يا جماعه انا من المنصوره وفرحي في شهر 8 كتب كتاب بس كده عايزه اسئل شيواوا انا سمعت انها ب700 اللي هيه اخر جيل فلو حد من المنصوره وهيقدر يعرفني سعارها ومنين يقولي

بسم الله الرحمن الرحيم

موضوع جميل جدا و مفيد

انا مخطوبة و زواجي ان شاء الله في شهر 8 بعد طوووووووووول غياب عن ساحات العرائس

و ان شاء الله اقدر افيدكم بالمعلومات اللي عندي انا من القاهرة - مدينة نصر

بالنسبة للمطبخ اشتريت معظم الأشياء من محل في العقاد مول ( طريق النصر بمدينة نصر ) اسمه جولدن هوم ... محل تحفة كل ما أروح اشتري بلاوي

و محل في شارع متفرع من مكرم عبيد (اسمه الابياري ) علي ناصية الشارع صيدلية أفريقيا

و متفرقات من الالمونيوم و البلاستيكات من التوحيد و النور ( افضل فرع السبع عمارات )

و بلاستيكات ايضا من ( محل الوحدة ) في عباس العقاد جنب فرع موبنيل

في سوق بيفتح خلف جنيه مول يوم الاثنين فقط ( من الساعة 8 ص حتي 2ظهرا ) فيه واحد بيقف فيه بتاع بروسلين طواجن و اطباق نفس الاشكال الموجودة في كارفوراشتريت منه طقم جميل ب 200 ج و اشتريت طواجن بروسلين بيضاء و ملونة ( عشان التقديم ) و اصحابي جربوا الطواجن بتاعته و قالو لي حلوة و مش بتتاثر من الفرن الطبق الفردي عنده ب 11 ج و هو نفسه في كارفور ب 18 ج .

بالنسبة للطقم الاركوبال اشتريته من التوحيد و النور …. و بالنسبة للطقم الصيني اشتريته بـ 800 جنيه من محل في شارع الطيران جنب فندق سونستا و كان مستورد بصراحة لغيت فكرت ان اشتريه غالي ده فيه اسعار لحد 5000 جنيه:09:

و انا كنت شارية اطباق كثيرة من المحل اللي في سوق الاثنين اطقم ...و كنت شارية كمان من عمر افندي من فترة كبيرة

بالنسبة لطقم الملاعق و الشوك لسه مجبتهوش احتمال اشتريه من التوحيد و النور
او افتري شوية و اجيبه من محل( شيفلد ) في عباس العاد الطقم بيعدي الالف جنيه

بالنسبة للمفروشات

في محل في مدينة نصر اسمه ( العامرية ) في شارع متفرع من مصطفي النحاس . الشارع ده علي ناصيتة ماكدونالز

اشتريت من ملايات السرير و الفوط و الأسعار معتدلة و قطن 100% و فيه كمان في التوحيد و النور

مفرش السفره لسه هشتريه من سوق تاني ( السوق موجود في شارع موازي ل شارع صلاح سالم خلف الجهاز المركزي للمحاسابات )
السوق ده بيفتح من 8 ص حتي 9.30:10 صباحا فقط كل يوم ماعدا الجمعة و السبت

سبب انه بيتفتح بدري أن الشارع ده مكان ركن السيارات الخاصة بالجهاز ( المركزي للمحاسبات )

السوق ده في كل حاجة تتخيلها و بأسعار رخيصة جدا

بالاخص الكاسات و الأكواب نفس الماركات اللي في المحلات الشهيرة بس بسعر الجملة … و كمان البراويز و اكسسوارات المطبخ
و فيه قمصان نوم كمان

و المرتبة هشتريها من ( ماستر بد ) ب 1400جنيه :09: ارخص مرتبه

***

بالنسبة للاثاث

بصراحة كنت أخاف الذهاب إلى دمياط لاني مكنتش ضامنة أنواع الأخشاب

فاستقر الأمر علي الذهاب إلى مؤسسة الجيش بالعباسية و فيه واحدة تانية عند الكلية الحربية

حجزت من هنالك غرفة النوم و السفرة و المطبخ ( اخترته خشب زان و سعر المتر 750 ج )

و بالنسبة للصالون و اللفنج عملته عمولة في محل اسمه ( انترية مودرن ) في شارع رمسيس

صراحه الله يبارك للراجل صاحب المحل شغله تحفه ( عملت عنده الصالون اخترته من الكتالوج و هو نفذه )

بالنسبة للنجف اشتريته من ضرب البرابرة

بالنسبة للأجهزة ... العريس كان شريها لكني هغير الثلاجة لان والدته اشترتها كريازي ( ديب فروست فان شاء الله اغيرها ايديال نوفروست بعد صراع طويل :)

و باقي الأجهزة سخان يونيفرسال ديجيتال ( انا كمان مجرباه عندي في البيت ) و مش فاكره باقي الماركات الاجهزة لانها كانت في الكرتونة بتاعتها ... ربنا يستر منتخنقش علي حاجة تانيه

و السجاد لسه و ان شاء الله هشتريه من النساجون

و الملابس

و اشتريت قمصان نوم قطن من محل اسمه ( جيل ) في مصطفي النحاس فوق المحمل حجاته حلوة جدا و الاسعار معتدلة ب تبدأ من 25 ج

و لسه هشتري قمصان نوم من جويا

و اشتريت لبس للبيت شورتات و بديهات من محل في روكسي اسمه ( نيويورك ) بيكون فيه بواقي تصدير و الاسعار معتدلة جدا
المحل ي شارع علي ناصيته سينما ( نورماندي )
و الشارع ده في محلات كتير لمقصان النوم

