جزاكم الله خيرا

جزاكم الله خيرا

ما عليكم من الاسماء الطنانه اهم شيء الشغل في في الخزان عياده اسمها عبد اللطيف باشا فيها طبيب اسنان روعه اسمه عصام حسن زحمه عليه ومواعيده كل وين ووين بس امين جدا ومو نصاب
د .هشام باطنيه مافي زيه
د .نيللي نساء وولاده

التأمينات روعه كل العيله تولد فيه و رئيسة قسم النساء و الولاده سعوديه كانت في التخصصي اول اظن اسمها حصه الجبر الكل يمدحها
واخوي كان جاي له حادث والتأهيل عندهم روعه

الحمادي والمشاري من ناحيه الولاده زفت المشاري انامجربه سهيله لئيمه ونصابه وماعدها الاالكلام والحمادي وحده تقرب لي زوجها يشتغل تبع الديوان الملكي يقول مصنفينه اسواء مستشفى من ناحية االتجهيز الطبي في غرفة الولاده يعني لو جاك اي شيء انت او البيبي لا سمح الله رحتي فيها

حي الروضه في مستوصف الثميري زحمه وطق ومطاقق على الاطفال د.نادر د.ايهاب د.سيد
يجيهم اطفال من برا الرياض
البديعه د.الخراشي ما يعطي ادويه الا عند اللزوم (اطفال)
عيادات دار العلاج بالبديعه د.فاطمه مصريه نساء زحمه عليها والانتظار با4-5 ساعات كانت مشتغله بالشميسي 10 سنوات

أنا لكل شي من الى في المستشفو الوطني


أصلآ أنا مولوده فيه وما أذكر بحياتي كلها اني دخبت مستشفى اعالج عندهم غير الوطني واعرف الدكاتره كلهم وكلهم يعرفونا وماشاء الله تبارك الرحمن ماعليهم كلام من كل النواحي ...


والنساء والولاده فيه استشاريه مينداء فلبينيه مررره كوويسه امي وخواتي وخالاتي يجونها من برا الرياض يعالجون عندها القيصيريه ماتسويها على طوول الا في الحالات اللي مره مستعصيه ولا ممكن تسوي لك خرابيط وتضغط بطنك وتعدل وضعية البيبي ..

وطبيبه ثانيه عسسسل هنديه وماشاء الله شاطره بس مو مثل مينداء ..


مينداء ولدت امي فينا وفي خواتي الكبار وولدت خواتي الكبار في عيالهم هع هع وحده من خواتي هي وزوجها الدكتوره مينداء مولدتهم وولدت بنتها هع هع



عنايتهم مررره شي بالوالده وبالبيبي وعندهم الدكتور امجد مره شي للأطفال ..


وفيه دكتور احمد عاشوور ماشاء الله تبارك الرحمن ماعليه كلام


وفيه 3 دكاتره باطنيه كل واحد أحسن من الثاني الاول فواز ماشاء الله عليه اروح له لمراجعاتي للقيلون ..


وفيه دكتوور فؤاد بس دائمآ زززحمه عليه لانه ماشاء الله مره شاطر لما جيته اول مره اشتكي من القيلون سألني وين الألم وكيف تحسين وسألني كم سؤال وقال يبدو لي فيك قيلون بدون مايكشف وبعدين كشف علي وتأكد من هالشي...


وفيه الدكتور الثالث نسيت أسمه الظاهر انور او شي زي كيذا بس انا مادخلت عليه الا مره وحده ..


اما السعودي الالماني زوج خالتي الله يكفينا ويكفيكم الشر فيه الكبد الوبائي وعالج عندهم والحمدلله تحسن كثييير وبدا يخف عليه كثييير ..

الاخت : غصن الزيتون
شفت وحدة نافخة خدودها عند المداواة الصراحة ما كان واضح مرة يمكن لأنها ما طلبت كثير و تقول إن فيه شوي ألم أثناء النفخ و يزرق بالوجه لمدة أسبوع تقريبا ...... هذا إلي أعرفه