أنا عايزه أسألكم عن الفوط اللى بتبقى عليها شغل بالدانتيل والأورجانزا والستان متعرفوش ممكن ألاقيها فين بسعر معقول أنا بصراحه شفتها فى محل فى سيتى سنتر بس ب 45 جنيه مفيش مكان تكون فيه أرخص من كده؟ وبعدين من رأيكم المفروض الواحد يجيب كام فوطه؟

سمسمه حاولى بلاش تتخانقوا سوا يعنى هو ياحبيبتى متغرب ليه معلش صدقينى كل واحد عنده مشاكله ولازم كلنا نشجع بعض ونقف جنب بعض

هو كمان الله يكون فى عونه متغرب عشان يعيشك أحسن عيشه فلازم تصبرى عليه وتشجعيه وترفعى من معنوياته وتحسسيه إنك فرحانه به صدقينى الرجاله بتحب أوى التشجيع والكلام الحلو متبخليش عليه به وإن شاء الله ربنا حيجمعكم ببعض عاجلا غير أجل وبعدين إحنا لسه شباب صغير أيه يعنى نتعب دلوقتى عشان نرتاح بعد كده

ربنا يبارك لكم ويجمعكم على خير يارب

صباح الفل يااحلى عرايس معلش داخله ع السريع
انا كدا متلخبطه بين كل الحاجات دى .يعنى مثلا نعمل ياسموحة زى ما فطوم قالت نمسك الشقه اوضه اوضه ولما نخلص اوضه وكل البنات يقول جابو ايه فيها بالتفصيل ننقل عللى بعدها وهكذا ولا ايه رأيكم؟
نجلا انا معرفش الاسعار فى القاهرة بس متهيالى المحله اقل اسعار بس مشوارها هيبقى بعيد عليكى اوى.

ايه دا ايه دا كل البنات رايحين السعوديه ولا ايه
اشمعنى انا............

انا كمان رايحه السعوديه قريب قولو ياااااااااااااااااااااااااااااااارب

بسم الله الرحمن الرحيم

كوته......... انا يا قمر هاعد فى القطيف ان شاء الله ولو انى سمعت انها كلها شيعه من البنات فى عروس فبفكر لما نيجى ياخد السكن ده اقوله يدور فى الدمام لان بينها وبين القطيف نص ساعه ويبقى يروح هوه الشفل وكمان انا ليا قرايب فى الدمام

بصى يا كوته التلاجه الكتروستار مش عارفه ياريت تصلى استخاره الاول لان كل اللى اعرفهم وحتى بتوع الصيانه بيشكروا اوى فى كريازى فيا ريت تستخيرى برضه

ولما تنزلى طنطا ياقمر ابقى قوليلى فيه ناس احسن من محمد اسعد وكمان عندهم نفس حاجاته وارخص وفيه تشكيله اوسه واشيك كمان ومنزلين فى الاسعار بيضربوا فى بعض ولو نازله تانى قريب قوليلى وانا الففك عليهم على السريع حتى تجيبى السكاكين .......وعلى فكرة بلالنسبه للسكاكين انا برضه شفت الشنط بس مش حاسه ان الشنطه هايبقى ليها لازمه لانك هاتحطيهم فى المطبخ ...وفيه سكاكين اللى كلها معدن قطعه واحده دى عجبتنى اوى عشان مش هاتتقطم عمرها شفتيها دى؟

وحلوة فكرة المفارش العاديه دى انا اول مره اسمع عنها انا اعرف بيجيبوا اللى هوه بتاع الدخله ده وبس .......لكن جميله اوى الفكره دى يعنى دول هايبقوا للاستعمالات اليوميه مثلا والوانبقى ولا ايه؟
وجبتى اللحاف ولا هاتنجدى؟


شيواوا.......... نوجه يا حبيبتى احنا عندنا الفوط دى ارخص شويه وبالنسبه للعدد انا برضه محتاره انا اعرف ناس قالولى 12 فوطه بس لازم يكون فيهم اقطان ساده للاستعمال اليومى..........


بصوا يا بنات شفتوا هوجة المحلات بتاعة بواقى التصدير اللى طالعه اليومين دول احنا عندنا فى طنطا بيكتروا اوى اليومين دول..هاتلاقوا عندهم حاجات لقط يعنى مثلا الفوط اللى انا بقول عليها لنجلا الاقطان اللى تعتبر تقيله مش خفيفه ومنها مقاسات والوان حلوة اوى يعنى درجات البيج والاصفر والزيتى والنبيتى بتوعها حلوين اوى والفوط بتبتدى من 9 جنيه المقاس المتوسط والاكبر شويه ب 12 و15 وفيه اللى هوه نص بشكير ب 20 والبشكير ب 27 وبجد لذاذ قوى انا ساعات لما انزل افوت اتفرج ايه الجديد اجيبلى فوطين على الماشى

فيه كمان جبت من عندهم (الكلام ليكى يا نجلاى انتى كنتى بتسالى) البرنس الجديد اللى هوه اللف ده دلوعه ودمه خفيف ب 42 جنيه وجبت الطوبى منه وده بقى على جنب كده دله وهاجيب البرنس الروب ده الاساسى حاجه تانيه لكن ده جبته للدلع رخيص جدا وممكن اوى كمان اى حد من اللى بيطرزو الملايات اخليه يعملى تطريزه سمبل اوى مش هاتكلفنى 10 جنيه

ولنا عوده