يام رند ياإبداع يابعدي انتي
شاقية بالصبغة , والله انتس صادزة الصبغة والله العظيم انه تخرب الشعـر
ومدام انتس قولين ان شعرتس رجع لطبيعته خسارة تصبغينه كيماويات ويخرب بعد
اصبغي شعرتس بروكسيد ( اذا صار شعرتس يناسب له ) وهو اعشاب مايضر بالعكس بعض الناس يتنعم اذا صبغوه واصبغي على قولتس خصل ثلجي
بس انتبهي تراه الخصل صغيرة احسن
بس للأسف ما ادري تضبطينه انتي بالبيت ولا لا , اخاف ماتضبطين أماكن الخصل
عاد اقول تبين العلم يجمد على الشارب <<<< متأثرة بكلام اخوتي خخخخ
بعد مافكرت ودرست الوضع توكلي على الله واصبغيه بمشغل , خلي العالم تطير بوهتهم بتس
وتبدأ عيونهم تلاقط
توكلي على الله واصبغي صبغة الموضة واكشخي عند حملوتس
وترى راس ماله يطول <<<< امحق من شور ههههه
بس والله اخاف تحوسين نفسك , وبعدين تضطرين انتس تسحبين الصبغة وتصبغين مره ثانية بعدين صدق تبتلشين بنفسك , وعن ذوقي احذرك من الصبغة الفاتحة مرة , لأنه صبغة صيفية
اقول اعقلها وتوكل , اصبغيها عند مشغل
يام رند ياإبداع يابعدي انتي
شاقية بالصبغة , والله انتس صادزة الصبغة والله العظيم انه تخرب...
الله يعافيكن .. اقتنعت .. وجزمت اني أصبغ صبغتي المعتادة بالبيت .. وأسوي خصل بالمشغل ان شاء الله .. بس ادعن لي تضبط..
طيب السؤال الثاني :
بقى لي أيام واخلص عملية التقشير للوجه .. والنتايج الحمد لله زينة .. بس مضايقن الشعر الي بوجهي وخاصة الشنب .. كنت قبل أشقر بعدين أقصه بالمقص ومرتاحة على هالطريقة .. لكن الحين ما اقدر أشقر وأنا توقي مقشرة وجهي .. ما يصلح , وش الحل؟؟
أيهم أخف ألم : الشمع والا الفتلة ؟؟ ومن من المشاغل يضبطهم زين بدون ما يطلع لي حبوب وبلاوي؟؟
كد جربت الفتلة عند ابتسام ( وهقتن حسبي الله عليه قبل زواجي والا كان الشعر خفيف مرررة ومو باين )!! والله لا يوريكم صرت بس أتحكك كأني مدمنة!!!!!!!
( أشوى ان رجلي صبر علي لما راحت الاعراض ومارجعن لاهلي بقراطيسي والا كان وقعة )!!!!!!!!!
شيرن علي ..
العامرية :
شوفي عيوني .. أول شي أشير عليك تحطين أرضية الغرفة ( نسيت اسمه اذا تذكرت قلت لك ) .. لأن شكله زي السيراميك .. لكنه لين ودافي بالشتاء وسهل التنظيف ..أنا حاطة بغرفة بناتي شكله خشبي ولونه تفاحي رووووووعة مرررررة .. وطالبة منهم يحطون تحته لبادة فصاير لين مرررة .. حتى لو طاحوا الاطفال ما يتعورون ..
أما الجدران فاختاري ورق جدران فيه رسومات حلوة تناسب الاطفال ( بالونات / أزهار / ألوان زاهية فرايحية !!
بعدين روحي لابو ريالين .. وقشي منه لواصق بلاستيكية خاصة بغرف الاطفال .. فيه أزهار وفيه أشجار وفيه أرانب وقطط وأكواخ .. ميزة هاللواصق ان شكلهن وألوانهن حلوة مرررة ويجن بارزات على الجدار ..
هذولي حطيهن على الجدران إذا حطيتي ورق جدران سادة مع شريط جدار عريض .. لكن لو كان ورق الجدران مشجر وفيه رسومات حطي اللواصق على الاثاث .. الدواليب ..الرفوف ......
فيه عند ساكو رفوف ملونة .. خوذي منها وثبتيها بالجدار ورصي عليها دبدوبات من أبو ريالين !!
أما الألعاب فلاتشرين رخيص الا الدمى القطنية المحشية لأنها ما تخرب أبد .. لكن اللعب الي عليها القيمة اشريها لو غالية لأنها لك وللزمن ..
عندك : ساكو .. جزيرة الطفل .. والدراجة .. العمرو .. وستي بلازا ... وأرقى شي ( ساكو وستي بلازا بس غالين لكن شغل مكدة يتحمل)!!
وإذا تبين نصيحة مجربة ..ترى الطفل إذا مل من اللعبة يا يخربه .. يا تصير ما تعني له شي ولا تثير اهتمامه !! لذلك أنا أول ما أشوف بنتي ملت من اللعبة أرفعها بالولاب مدة اسبوعين أو شهر وبعدين أطلعها لها ثانية , تفرح بها كانها جديدة !!
هذا الي جا في بالي .. وان تذكرت شي رجعت لك..