر لكي تبدو ناعمة جداً.
اذا كانت اظافر اصابع قدميك سميكه وبشعة، راجعي الطبيب لانها قد تكشف عن مشكله صحية كامنة
وبتكون غالبا ناتجة عن انتشار الفطريات وتطورها.
لمعالجه القدمين بصوره فوريه دلكيهما بالفازلين الممزوج مع زيت شجرة الشاي العطري.
انتبهي الى قدميّ أمك،
فالأظافر الجيدة أو السيئة موروثة عادة من الأهل.
يمكن القول إن القدمين المفتقدتين إلى العناية تلفتان النظر أكثر من أي شيء آخر.
لا يجدر بك أبداً قص البشرة الميتة المحيطة بالأظافر.
يكشف الحذاء المثالي للقدم عن فراغ قدره 6 ملم على الأقل
في الجهتين الأمامية والخلفية، فضلا عن مساحه لتحريك أصابع القدمين.
للوقاية من رائحه القدمين،
رشي بكربونات الصوديوم داخل الحذاء.
لا تستعملي المبرد المعدني لأنه قاس جداً على الاظافر.
لوني اصابع قدميك بالالوان التي لا تجرؤين ابدا على استعمالها في اصابع يديك.
اذا اردت استعمال مستحضر يجعل البشره سمراء اللون (برونزاج مثلا) لا تتوقفي عند كاحليك بل ضعي المستحضر فوق اعلى القدم وصولا الى الاصابع.
اذا كنت لا تملكين الوقت لتلوين اظافر اصابعك استعملي مبرد الاظافر لجعلها ناعمة ولامعة ومن ثم زيت الاظافر.
للحؤول دون تعرض الاظافر الجافة لمزيد من الجفاف اختاري طلاء اساسي له قوام دبق حتى يلتصق به الطلاء الملون.
استعملي زيت الاظافر لإبقاء البشرة الميتة المحيطة بالاظافر ناعمة وطرية.
زيت الخروع يا جمااعة رااائع للأظافر
يجب ان تحتوي علبه العناية بالاظافر على مبرد طبيعي للأظافر
( على ان يتراوح رقمه بين 1 و 8 علماً انه كلما ارتفع الرقم اصبح المبرد اكثر نعومة).
استعملي ضمادات الاظافر لترميم التشققات والاظافرالممزقة.
لإزالة طلاء الاظافر بأفضل طريقة ممكنة
بللي كره قطنيه بمزيل الطلاء الخالي من الأسيتون واتركيها على الظفر برهة حتى يتغلغل مزيل الطلاء ثم امسحي من القاعده وصولاً الى طرف الظفر.
إذا كنتي تزورين إحدى مراكز التجميل
تأكدي من ان اختصاصية العناية بالقدمين تنقع ادواتها في مستحضر قاتل للجراثيم
او ترش عليها الرذاذ المضاد للجراثيم.
وبــــــــــــــــــــــــــــــــــــــــــــــــ ـــــــــــــس
م.ن.ق.و.ل للفائدة