عزيزتي تطور الفكر
الكريم وين يوجد وياليت تكتبين الطريقه ومتى تتظهر النتيجه

وشكرا مقدما

السلام عليكم ورحمة الله وبركاته
وينك يا ابدااااااااااااااع

ترا الكتلوج في المكتية من العصر عند قسم التصوير

خبريني اذا وصل لك
....


وبالنسبة لاختي تطور فكر

اول شي الحمد لله على سلامتك اذا كنتي توك والده

ثاني شي معليش اعذرين على اللقافة وحبيت اجاوبك عن المانع

بصراحة انا من المؤيدات جدا جدا للولب
واكره الحبوووووووب كلش كلش

وبصراحة ولله الحمد ركبت اللولب مرتين وتمام
بس اهم شي انه يكون مناسب لك يعني بعد ما تسوين فحوصات عند الدكتورة وتؤكد لك ذلك ومافيه اي التهابات او مشاكل توكلي على الله وركبي اللولب
بصراحة مريح
ومافيه قلق ووجع راس مثل الحبوب

:)

السلام عليكم وهلا بالجميع من جديد .....
مشكوره ياابـــــــــــــــــــــــــــــــــــــــــــــــــــداع .... الله يوفقك ويجزاك كل خير ويسعدك دنيا واخره ...رحت للمحل (لمسات طيبه ) واحتتتتترت من زين الفساتين اللي عنده وكثرهن...وفعلا الدور التحتي غالي .... واللي فوق يجيب الهم مابه شيء يفتح النفس
المهم بس ابقولك اني شريت واحد الحمد لله وافتكيت ...وترى لولا الله ثم انتي مالقيت ولا شريت وكان الى هالحين بلشه ومحتاسه ...والله اني دعيت لك اول مادخلت المحل وشفته وجاز لي ...ومشكوره ياعمري والله يفرج عليك كرب الدنيا والاخره قولي امين ...
والصراحه انتي اللي دايم متواجده بالملف وتساعدين البنات ما شاء الله عليك الله لايخلينا ولا يحرمنا منك ........
مشكووووووره
بامان الله

تطور الفكر : ألف شكر عيوني على ذكر تجربتك .. لأني من جد محتارة باليوكو .. ودي به من جهة ومن جهة ثتنية خايفة أتوهق !! وأنا ما حيلتي غير هالشعرتين ان خربن وش يبقى فوق الراس؟؟؟!!!
شعري مثلك يالغالية ناعم في الاصل لكن خفيف ينفش في الرطوبة وما يطلع حلو مررة الا بالسشوار .. وانا من الطمع ودي أفتك من هم السشوار .. وانغريت بكلام البنات الي مدحنه وقالن صرنا نطلع من الدش ونهز روسنا بس ونصير فلبينيات!!!!!!

حبيبتي لو ثقلت عليك .. وشو هذا الكريم الي ذكرتيه وكيف يستخدم ويصلح لي وأنا شعري مثل شعرك؟؟ ولو ممكن صورته يا عمري أكون ممنونة لك ..


حورية : حبيبتي مشكورة تعبتك معي .. لكن ما حصل آخذ الكتالوج .. بكرى ان شاء الله أرد لك خبر..

مطر الصباح : والله انك فرحتيني بكلامك يوم قلتي انك لقيتي شي يناسبك ويفك زنقتك بالمناسبة الي عندك .. ووالله لو مقاسك نفس مقاسي لأفتح لك دولابي تتخيرين الي يصلح لك لأن نص بضاعة لمسات عندي !!! ( عميلة لهم منذ مبطي )!!! حنا كم مطر الصباح عندنا؟؟؟

من جد يا عمري فرحت لك مرررة .. وفرحتيني أكثر بدعوتك الحلوة ..
الله لا يخلينا من بعض ويعيننا جميعا على فعل الخير..

فيه وحدة كانت تسأل قبل مدة عن تيورات .. اليوم كنا واقفين بالسيارة في شارع الملك عبد العزيز عند الاشارة .. فيه محل اسمه الحسناء قدام بنك الراجحي شفت بفاترينته تيور أخضر زيتي بصراحة حلو أعجبن مررة , البلوزة فيها بكلة كرستال جانبية وهي سادة, والتنورة مشجرة بنعومة وفيها نفس البكلة على جنب .. بس ما ادري وشي ألوانه ولا كم سعره .. لأني بالسيارة نطحه ما نزلت .. ما اقدر من الزحمات أدربي كرشتي .. غير انه ما فيه شي يصلح لي بهالحال!!!!
وبصراحة أول مررة أدري ان هالمنطقة عندها شي زين .. قليل جدا ما أروح هناك ..

مشكورين بنات

بنات الله يعافيكم من اللي جربت قص وصبغة اللمسة الأخيره ومين احسن وحده فيه زواجي قرب وماسويت شي