اهلا بيكى يا نهى انا فرحان جدا انى معاكم فى الموضوع ده ومتفائله خير
ربنا يوفقنا جميعا

أميرة تاج
الحمد لله لقيت حد من أسكندرية علشان نفيد بعض بالأماكن اللى ممكن نجيب بيها جهازنا يالا بينا نبدأ بالنيش هتجيبى أيه وجبتى أيه

[

أهلا بكى معانا ياراندا وربنا يرزقك بالزوج الصالح عاجلا غير أجل

اهلا بيكي تيكتوك انت منين من اسكندريه
اولا انا في التجهيز عليا النيش كله وحاجه المطبخ كمان وتقريبا خلصتهم كلهم ولو نسيت حاجه فكريني بصي ياستي اولا للنيش انا جبت طقم صيني وطقم شاي وطقم جاتوه و4 طقم شربات وطقم الشوك والسكاكين بتوع النيش غير بتوع السفره وكسات اكل وكسات شرب وفناجين قهوة وكوبيات شاي ومجات
وللمطبخ جبت طقم بايركس و طقم المونيوم وطقم تيفال وطقم استنلس وصواني فرن وصواني شاي وجبت طقم التوزيع للمطبخ وطقم الشوك للسفره والسكاكين والطاسات للاكل والباراريد للشاي والكنك بس قوليلي نسيت حاجه لو عاوزه اقولك الاعداد كام اقولك مع العلم اننا صعايده يعني بنحب نجيب كتير انا مشكلتي في الهدوم بس سوري لو طولت عليكم
:26::icon28::icon28::26:

السلام عليكم ورحمه الله وبركاته

:) بعد التحيه وبعد السلام انا جيه اهنى وارمى السلام الليله زفه ناس مهمه عوزين نزف بعض بزمه ;)

بجد الموضوع جميل جداجداجدا انا متابعاه من قبل رمضان بس ديه اول مشركه ليا صدقوانى
مش كسل بس كل مره ادخل افضل اقرى الموضوع من اوله لحد اخره وفعلا موضوع ومشاركاته حلوه جدا

ربنا يجعله فى ميزان حسنتكم كلكم :)

عوزه اقولكم ان الموضوع ده متعرفوش اد ايه بيفيد البنات اللى بيجهزوا اللى معندهمش اخوات او قرايبهم اللى اتجوزوا بعيد عنهم لان فعلا الواحده بتحتاس اخر حوسه فموضوع الجهاز ده وبتحتاج حد معاها تاخد رايه وتعرف منه ايه المفروض تاخد بالها منه فالجهاز

يارب مكنش طولت عليكم وايه يعنى ميضرش وله ايه :)

اه نسيت انا اسمى اناناس مخطوبه بقالى سنه والجواز لسه متحددش ( ادعولى )

اما حاجاتى الحمد لله خلصت حاجات كتير بتاعت النيش وخلصت حاجات المطبخ وكمان الحمد لله المفروشات ناقص بس شويه مفارش صالون والسفره وكام ملايه منقوشه

اما الهدوم ديه مبتخلصش خصوصا البيت الصيفى بجد مش عارفه اتحكم فيها فى حاجات تخليكى غصب عنك متسبهاش( الباديهات والجيبات القصيره والبرموضات والحاجات الجل والقطن الله يعينا ويعين اهلينا :) كويس ان الشتاء دخل هههههه ومبقتش فالسوق )
اما خروج الصيفى لسه واحتمال افصله عشان المقاس واعمل التفصيله اللى على مزاجى

اما هدوم قلت الادب ( قمصان النوم متستغربوا اصلى مسمياها كدا عشان بتكسف قصدى كنت بتكسف اتكلم عليها فقولت عليها كدا اهو اسم مش معروف طبعا بتقولوا عليا هبله :) )
انا بردو مش عوزه اكتر منها عشان جايز بعد الجواز الواحدة هتعوز تجيب حاجه جديده ( لان ساعتها هتعرفى ايه الاستيل الحلو والالوان الحلوه واللى بيحبها شريك حياتك) فان شاءلله
هجيب تقريبا 20 ده الحد الاقصى انا جبت لحد دلوقتى 13 منهم 3 بروب و10 لوحدهم( سمعت ان الارواب الكتير ملهاش لزمه ويارب اقدر امسك نفسى ومجبش كتير :) )

اما هدوم الشتوى لسه مجبتش غير 3 ترنج وجلابيه قطيفه وروب شتوى بس ناويه انى مكترش منه , اما هدوم الخروج احتمال كبير اشتريها وبردو مش كتير

اظاهر انى سرحت فالكلام معلش يا جماعه انتو عارفين بئا اى واحده بتحب تتكلم على الجهاز بتعها :)

لو اى واحده عوزه تعرف منى اى حاجه انا فالخدمه

ربنا يوفقكم كلكم ويصلح حالكم :)