UP
وش فيكم جمدتم من البرد ........تونا ترى البرد الشديد ما بعد جاء

أم رودي

نواعم

أمل الجنان

مشكورات الف شكر على الردود ............ماادري ليش الاحساس اللي باقي بقلبي يقول فيه شي هاليومين عن بند محو الاميه إن شاالله ..الله مايخيب أملنا وتعبنا طول هالسنين ...............اللي تسمع بشي تبشرني :icon28:

سعاد1

مادورتي المعجون عن عند صيدلية *السلمان **الاولى

جنان هالصيديله اي شي يخطر على بالكِ تلقينه عندهم..

وعن نفسي لسى مادورته..

وش لونكم يابنات القصيم؟؟
بصراحة اليوم اكتشفت اكتشاف خطير وهوأن " ليس كل مايقال صحيح"
والسبب :إن كثير من الناس لما نسأله عن شيء اعجبنا عنده ..يذكر لنا أسماء كريمات او مستحضرات استعملها وهو في الحقيقة يكذب ..

اكتشفت هالنظرية اليوم .. عندما حصلت الحادثة امامي عيانا بيانا.
السالفة ومافيها: أنه كان لنا زميلة أيام الكلية ..عليها شعر يجنن.. وش شعر زينب العسكري عندها؟؟ جمال ونعومة وكثافة وطول ..
كان الجميع ماله سالفة إلا شعرها .. ومانضرب المثل إلا فيه...
والغريبة أنه ماكان يتغير أبدا .. مايقصر ولايتقصف ولا تجي يوم وهو غير مرتب ..

كان شعرها مثار حسد وغبطة كثير من الطالبات ذاك الوقت..
وبعد ذلك .. تخرجنا من الكلية .. وتفرقنا .. وكلن راح بطريقه..

ولكن يشاء الله بعد هذه السنوات الطويلة .. أن نلتقي اليوم بالمدرسة..
لأنها جتنا انتداب من مدرسة ثانية..
أول ماجت شبهت عليها .. وقلت في نفسي : كأني أعرفها؟؟
حتى معلمتين معي من نفس دفعتي قالوا نفس كلامي ..

هالمعلمة كان شعرها قصير" إلى الكتف" ومهب ناعم أبد.. يعني بلهجتنا" عكاريش مررره"
كانت حاطته كعكة .. ولونه باهت ومتقصف .. يعني " حالته حاله"..

أنا والمعلمتين اللي شبهنا عليها .. قلنا أكيد هذي أخت أللي حنا نعرف ..
المهم: جلسنا بالفسحة جميع .. فسالناها .. هل تعرفين فلانة؟؟

فقالت: أنا فلانة؟؟؟؟
حنا اندهشنا وسكتنا على طول وجلسنا نتناظر شوي ..
وشلون ؟؟ أول كان شعرها نااااعم مره.. وهالحين فلافل مره..
أول كل مميزات الجمال فيه .. وهالحين " الحمد لله" كل مميزات القبح فيه..

قالت معلمة: وش لون تغيرتي ؟؟ غريبة ماكنتي كذا ؟؟
هي عرفت إننا نقصد شعرها .. قالت: بصراحة كان لي قصة أيام الكلية ماتعرفونها وماحبيت ذاك الوقت احد يعرفها..
وهي أنه صار لي حادث في الاجازه بعد مااخذت شهادة الثانوية ..
وصارت معي إصابة بالغة في الرأس .. طبعا المستشفى حلقوا شعري كله ..

وبعد ماطلعت من المستشفى كانت الدراسة قد بدأت..
فاحترت هل اترك الكلية علشان شعري .. وإلا البس حجاب حتى يطول شعري ؟؟
فاشارت علي اختي أني أكلم شيخ واسأله عن حكم الباروكة في هذه الحالة؟؟؟

فاتصلت على الشيخ .. وسألته وبينت له شدة حاجتي لها ..
فافتى لي بجوازها للضرورة .. ولكن إلى أن يرجع شعري إلى سابق عهده..

طبعا أنا طرت من الفرحة .. وعلى طول .. سافرت مع اخوي لجدة واشتريتها ..
واخترت بدقة الشعر اللي شفتوه علي ؟؟؟؟

وماحبيت طوال السنوات الأربع أني أبعد الباروكة عني .. لان طالبات الكلية عرفنني بهذا الشعر .. ومهب معقوله بين يوم وليلة أطلع لهم شعري الأول..

لكن أول مابديت التدريس .. حسيت بالذنب .. وتركتها .. وكشفت عن شعري الطبيعي ..

انتهت القصة.
وانا جالسة هالحين اتذكر الكريمات اللي كانت تعطينا إياهن للشعر ؟؟
شيء لنعومته؟؟ وشيء لطوله؟؟ وشيء لكثافته؟؟ وغيره وغيره..

أذكر ماخليت شيء من مرايا مااشتريته .. سواء كان غالي وإلا رخيص..
ولاخليت خلطة ماسويتها من العطارين وإلا من الصيدليات..
وآخرتها يطلع شعرها "باروووووكة"
شفتوا القهر؟؟
ماادري ليش كانت تكذب وتعطينا اسماء كريمات .. يمكن علشان تبعد الشبهة إنه " باروكة"
مع أننا ماكنا نفكر بهاالشيء ولاواحد بالمية..

تقول لنا: أنها أول ماتطلع من الكلية كانت تبعد الباروكة عن شعرها لأن ماتبغى أبوها يشوفها.. وترفعها حتى ثاني يوم للكلية..( يعني بعذر الشعر إذا طلع ناعم ويلمع ..لأنه مرفوع ولايستعمل إلا لوقت قصير )

وش رأيكم بهالقصة الغريبة ؟؟

قصة من جد غريييييييييييييييييبة
الحمد لله الله لا يقعدنا مقعدها >>> قولوا آمين