ملف لجميع معجناتي هديتي لكم ......حياكم الله

السلام عليكم حبايبي عضوات ومشرفات

انا حبيت اجمع كل مانزلته من معجنات وانزله في ملف واحد لعيونكم

تفضلوا حياكم الله

...............................

أنا عجينتي لي 7 سنين وانا استخدمها أخذتها من وحده كانت معي في أمريكا

وهي
1-نص كاس زيت

2-كاس ونص مويه دافيه

3-4 م ك حليب بودره

4-3 م ص خميره فوريه

5-م ك سكر +نص م ص ملح

6-3ونص الي 4 كاسات دقيق المطاحن الكويتيه

الطـــــــــــــــــــــــــــ ـــريقه
اضع جميع المقادير ماعدا الدقيق في زبديه كبيره واخفقها بالمضرب اليدوي

لحد ماتتجانس وبعدين احط الدقيق واعجنها لحد ماتصير ناعمه واتركها لحد ماترتفع

ومعليش ماصورتها نسيت وأعمل منها كل شي حتى السينبون أن شاءالله أنزله لكم

وهذي مجموعه من معجناتي تفضلوا
.............................. .............................. .............
الســــــــــــــــــمكه

نفردهاا ونقصها بهذاالشكل





ونضع عليها الحشوه

والحشوه عباره عن دجاج وملفوف وجزر وفلفل رومي وبصل

احمر البصل ثم اضع عليه الدجاج والملفوف والجزر والفلفل وحط عليه بهارات وماجي

وإذا رفعته من انار احط 2 م ك مايونيز +3 م ك جبنه سايله وابشر علبه صغيره جبنه كرافت

واخلطها معها.....بأمكان اي وحده تستخدم اي حشوه تحبها



اقفلها بهذا لشكل ثم اجيب المقص الخاص بالمطبخ وابدا اسوي فيها حراشف زي الصوره وبعدين ادهنها

بالبيض وعملت لها عين بلحبه السوداء ماكان عندي زيتون



اتركها 5دقايق وبعدين أدخلها الفرن واطلعها يكون شكلها كذا



ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــ

أنصاف الكب تشكين

انا سميتها كذا علشان مالقيت لها اسم وعلشان سويتها في صينية الكب كيك

اخذت من العجينه وكورتها وحطيتها في صينية الكب كيك وتركتها 5دقايق ودخلتها الفرن

ولما طلعتها كانت بهذا الشكل



خليتها تبرد وبعدين قصيتها من النص وفرغتها من جوا وحشيتها من حشوة الدجاج

وزينتها بسماق وقدمتها بهذا الشكل



ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــــــــــــــ

ميني لبنه

وهذه ايضآ من ابتكاراتي وسميتها ميني لبنه

جبت صينية ميني كب كيك وأخذت من العجينه قطع صغيره وفردتها داخل الفتحات

وجبت البنه ووضعتها داخل العجينه ورشيتها بي الزعتر بهذا الشكل



ودخلتها الفرن ولما طلعتها قدمتها بهذا الشكل وتنفع في المناسبات والاعياد وتقدرين تغيرين الحشوه

/]

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــ

البيتزاء

بعد ماحط الصلصه والجبنه ارشها بي البهارات الايطاليه و2م ك زيت زيتون

علشان يخلي الجبنه سايحه مره وأنا استخدمت جبنة المراعي موزاريلا وطلعت بهذا الشكل



ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــــــــــــــ
ارجوا عدم الرد حتى اكتمال الموضوع بلييييييز