بقايا احساس :
ابد انا مصممة على حتسيي , وهذا هو هرجي وش اسوي ؟
انا يمكن لو اقول كذا بدال تسذا يمكن امرض او يجين شد بالاصابع

و على فكرة مزينة انا لتس توقيع يمشي الحال ,, بس عجزت احمله ماادري وراه ؟
ول تشاوفين , تراه يحوم التسبد ,, بس شي بالخاطر يوم مدحتين هالمدح
الله يسلمتس ويعدي عنتس

هلا بام قبوطي لا مهب لازم اتكيت , مانبي الكلافة حنا
عاد اللحين شاوفنا , وتسويت ( بمعنى كويت ) تنورتي , وزيّت شعري
يعني خلاص تراي جيتكم ... عاد حنا مانبي منتس الا طبخ الخروف
وإبداع عليه القهووة ورودة عليه الحلا , وبقايا احساس عليه الرز , وتطور وش عليه ايه صح نسينا الكراث تجيب الكراث على دربه , وتزين زمزميتين زنجبيل
والزبرجده عليه المعجنات
وانا ماعلي شي , تكفيكم شوفتي وبس , الا علي السواليف واللجة :icon28:


الا ان تساني صرت فاضية زينت لكم كم شكل سلطة ؟؟؟

ويالله بس مشينا , افتحي بابتس بس مشوار الطريق

الزبرجده : ابد مايصلح اللحين الا تجزمين على الواحد :27:
ههههههه ورطناتس يام قبوطي , ماعلينا انتي اللي فتحتي الباب وهو مسكر
:D

أم قبوطي :
وش علاقة التعليم باللهجة ؟؟؟
متعلمين متعلمين .. بس برضه فاهمين على بعض ..
عيوني .. شكلك من منطقة ثانية وجديدة على القصيم ( طازة ) لما الحين ما اتعودتي على اللهجة ؟؟
عيوني عني لك نصيحة ( من قلب ) إذا كان زوجك قصيمي ..
انتبهي تسخرين أو تقللين من شأن القصيم أو أي شي يخصهم عنده !!
لي صديقة من الرياض تزوجت قصيمي ومن أول ما دخلت الديرة وهي انتقاد في انتقاد لكل شي تشوفه أو تسمعه .. ومعيشة زوجها في مقارنات ما تنتهي ( حنا كذا .. وأنتم كذا ) وعلى هالحال ....
كنت أنصحها باستمرار أنها تترك هالاسلوب لأن نتايجة تتكون عكسية عليها .. لكن الطبع كان أقوى !!
زوجها صارت عنده ردة فعل .. واعتبر انها محتقرته ومحتقرة أهله وديرته ومعتزة بنفسها بزيادة صار يتعمد يتجاهلها ويهمش آراءها وما يحط لها أي اعتبار في أي شي !!!!!

فحبيبتي أرجوك انتبهي لا تسلكي مسلكها فتندمين يا عمري ..

يا بنات ديرتي(بريدة) يالغاليات وين أقدر أحصل محلول اكسترا ديرم رقم3 أو 4 أو5 ؟؟؟؟؟؟؟؟
وحتى بيبي فيس بعد ماحصلته بالصيدليات وييييييييييين أقدر ألقاهن؟؟؟؟؟؟؟؟؟؟؟؟

بقايا إحساس :

الله يسلمك يا عمري .. تسلمين على السؤال .. رند بخير بس معها كحة .. أعدتها الكبيرة .. الله يصلحهن يا رب ..

حبيبتي .. شفت محلات الراجحي ما اعجبن شي .. كلهن طقوم كبيرة .. ما يصلحن لي ..

لكن يا بنات لقيت لكن محل جديد حق أثاث .. لا ومسوي تخفيضات بعد .. بس برضه أسعاره نار حتى بعد التخفيض !!! لكن بضاعته فخمة بصراحة !!
أعجبتن عنده مدفأة ديكورها حلو مرررة .. لكن ميزانيتي ما تسمح لي أشري في الوقت الراهن , عندي أشياء أهم .. لكنها مدرجة في جدول الاعمال ( الا في جدول الاسراف وانتي الصادقة ) !!!!!

لا تفوتك يالزبرجدة ان كنتي تأثثين .. حلووووة وفخممممة مرررة للصالة !!
تعطيك احساس انك هايدي يوم هي في بيت كلير !!!!! ( امحق إحسااااس ) !!!!!!!!!!!!!!

ايه يالزبرجدة تذكرت .. شفت لك طاولات أكل صغار عند المجال للتقسيط .. شوفيهن ..
هذا المحل اسمه ( القفاري للأثاث ) .. يجي على امتداد طريق الشاحنات على اليمين وأنتم رايحين جنوب .. بعد العزيزية والعبد اللطيف ...