لوزة_لوزة :

بصي حبيبتي انا لما رحت جولدن هوم كان في شهر مارس و هو بيعمل تحفيضات عشان عيد الام و كانت فرصة بصراحة اشتريت كل اللي انا عيزاه و الاسعار مش حاضرة عندي لكن اللي انا فكراه انتي اشتريت 3 حلل صاح مطليه تيفال كانت 285 ج 3 مقاسات و عليهم ورد كان شكلهم حلو اوي و اشتريت الطاسات الالمونيوم اكبر واحدة عدت ال60 ج و اسعار السكاكين رخيصة هناك الواحدة ب 5 جنيه و اشتريت من هناك علبه بلاستيك اللي بتتحط فيها التورتة ب 40ج تقريبا بس لقيتها نفسها في التوحيد و النور ارخص اوي و الابياري غالي شوية و لكن شوفي اهمية الحاجة اللي انتي عيزها الواحد مش بيقدر يشتري اي حاجة رخصية لانها ممكن تبوظ بسرعة التوحيد و النور عنده كل حاجة بس الالمونيوم نقيه يكون اثقل حاجة و حافظي علي استعماله بعيدا عن الاحماض بصي يا ستي غرفة النوم اشترتها من المؤسسة الخاصة بالجيش اللي في العباسية مش فاكرة المحل اسمة تقريبا ( البندري ) كان دولاب 3 متر و سرير 160 متر و 2 كمود و شفونيرة بادارج 4 تقريبا و فوقها مرايا بس كانت 12956 ج + 150 ج نقل + الزجاج بتاع الكمود و الشفونيرة( قهو قالي اشتريه من بره هيكون ارخص من عندي ) صراحة كانت غالية شوي و كان نفسي الاقي ارخص و قال لي ممكن تلاقي في دمياط ارخص بس خفت من عدم ضمان نوعيه الخشب لان واحدة من اقاربنا اشترت من هنالك الاثاث و كان فيه نمل ابيض ( الله يحفظنا ) و السفره من مؤسسة الجيش اللي عند لكلية الحربية محل اعتقد اسمه ( السعادة ) كانت تربيزة بيضاوية طولها 140 متر و بتتفتح تكون مترين اصل الشقة عندي مساحتها 77 م و 6 كراسي و بوفيه بمريا كانت ب 5700 جنيه هي ارخص حاجة جبتها بتروحي تتعاقدي و بتدفعي نصف الثمن و بتختاري اللون و الاستلام بعد شهر من تاريخ التعاقد ادعيلي ما يتاخروا ربنا يستر:angry: و بالنسبة لمسجد للشرطة المشكلة ان رمضان في نصف شهر 9 و كل الناس بتحاول تجهز قبل رمضان عشان كده مفيش حجز لازم تروحي قبلها بشهرين و علي فكرة ممكن تحجزي الفرش و تتطلبي منه يسلمهولك مثلا بعد شهرين حسب ظروفك بس لا تتاخري في الحجز لان الخشب بيغلي و انا اول ما رحت سالت في شهر12اللي فات كانت اسعار و دلوقتي الاسعار زادت تقريبا الف جنيه في كل حاجة علي حده و بالنسبة للمطبخ فيه في المؤسسة المطابخ خشب موسكي القطعتين 3 ضلف فوق و 3 تحت ب 1200ج لكني لا افضله و لو عايزة تفاصيل المطبخ اللي حجزته اطلبي حبيبتي ارجو ان اكون افدتك تحياتي

بصي حبيبتي انا لما رحت جولدن هوم كان في شهر مارس و هو بيعمل تحفيضات عشان عيد الام و كانت فرصة...

عزيزة المنال :

هو الموضوع نايم ليييييييييييه بصي يا moslem bride مؤسسة الجيش اللي في العباسيه موجوده في برج مصر للسياحه عارفه برج مصر للسياحه ؟ اعتقد من معالم مصر الواضحه أما اللي عند الكليه الحربيه فهي عند الكليه الحربيه :D ماتتوهش بردو عند الكليه الحربيه اللي في مصر الجديده عرفتيها ؟ بردو روحي أسألي واللي يسأل مايتوهش أيوها خدمه

هو الموضوع نايم ليييييييييييه بصي يا moslem bride مؤسسة الجيش اللي في العباسيه موجوده في برج...

moslem bride :

جزاك الله كل خير يا عزيزة المنال . انا عارفة برج مصر للسياحة و ان شاء الله اروح و اتفرج بس يا رب الاقى حاجة تعجبنى عشان للاسف ممكن ظروفى متسمحشضى اروح دمياط و عايزة اخلص بقى و نجيب الموبليا.

جزاك الله كل خير يا عزيزة المنال . انا عارفة برج مصر للسياحة و ان شاء الله اروح و اتفرج بس يا رب...