و بالنسبة للفرح … للاسف العريس مش راضي نعمل فرح :angry: فاضطريت احجز عشاء في فندق سونستا ل 17 فرد و اختارت الاكل اللي هينزل و عملت تورتة عروسة الموضوع كله هيتكلف 3000 جنيه و انا اللي هدفع طبعا

و بالنسبة لكتب الكتاب حجزت في جامع ال رشدان ( عشان عامل تخفيض لابناء الضباط:) )اصل العريس ماسك ايده اوي:) ...... و جامع الشرطة اللي فتح جديد غالي شوية
و من شروطه ان أي تاخير بعد موعد كتب الكتاب كل 5 ق هيخصم من التامين 50 جنيه

بالنسبة للكوافير

لسه مقررتش اما في السراج مول عند نورا او في محل اسمه نورماندي في الكوربة خاص بالسيدات فقط ( اخته الله يبارك لها جربته في فرحها مكياج و شعر تحفه عي كانت عاملة فرح اسلامي في فندق مرديان هليوبوليس )

و بالنسبة للاشياء الاخري السويت و الحمام المغربي و الدلكة في السراج في النادي الصحي لسه ماحجزتش

دي كل المعلومات اللي عندي

اتمني ان اكون افدتكم

تحياتي

لوزه - لوزه
أهلا بكى معانا ياقمر
ماشاء الله عليكى أنا استفدت منك أوى ربنا يتمم لك زفافك على خير وتبقى احلى عروسه
ياريت تدينى فكره عن أسعار جولدن هوم والأبيارى أصل انا بحس انهم غاليين شويه
وحلو قوى السوق اللى خلف جنينه مول هحاول أروحه مره
وممكن أعرف عملتى النوم والسفره بكم؟
وبالنسبه لكتب الكتاب ان سمعت ان مسجد الشرطه كومبليت ل 3 شهور أدام انا نفسلى أوى أعمل فيه بس يارب ساعتها الاقى مكان
ربنا يهنيكى بحاجتك يارب

لوزه
ياريت لما تحجزى السويت والحمام المغربى فى السراج تقوليلى حجزتى بكم؟
وجزاكى الله خيرا

بصي حبيبتي انا لما رحت جولدن هوم كان في شهر مارس و هو بيعمل تحفيضات عشان عيد الام

و كانت فرصة بصراحة اشتريت كل اللي انا عيزاه و الاسعار مش حاضرة عندي لكن اللي انا فكراه انتي اشتريت 3 حلل صاح مطليه تيفال كانت 285 ج 3 مقاسات و عليهم ورد كان شكلهم حلو اوي

و اشتريت الطاسات الالمونيوم اكبر واحدة عدت ال60 ج

و اسعار السكاكين رخيصة هناك الواحدة ب 5 جنيه

و اشتريت من هناك علبه بلاستيك اللي بتتحط فيها التورتة ب 40ج تقريبا

بس لقيتها نفسها في التوحيد و النور ارخص اوي

و الابياري غالي شوية و لكن شوفي اهمية الحاجة اللي انتي عيزها

الواحد مش بيقدر يشتري اي حاجة رخصية لانها ممكن تبوظ بسرعة

التوحيد و النور عنده كل حاجة بس الالمونيوم نقيه يكون اثقل حاجة و حافظي علي استعماله بعيدا عن الاحماض

بصي يا ستي غرفة النوم اشترتها من المؤسسة الخاصة بالجيش اللي في العباسية مش فاكرة المحل اسمة تقريبا ( البندري ) كان دولاب 3 متر و سرير 160 متر و 2 كمود و شفونيرة بادارج 4 تقريبا و فوقها مرايا بس كانت 12956 ج + 150 ج نقل + الزجاج بتاع الكمود و الشفونيرة( قهو قالي اشتريه من بره هيكون ارخص من عندي ) صراحة كانت غالية شوي و كان نفسي الاقي ارخص و قال لي ممكن تلاقي في دمياط ارخص بس خفت من عدم ضمان نوعيه الخشب لان واحدة من اقاربنا اشترت من هنالك الاثاث و كان فيه نمل ابيض ( الله يحفظنا )
و السفره من مؤسسة الجيش اللي عند لكلية الحربية محل اعتقد اسمه ( السعادة )
كانت تربيزة بيضاوية طولها 140 متر و بتتفتح تكون مترين اصل الشقة عندي مساحتها 77 م
و 6 كراسي و بوفيه بمريا كانت ب 5700 جنيه هي ارخص حاجة جبتها
بتروحي تتعاقدي و بتدفعي نصف الثمن و بتختاري اللون و الاستلام بعد شهر من تاريخ التعاقد

ادعيلي ما يتاخروا ربنا يستر:angry:

و بالنسبة لمسجد للشرطة المشكلة ان رمضان في نصف شهر 9 و كل الناس بتحاول تجهز قبل رمضان عشان كده مفيش حجز لازم تروحي قبلها بشهرين

و علي فكرة ممكن تحجزي الفرش و تتطلبي منه يسلمهولك مثلا بعد شهرين حسب ظروفك

بس لا تتاخري في الحجز لان الخشب بيغلي

و انا اول ما رحت سالت في شهر12اللي فات كانت اسعار و دلوقتي الاسعار زادت تقريبا الف جنيه في كل حاجة علي حده

و بالنسبة للمطبخ فيه في المؤسسة المطابخ خشب موسكي القطعتين 3 ضلف فوق و 3 تحت ب 1200ج لكني لا افضله و لو عايزة تفاصيل المطبخ اللي حجزته اطلبي حبيبتي

ارجو ان اكون افدتك


تحياتي