أم فيصل ..

صراحة أول ماجبت حمود كنت أخاف عليه موووت من الحمام .. واحممه كل 3 أيام خصوصاً إنها كانت أواخر الشتاء و ماولدته إلا بالزكام تأذى فيه المسكين .. لكن من كبر شوي صار عمرة شهرين تقريباً صرت أحممه كل يوم .. لو ماحممته الصبح أحممه بالليل على الساعة 9 أو 10 قبل النوم :) حتى يرتاح وينام ..

وزيره ...

ماعليها شر إن شاء الله :) ...

لا هم قالوا لي إنهم يبدأون بالفواكه .. ممكن تفاح أو موز .. كمثرى .. الشغلات هذي .. و عمات حمودي قالوا لي انهم يعطونهم بسكويت فارليز .. مع الحليب .. أو ممكن تذوبيها وتأكليها .. بالرضاعة اللي تجي فيها ملعقه أو بملعقه الأطفال من غير الرضاعه.. حتى الرز لكن اللي يكون مهروس ولين ومن غير ملح أو بهارات..

صراحة للحين محتاره ماادري أبدأ اعطي حمودي عصاير ولا أأجلها .. بدأت من كم يومين اعطيه عصير التمر .. يعني عطيته يوم وتركت يوم وعطيته اليوم اللي بعده .. للحين ماشريت المعصره لاني أدري لو شريتها يعني راح أبدأ أشرب حمودي .. لكني مأجلتها حتى أأجل لم يكبر شوي .. ولو انهم بالبيت يحاولون وياي عطيه ياكل أو يشرب شوي وللحين مقاومه .. :)

السريلاك مكتوب عليه إنه من سن 6 أشهر .. الفارليز سألت الصيدلي قال لي من سن 4 أشهر ..

هلا وزيره ماعليها شر ان شاء الله هم الاطفال في هذا السن مثل النعناع مره حساسين انا من يوم مافصخ لعبودي تلاقيه يعطس ويكحكح والغرفه مافيها مكيف الله المستعان
انا احمم عبودي يوم وراء يوم

السلام عليكم
الله يسلمكم جميعا ان شاء الله شكلي يام محمد بعطي بنتي ان شاء الله بابدا بالسيريلاك والفواكهه باعطيها على شكل عصير الله يحفضهم لنا يارب
ام فيصل صح والله حتى بنتي من يوم مافصخلها على طول تبدا تعاطس

:) هلا أم فيصل ..

شلون الكتكوت الحلو عساه بصحه وبخير .. الله يخليه لك ياااارب ويحفظه ..

وزيرة ...

الله يخلي لك الكتكوته يااااارب ...

حمودي الأسبوع الجاي راح يكمل 3 أشهر بإذن الله ... فراح أبدأ معاه بعصيرالفواكة الطبيعية .. إن شاء الله

السلام عليكم كيفكم ياامهات ياحلوات
انا ولدت بنتي في 2 محرم يعني في نفس يوم ولاده ام فيصل و وفاء سبحان الله

ممكن تضيفوني معاكم؟؟؟؟