عندي خبر جديد

بكرة مسافرة القاهرة ان شاء الله عشان اجيب لبس الخروج الصيفي وناوية على شارع شهاب ووسط البلد وزيارة واحدة على السريع لسيتي ستارز ... تفتكروا فيه حتت تانية ممكن اروحها الاقي فيها لبس حلو ينفع لبعد الجواز ان شاء الله ؟؟

ياقطه عندك روكسى فى مصر الجديده وفى جنينه مول وشارع عباس العقاد فى مدينة نصر مليانين محلات لبس

بصى يا قطه فى اكتر من محل فى واحد اسمه "جزار و حريز" ده فى شارع الجمهوريه وده حاجاته شيك وقيمه وهتلاقى عنده كل حاجه وفى برضه محلات تانيه "الزغبى"و"البهائى"و"الزينى" "ناجى فارس"ودول كلهم فى شارع التلاتينى ودول كلهم جنب بعض وفى محلات كتير جدا فى شارع التجارى بس يعنى دول اقل مستوى شويه

اما بالنسبه للجمرك انا لما باخرج من الجمرك معانا العربيه بتاعتنا فبصراحه محدش بيشوف حاجه ومش بيدققوا بس الله اعلم اذا كان ده على شان احنا من بورسعيد او ده العادى بس اللى انا عارفاه انهم ماعدوش بيدققوا اوى زى زمان الا مع التجار اللى بيشتروا كميات كبيره من البضاعه علشان يبيعوها

واى سؤال عن اى حاجه انا موجوده بس عن تجربه هتلاقى اطقم صينى كل الصناعات وباسعار كويسه واعداد قطع كبيره مع انى بانصح كل البنات بلاش المغالاه فى الطقم الصينى لان يا بنات مابيستعملش كتير بس احنا بنجيبه بس علشان كلام الناس للاسف

والمحلات اللى قلتلك عليها فعلا كويسه وهتلاقى فيها الاسعار المختلفه

للهدوم برضه فى المول اللى فى الهرم "كايرو مول" فى حاجات حلوه جدا

ايه ده يا بنات 4 ايام ولا يوجد رد عايزين نرفع الموضوع يا بنات مصر