فيحاء15:
أنا أعرف " أم سالم" اللي بالاسكان .. ورحت لها في بيتها وشرحت لها معاناتي
وعطتني علاج" سايل" في قارورة ماء الصحة الكبيرة .. وقالت لي استعمليه مرتين في اليوم..
ب200ريال..
وأول مااستعملته بغيت اموت من الوجع في معدتي.. ورحت اسعاف وعطوني على طول ابرة مهدئة..شكل الاعشاب اللي فيها حارة مرة أو ماادري ..
المهم" رميت العلبة كلها"بعد كذا
وبعدين تراها ماتسال كثير عن علتك.. ولاتكشف على موضع الألم.. بس تتكلمين معها كلام بس.

الحمد لله على السلامة يا إبداع , وماتشوفين شر , وعسى البنت تشبه لتس بس

ياحبيلتس , وبشرينا سميتيتها ,

سميها ( غزل , دلع , روعة , زين )

ألف شكر يا بنات على اهتمامكم وسؤالكم عني .. الله يسلمكم من كل شر ويعطيكم العافية ..
عيوني الي سألتني عن تجهيزات الولادة وهدايا الزوار ..

شوفي حبيبتي :
عند بيت الطفل الي جنب الشبعان وكنتاكي وماك تلقين أطقم كاملة مفرش سرير للأم وللنونو وتكميلات تأخذين منهن الي تبين والي ما تبين تخلينه يعني البيع بالقطاعي مو لازم التطقيمة كاملة .. خوذي الي يناسبك , أما السعر فغالي شوي لو تبين كل التشكيلة كاملة لكن ترى أكثر التكميلات مالها داعي .. العمدة على مفرشك وسرير النونو ومفرش التقديم وبس ..
وفيه تشكيلة وألوان على كيفك ..

إذا طلعتي منه سيدا على محل أكار شوكولانا عنده صياني تقديم وشوكولاته حلوة وموالح شعبية مرتبة في تشكيلة حلوة ومغلفة ..

أما هدايا المولود للزوار فممكن تروحين محلات الجملة , تلقين عندهم أشكال علب هدايا ورقية فخمة تجي زي شكل الشنطة الصغيرة درزنها بعشرة على ما أظن .. وفيه عندهم بعد دبدوبات بيض صغار , ممكن تحطين في كل علبة دبدوب مع حبة شوكولاتة مواليد ( متوفر عند جهينة وعند أكار شوكولانا ) , مع حبة ملبس ..
وتصير لك هدية حلوة ..

ممكن دامك فاضية الحين تكتبين بالكمبيوتر عبارات إهداء من المولود نفسه للزواروتطبعينها على ورق ملون وتقصصينها وتدخلينها في الهدايا .. وترتبين العلب ترتيب معتبر عند باب الغرفة ( هذا ان كان بزرانكم مصريين ما يحركون ساكن بدون استئذان ) !!! و لما يتوكلون الزوار ياخذون معهم هداياهم ..

أما ملابس المواليد فتلاقين عند سامرة وبيت الطفل والحسون .. لكن من تجربتي أرخصهم بيت الطفل .. بس الله الله بالشتوي الدافي الي مسكر عند الصدر والرجلين.. لأني توهقت وشريت فتحات الصدر واسعة وما استفدت منها لبنتي أخاف يدخله البرد وأنا أغير له ..

صح تذكرت فيه عند محل ممنون بعنيزة تشكلات حلوة وجديدة مطقمة سرير طفل ومفرش للأم وللنونو مع شنط وحركات ..
أعجبن عندهم طقم على شكل البطة تويتي الصفراء .. يجي مفرش وسرير وشماعة وشنط .. هذا لونه أصفر .. وفيه طقم ثاني فيه شرايط عنابية ودبدوبات سكرية حلو بعد مرررة كنت ناوية أشتريه بس ولدت قبل !! بنتي شرفت قبل موعدها !!

هذا الي تذكرته الحين وأي سؤال يالغالية أنا بخدمتك .. الله يقومك بالسلامة أنتي ونونوك ..

إيه تذكرت .. الأسامي الي قلتوها لي حلووة مرررة عرضتها على ابو الشباب ..

والله لا يفشلنا قال : تش !! ( تش هذي ماركة مسجلة للقصمان ) !! عندك هالاربعة اختاري واحد منهم وما هنا غيرهم : رند / كادي / شذا / غلا

بصراحة معجبن رند .. أحسه خفيف وقليل مو منتشر زي الباقيات .. وش رايكن : شجعنن أحدد قبل يهون ويروح ويجزم على الي براسه !!!

عاشقة النفود&رنيم الفجر
مشكووورين على الردود وعلى دعواتكم
بالتوفيق للجميع