الزبرجدة :
طيب عيوني ودي أسألك .. الي فصل لك طلع نفس الجاهز الي بالعرض من ناحية الشكل والمتانة والخامات ؟؟ والا لا ؟؟

لأني بصراحة متليعة من سوابق صارت لي .. يوم كنت أجهز لزواجي مدحت لي وحدة مجموعة مشاغل في العتيبية بمكة .. رحت لهم وما كذبت خبر .. شفت العرض عندهم رهيب وأكثر من رائع .. ففصلّت عندهم 7 فساتين ( بالجملة )!! ما ودي أضيع الوقت ورحم حالي ضيّعت الفلوس !!!
طلعن يحومن الكبد وطاحن بكبدي !! وما لبست ولا واحد منهن !!

صاروا حسبي الله عليهم عارضين فساتين فخمة (جاهزة من السوق ) .. وهم يخيطون عليهن .. طبعا لا الشكل ولا الخامة ولا الركازة ولا أي شي مضبوط زي الجاهز !!!
فصار لي درس في الحياة .... ( وشو عقبه ) !؟؟ !!

قلت لزوجي اسأل الباحوث طيب لا يصير ذا جاهز وهو يفصل زيه ..
بس زوجي رفض قال ما حناب هنود ما نفرق بين التفصيل والجاهز !!!!!!!
هزيت راسي له وقلت : أتشا !!! وبلعت الاهانة ومشيت !!!!!

بس بنفسي شي لما الحين .. أخاف اتوهق من خسارة خسرته قبل .. قلت أسألك عن جودته قبل أجزم وأفصل عنده ...


نعومة :
ليتنا إذا خف البرد شوي نتواعد بالملاهي .. وش رايك وراي البنات؟؟

أم قبوطي :

الـ ت س : هذي ماركة مسجلة لنا معاشر القصيميات !!
ولعلمك من دراستي وتخصصي أقولك انها لهجة من لهجات العرب منذ القدم .. يعني ما جبناها من جيوبنا !! هذي أخذناها أبا عن جد .. وكابرا عن كابر !!!
بنات مو كأني متأثرة بمسلسلات فترة الحج ؟؟ أين زهب لوزريق ؟؟ لقد أنطلقت قيوشه وقنده وهو لا يدري !!!! خخخخخخخخخخخخخخخخخخخخخخخخخخخخخخخ

حبيبتي : شخصيا ما اعرف رقم الفرع النسائي .. لكن عندي لك اقتراحين :
اما انك تاخذين رقم المكتب من الاستعلامات 905 ,, بعدين تطلبين من الفرع الرجالي رقم الفرع النسائي ..
أو انك تطلبين رقم إدارة سوق الوشاح .. بعدين يعطونك رقم الفرع النسائي ..أو يحولونك عليهم اذا نظامهم مشترك ..

سيرين :
عيوني المحل يجيك جنب بندة أو جنب أسواق المبارك ( التموين الي زي بنده مو الملابس ) ..
وهذولا كلهم يجونك على يدك اليمين بعد ما تتعدين ميدان الساعة كأنك متجهة لبريدة .. رايحة شمال ..
بتشوفين لوحته واضحة GNC
أغلب ظني انه جنب الكوفي .. بس مو متأكدة ..
إذا بتنتظرين ممكن أوصف لك بدقة بعد أسبوع إذا رحت له ..

للرفع

الله يجزاتس خير مير , خلاص سميت اسمي تسندا ( كِندا )

اقول بنات بس يالله تولموا , مشينا عازمتنا ام قبوطي باستراحتهم ....

يالله بس عجلن :icon28:

اقول ماشفتي شي يام قبوطي اللحين اكز لتس كسرة خبزة توريتس الحتسي الصدزي
:)