ربنا معاكم يارب

بصي اختى انا مخطوبه من سنه وخطيبى مسافر
الكويت وهينزل مصر بعد سنه ونص كمان يعنى
قدامى سنتين او تلاته واتجوز كتير انا عرفه بس
لازم استحمل علشان ظروفه وهو لسه متخرج
اما الملايات والمفروشات انا جيباها من مكان اسمه الغوريا
ده لفرش وملابس العروسه بس امى هى اليه جبتهملى
انا مروحتش والصينى وحاجت المطبخ من حمام التلات
انا روحت معاها واتجننت من الحاجات اليه هناك لا
ورخيصه بسعر الجمله والفرق في الاسعار مش بسيط لان
ده يفرق عن المحلات العاديه لانه بسعر الجمله ارخص
يعنى ممكن توفرى ميات يعنى انا كنت جيبه طقم الومنيوم
ب500 وحاجه امى شافته هناك ب 300 الفرق جامد طبعا ونفس
الخامه علشان كده التجار بيشتروا من هناك بسعر الجمله ويبيعوها بسعر اغلى
حتى طقم الصينه شوفت واحد 1600 ولقيته هو هو ب1000
وحمام التلات والغوريا هما دوال السوقين بتوع تجهيزات العرايس
لا وكمان بيبيقي بسعر الجمله وانتى كمان بتفاصلى يعنى شوفي التوفير
وربنا معاكى وتخلصي بيت الزوجيه وانا عرفه مدينه الشروق لان ليا صديقه سكنه فيها

مياده
ربنا يرجع لك خطيبك بالسلامه ويتمم زواجكم على خير ان شاء اله

يابنات قولولي على كوافيره في مدينة نصر او مصر الجديدة تكون كويسه و اسعارها حلوه

كوافير فرست عند العقاد مول وفى كوافير ياقوت فى شارع البطراوى