ملف لبنات مكه

سلام يابنات
ايش رايكم الكل يستفيد
يعني في هاذا الملف بنعرف عن محلات فساتين والكوفيرات والمصورات وكل شي وطبعا في مكه
بالنسبه لي انا اخذت مره فستان من محل مهجه اللي فالستين وااااااااو الفسان رووووعه ب550ريال والله الكل يسأل عنه لانه ماحصلو زيه في المحلات وكان سعره ب750ريال بس خفضناه لحد550ريال
امممممممم ايش كمان
ايوا افتكرت يابنات اي وحده تبغى تصبغ شعرها تروح عند ربيعه فالستين ماشاءالله فنانة انا صبغت شعري عندها خصل ثلجي والباقي بني كلمة روعه قليل عليها والله كلهم سألوني من وين صبغت المشكلة انها غاليه صبغتلي ب750ريال لانو شعري ماشاءالله طويل
وفي زواج اخويا رحت لملاك اللي في النزهه طلعوني وحش والله لورحت بدون مكياج كان ابرك بس اذا فات افوت ماينفع الصوت
هذا اللي عندي واذا افتكرت شي ارجع ثاني وياريت كل وحده تقولنا تجاربها خاصه عند الكوفيرات والمصورات
علشان انا ملكتي ان شاء الله قريب ابغى احسن المحلات للفساتين واحلا كوفيره وافضل مصوره
انا بانتظاركم