السلام عليكم ازيكم يا بنات
طبعا انا كنت اجازه الفتره اللى فاتت
سمسمه............انتى هتاخدى شقه ايجار بصى بعيد عن التجهيز شوف حاجه صغيره انتى كده او كده مش هتقعدى فيها وكمان لما تنزلى فى اجازه شويه عند ماما وعند حماتك يعنى خليك فى المعقول وبرضه مش لازم تكون سوبر لوكس كده الشقه

المطبخ مش لازم تقفلى المطبخ كله كفايه وحدتين فوق وتحت لان الله اعلم تعملى اه بيها فى المستقبل هتنفع فى بيتك ولا لا
وكمان انتم مش هتقعود غير شهر بلاش تروحى تجيب او تفترى فى حاجات المطبخ مش هتقطعى نفسك فى الاكل وكمان لما تنزلى تستقر هتكون عايزه جديد ولما تسافرى مش هتاخدى المطبخ معاكى


شويه وهرجع تانى

بص يا سمسمه انا هتكلم على المفروشات

مفرش السرير ...........هى من امنتجات السوريه بتكون تحفه والمعرض اللى بينزلزا فيه فى شهر سبعه
مفرش سفره ......برضه المنتجات السوريه
الملايات .............هاتى اللى فيها اورجانز والسرميه بلاش الساده ده هو شهر خلى العادى لما تسافر السعوديه بعد فتره
هاتى طقم فوط وبشاكير وسط وكبير تقريبا كفايه 3 من كل حاجه علشان لما تنزلى هتكونى جايه معاكى وهيكون فى جديد وكمان لما تتطلعى السعوديه مش هتاخدى كل ده معاكى
هاتى البرتيات اللى هى طقم بتكون معاها اكياس المخدات بتاعتها معاها


اسال يا جميل
يلا فين باقى البنات

يابنات أنا جمعت كل أدوات المطبخ من مواضيع مختلفه

بالترتيب هنتكلم عن ....المطبخ ...المفروشات.....الملابس (داخليه...بيت...خروج)....المكياج...
الاكسسوارت(احذيه...شنط...طرح... اكسسورات...اكسسورات للبيت)....الاجهزة المنزليه....اكسسورات الحمام...يا ريت لو نسيت حاجه تفكروني احنا نبدا بالترتيب ويا رب نخلص

اول حاجه هنبدأ بيها المطبخ

-طقم حلل استالس
-طقم حلل صاج (انتبهوا طقم الصاج بيكون تقيل لكن الخفيف هو الي بحرق الاكل)
-1 او 2 حله تيفال للرز بمقاسين مقاس صغير ليكي ولجوزك ومقاس اكبر لو عندك عزومه
-1او 2 حله الومنيوم لسلق الفراخ او الطير بمقاسين مختلفين
-طقم (بيكون مكون من 3 او 5 قطع) صاج للبواقي غطاءه بلاستيك
-لبانه الومنيوم (بلاش استلس عشان بتحرق اللبن)
-كنك (نوعي ما بين استلس والومنيوم)كفايه 3
-حامل كنكه
-طاسة تيفال للبيض
-2 طاسه الومنوم بمقاسين لتحمير الفراخ والتقليه
-براد (استلس او زنك او بيركس)
-3صنيه الومنيوم مربعه بمقاسين مختلفين
-3صنيه مدورو الومنيوم
- 3 صواني بيتزا الومنيوم
-2 صنيه تيفال
-طقم البيركس (مش ضروري)
-صفيحة رز (شياطة)
-طاسه لقليه البطاطس
-طقم صيني
-طقم صيني للمطبخ (انا جايبه عسلي)
-منخل سلك
-مضرب بيض يدوي(للبشلميل والكريم كرامي)
-قمع
-6كوبيات للماء
-6كوبيات صغيرة(لاستخدام المطبخ)
-6كوبيات وسط(لاستخدام المطبخ)
-6ماجات للشاي
-كاسات عصير
-طقم خشاف
-اطباق للجلي
-شفشق للمطبخ بلاستيك واخر للسفرة
-طقم كاسات مثلا شكلين (للنيش)
-طقم كبيات (للنيش)
-طقم خشاف(للنيش)
-اطباق جاتوة لو الطقم الاساسي مفهوش
-سكريه واحده للبيت واحده للضيوف
-طقم البهارات
-برطمانات بلاستيك للدقيق - البهارات الزياده
-طبق فاكهه
-طبق تورته(ينفع للكنافه)
- ملاحتين(واحده للمطبخ ولو مفيش في طقمك تجيبي واحده للضيوف)
-6فنجاين قهوة(لو مفيش في الطقم)
-علب جبنه (5 كفايه بمقسات مختلفه)
-ميزان للمطبخ
-مقصوصه للبطاطس
-طقم توزيع
-مبشرة
-قطاعه بطاطس
-قطاعه بيتزا (او سكينه الجلاش) شبه سكينه المعجون
-قشارة
-طقم مصافي ضفيرة استلس بلاش بلاستيك عشان بتتقطع
- مصفه استلس كبيرة او وسط
- 2 مصفه بلاستك بحجمين وجيبي واحده ضيقه عشان المكرونه واالرز
-مسن
-مشابك
-مساكه جاتوه
-اطباق بلاستك لغسي الفاكهه والخضار باحجام
- طبق اسلس او بلاستك غويط للعجن
-مغرفه لبن
-فوارة لبن
-هون
-حوامل سخن كفايه 3 للضيوف وزيهم لاستخدام البيت
-كيس غساله عشان الشربات
-6كاسان الرز بلبن
-قطاعه خشب او بلاستك ويفضل اتنين واحده للخضار وواحده للحمه
-طقم معالق للضيوف ويشمل شوك وساكين
-معالق فرادني كفايه 6 معالق وشوك ولو بتستعملو سكاكين
-معالق صغيرة فرادني و6شوك صغيرين
-صواني تقديم بلاستيك للبيت وصنيه عشا
-صواني تقديم للضيوف 3مقاسات كفايه
-مقورة
- سكاكين مطبخ طبيرة ومشررة وعاديه
-ماشه للشوي
-فرشه خضار
-صفايه حوض
معالق خشب كفايه 2 للحلل التيفال
-صنيه كيك ممكن 2
-كب كيك لو شاطرة في الحلويات كمان صنيه تارت
-عصارة برتقال
-عصارة لمون
- هراسه ثوم
-صفايه معالق للحوض
-مقص سمك
-طفايه سجاير
-ولاعه
-فتاحه علب وفتاحه زجاجات
-ترابيزة مكوة
-مشمع لدولايب المطبخ
- ادوات نضافه(جردل مساحه مكنسه خشنه ومنشه ناعمه وفرشه وجروف وفرشه شيش ناعمه)
-فرشه للسمن
-برام فخار (انا جايبه طقم فخار كامل)
-هراسه بطاطس
-شوايه للحمه فوق البوتاجاز هي 45 حنيه
-غطاء بلاستك مخرم
-غطاء للطرطشة



