تطور الفكر
وشلونتس وشلون عبودي , ياحبيله

بس عاد معقولة يفتح شي بعنيزه ماتدرون عنه , بالعادة اذا وقّع عقد لبدء مشروع ببريدة دريتوا به قبلنا ,,,


ياحبيلتس بس , وإبداع يابعد عمري تدخل يوم وتغيب ايام , الله يذكره بالخير ,
حبيبة هالاخت هذي ,,, رب اخ لم تلده امك ,,

ورده الله يسلمتس , ويجزيتس خير ,
البزارين شبعنا منهم , نسيت نفسي , كل خبتي ولجتي وصجتي لاخوتي
صار شكلي تسني ام عياااال ,

ان شاء الله بروح للعثيم اغدين القى شي مع انه مهب حروهـــ
ماعمري رحت وجبت شيء الا بشق الانفس

الله يكره الي مايعجبه شي

aazz مشكورة يالغلا .. أنا بالخدمة يا عمري ..

نعومة يا بعد عمري انتي تسلمين لقلب يحبك ويغليك ..
بس من قال اني أغيب أيام ؟؟
شوفين ما غبت .. بس ما ادري وش قصة المنتدى ؟؟ يا اما ان فيه بلا .. والا انكن تكتبن بانصاف الليالي !!!! والا من فجر رب العالمين ما لكن حاجة ماشاء الله !!!!
فاتحة الموضوع البارحة الساعة 12 .. وما فيه مشاركات ..
وماشاء الله أول ما فتحته اليوم لقيته متعديني بصفحتين!!!!

نعومة : ما سألتي ابوك لما الحين ؟؟ تكفين خليه يعلمك برقم الموديل ونوعة إذا كان على مواصفات عالية ( هادي صوته مرررة / حار بارد / ممكن أوقته يشتغل بالساعة الي أبي من غير ما اكون بالبيت / يوزع الهواء أفقي وعامودي )
حشا صارت مواصفات عريس مو مكيف !!!!!!!!!!!

والجلسة يا بنات .. تكفن أبي .. درت كذا محل ما لقيت شي زين ..

تطور : إذا تعنين محل استوكات الماركات فهذا ببريدة يا عمري .. وأنا ما اطريت عنيزة الا بالمفارش وبأسرة الاطفال على ما اذكر !!
ايه صح .. بعد ذكرت عنيزة في محل يبيع الأشياء القديمة من دلال ومباخر ومنفاخ ورحى ... الخ
كانت وحدة من البنات هنا عندها مشب وتسأل وين تلقى هالاشياء ..

هههه ياحبي لتس ,
ايه انا ما افطن للنت الا بتالي الليول ؟؟
تعرفييين بنات ولا شغل ولا مشغلة

هههه والله اشوا بديتي تدخلين ولا فقدناتس جلستي فترة مادخلتي .
بس عاد اقولتس تصنف للمنتدى تسذا مايقبل المشاركات ,

ياحبي لتس وبس .

إبداع :
انتي قلتي لتطور الفكر __
( فاتح عندكم محل جي إن سي وماعلمتينا )

راجعت الصفحات السابقة ولقيت هالهرج ,, علشان اريح بال حبيبة ألبي تطور الفكر