للرفع

الله يجزاها خير الي تقول لي محل اسره للاطفال حلوه

شكرا يا بقايا احساس

تطور الفكر : هذا المحل بشارع الصناعة بالسوق الداخلي قدام محل أفواه للأطفال ..
أنا مثلك ما كنت أعرفه .. لحد ما كتبت عنه أم رودي هنا فرحت أشوفه وجبت لكن خبره ..

بنات :
الي كانت تسأل عن المعجون الي يبيض الأسنان ما خليت مكان ما سألت عنه .. آخر شي وصيت يجاب لي من صيدلية الحبيب بالرياض .. وشريته بـ 11 ريال ونص ..

أما الي تبي مفارش حلوة فطحت لكم على محل بعنيزة بضاعته فخمة وراقية مرررة ( عسى ما تعورتي من الطيحة ؟؟ ) !!
هذا المحل اسمه رومانس .. بالقيصرية الي تجي بعد محلات الذهب .. على التقاطع الي فيه العلا .. والحريبي ..
لا يفوتكن ..

أما الي تبي بخور للبيت فبصراحة ما اعجبن شي مثل البخور الهرمي .. ريحته حلوة ورخيص مرررة ويبطي عندك يعني اقتصادي ..
فرصتكن اذا تبن تجربنه الحين عند مروج الزهور فيه عرض عليه تشرين واحد وتاخذين الثاني مجاني .. وسعره بـ 25 ريال .. ارخخخخخخص !!

بنات :
عندي علوم كثيرة بس لما افتح النت أنسى وش كنت أبقول لكن !!! ذاكرتي منعدمة الله لا يوريكن !!

عندي لكن سؤال الله لا يهينكن :

أبي جلسة كنب لغرفة النوم تكون صغيرة يعني متر ونص في متر ونص من النوع الي يجي على شكل زاوية أو نصف دائري .. وجهة منها بدون مسند ..
أبيها جاهزة وحلوة ومريحة وعملية يعني للجلوس المريح مو بس رزة وشكل !!.. ولا تقولن لي فصلي تكفن لأني ما ودي أفصل ..
من كد شافت لي وحدة تعلمن وين ألقاه بالضبط ..

جناين ورد :
حبيبتي إذا تبين أسره بس .. يعني من غير غرف كاملة تلقين عند ستي بلازا ومملكة الطفل وممنون بعنيزة ..
وببريدة عند مذركير وطريق الطفل وكيديزتوب ..
واذا تبين رخيص روحي لبيت الطفل في طريق الشاحنات عند كنتاكي .. عنده أشكال وأسعاره معقولة ..
أما اذا تبين كبار مع غرف تلقين عند غصن البان والمحل الي مقابل له ناسية اسمه .. وعند الباحوث وأكثر محلات الأثاث .. وفيه بعد بأسواق الغد أسرة بلحالها ..
وفيه شي تفصيل على الطلب ..

اقول بناااااات ناظرن بس رقم مشاركاتي رقم مميز 222
اببيعه لواحد معه سيارة فخمة بس من عنده منكن واحد يحب الرزهـ
والحركات هذي ,,, وترى السعر خاااص لكم
:27:

إبداع / يا حياتس الله وشلونتس عساك طيبه
والله يالتس وحشة مهب معقولة , فاقدتس فقدة مايعلم به الا رب البشر

اقول مارحتي للمحلات اللي بشارع الصناعة دايم اذا مرينا اشوف اشكال حلوة ورهيبة
الا صح تسد شفت اشكال تهبل عند العزيزية اللي بدال العمر
والله ياعنده هبال , عاد ترى هالحتسي قبل فترة وتعرفين حتسي الحريم
بس لاتقولين لرجلتس وحدة تقوله همن اذا رحتي مالقيتي شي يقعد يتطنز بي <<< متعقدة

اقولتس تسد شفت وحدة تهبل عند الدرة اللي بالصفراء شكله رهييييب وجاي شكله كأنه مدورة
اقولتس رهيييييبة , بس بألف وخمس
عاد ترى هالهرج من مبطي ,,, ماادري عنه اللحين

مير وشلون رند عساه طيبة , اقول بس تكفين ارسلي لي صورته على الجوال
ومستعدة اعطيتس رقمي اذا ماعندتس مانع
ياحبيلتس بس

اقول لكن يابنات /
وينهوبه شقق بودل ببريدة بأي منطقة ؟