فوط مطبخ
زجاجات المياه اللي بيبقى شكلها حلو دي ومرسوم علها ورود وكده

ليف للمواعين
حبل للغسيل

جوانتى بلاستك

اكياس للقمامة
ماكينة تقطيع البيض

شكرا ليكى و ماشاء الله مرجع لينا كلنا انا متجوزة من 4 سنين وقريت اللى انتى كتبتيه قلت اراجع على اللى انا جبته انا مش كبيره اوى انا عندى 25 سنه بس يعنى ممكن اساعدكم وللعلم انا من بورسعيد

بسم الله الرحمن الرحيم

كات.......هيا فكره مش كانت فى دماغى موضوع المطبخ ده مع انى كنت مصرةاخد شقه مطبخها كبير وكمان كنت هادور على شقه كويسه اصلى بصراحه حاسه انى مهما جبت مش هايبقى فيه حاجه ليها بهجة اول شقه ليكى معاه بس هابتدى احاول ااقلم نفسى بجد
وقوليلى بيبقى فين المعرض اللى بينزلوا فيه فى شهر سبعه وتقصدى بينزلوا فى الاسعار ولا بينزلوا موديلات جديده

نجلا........ لا شكر على واجب يا نوجا ويا رب كلنا نستفيد وادينى بجمع كل القوايم عشان ابتدى انظم ايه اللى هاييجى وايه اللى لا....ويا رب تظبطى الاوفيس عشان الباقى يالللا

كوته.......... ربنا يرزقكم من حيث لا تحتسبوا يا كوته يا رب ان شاء الله وانا شخصيا شايفه انكم تنزلوا دمياط وتجيبوه جاهز علطول لاكتر من سبب:
اولا النتيجه النهائي باينه قدامك مباشرة وهاتبقى عارفه انتى بتنقى ايه
ثانيا:فيه تشكيلة اسعار هايله والحاجات الوسط فى رينج النوم مثلا من 7 معقوله اوى هناك لحد 15 ده الوسط وطبعا فيه اعلى كتير والسفره من 5 برضه ده الوسط وانتى طالعه بقى وحسب انتى هاتاخدى نيش وبوفيه ولا نيش بس ..... والانتريهات من 3.5 برضه الوسط ........والصالونات من 4 كده الوسط
ثالثا:بيحصل كتير تكونى جايبه الخشب وشايفاه هناك على لون معين حلو اوى وتيجى تنفذى عندك مايطلعش نفس اللون ويكون على اللون ده مش مريحك

بس اهم حاجه تكونى واخده نجار شاطر اوى وموثوق فيه اوى من معاكى عشان يبفهم فى الخشب ده شرط ضرورى جدا وربنا يوفقك يا رب ان شاء الله وطمنينى عليكى