إبــــداع :

قصيمة نت / حبيبتي لما تطلعين عنوان الملف أو الموضوع في قسم ساعدوني لا تضغطي الماوس على العنوان نفسه .. شوفي الصفحات مرقمة بجنب العنوان .. أضغطي على الي مكتوب عليه ( آخر صفحة ) .. وتلاقين نفسك معنا في آخر مشاركة.. شي ثاني كثيريم ما ينتبهون له ..ولو يسوونه وفر عليهم قيمة النت من جهة ولا ينشغل خط تليفونهم كثير من جهة.. وهو أنك أول ما تفتحين مثلا عالم حواء تطلع لك كل المنتديات .. لما تجين تختارين المنتديات المفضلة مثل ساعدوني / أطباق ساخنة / الطفل ... لا تضغطين عليه مباشرة , ثم تقعدين تقرينه ثم تطلعين منه لغيره وعلى هالحال؟؟؟ لا .. غلط .. كذا بتطولين وبيصرف على أبوكم.. الطريقة الصح: قدامك كل المنتديات .. حطي الماوس على المنتدى الي تبين (واضغطي الزر الأيمن مو اليسار انتبهي ).. تطلع لك قائمة .. ثاني خيار منها يقول ( فتح في إطار جديد ) , حطي الماوس عليه واضغطي الزر الايسر عادي .. ثم انتظري شوي .. بيتغير العنوان الي فوق عندك ويفتح لك ( الي اخترتي ).. أول ما يتغير العنوان فوق روحي صغري الصفحة أو نزليها تحت ( أضغطي علامة ناقص ( _ ) الي فوق بجنب إغلاق (إكس) وتكبير (المربع) وتصغير( ناقص).. كذا بتنزل الصفحة تحت وبتتحمل في الفترة الي تتفرجين فيها على شي ثاني.. كرري الخطوات مع كل المنتديات والمواضيع الي تبين .. وجمعي تحت .. انتظري 10 دقايق لما تتحمل ثم افصلي النت واقري على راحتك بدون صرفية واجدة !!!! وبدون ما يدق عليك أبوكم يبي يقو لك ان عنده عزيمة رجال على العشا ويلقى الخط مشغول فيحتر ويحمق ويوريك الشغل !!! وردة / تروحين وترجعين بالسلامة يا عمري .. الله يحفظك ويجعل كل أيامك أفراح ..

قصيمة نت / حبيبتي لما تطلعين عنوان الملف أو الموضوع في قسم ساعدوني لا تضغطي الماوس على العنوان...