نورتى الموضوع ياأميره
بالنسبه للبس الشتوى لو بتتكلمى على البيجامات والعبايات الشتوى ففى محلات كتير أوى فى جى بى فى وندر لاند وفى جنينه مول الدور الأرضى 3 محلات والدور الرابع محل حبيبه وفى روكسى كتييير ووسط البلد

الصينى الحلو عند شيفلد بس اسعاره نار ياحبيبى نار فروحى احسن حمام التلات عنده كل حاجه وتنزلى فى السعر كمان

هااااي يا جمااعه انا برضو مخطوبه وفرحي على الصيف كده انشاااء الله

بس انا مشكلتي اني مكنتش عايشه في مصر وعرفش امااكن كتيره هناااا فربنا يكرمكو خليكو معايا كده عشان مضعش لوحدي

بجد انا اول ماشفت الموضوع ده حسييييت انه نجده ليااااا :)

انا بقي يا جماعه لسه مشتركه جديده والى عاحبني فى المنتدي ده عارفين ايه انتم ايوه انتم بجد حسستونى ان بنات مصر لسه موجودين وبيحبو بعض وبيسألو على بعض بجد نفسى نبقي صحاب وبالاخص ان انا كمان عروسه جديده ان شاء الله شهر2 بس انا اسكندرانيه على العموم انا عارفه انى طولت عليكم بس والله انا هدخل نت فبيتى مخصوص عشانكم اوك بااى

يااااااااه انا لسه مخلصه الملف الاول كللللللللللللللللله ....ده انا حااسه اني نزلت وجهزت وخلصت :D :D

هوه انا فرحي ان شااء الله كده على اول الصيف تفتكروووو ابتدي اجهز امتى ؟؟؟

ولما ابتدي اجهزي ابتدي باييه ؟؟؟؟

انا ساكنه ف يمدينه نصر وبيت العدل هيبقى في فيصل انشاااااااااء الله .....مفيش حد هنا ساكن في فيصل عشان يونسني :(

مرمرتى
نورتى الموضوع ياقمر و ان شاء الله هبقى جارتك فى بيت العدل بس لسه بندور على شقه ايجار جديد فى الهرم
ربنا يتمم لك على خير
بالنسبه للتجهيز ابدأى من دلوأتى طبعا عشان متتزنقيش فى الأخر وبعدين لازم تاخدى فتره قبل الفرح يبقى تركيزك فيها على الأهتمام بنفسك وابتدى دلوأتى بحاجة المطبخ ولبسك لأنك ان شاء الله لما تتجوزى فى الصيف هيدخل عليكى الشتا وانتى فى بيتك فخلصى حاجة الشتا دلوأتى لبس خروج وبيت وهاتى كمان اللانجيرى
الحاجات بتبقى عايزه لف
وبعدين ادخلى على الملايات والفوط

ونصيحه منى وانتى بتتسوقى فى اى مكان عجبك اى حاجه للجهاز اشتريها واهم شىء تدونى كل اللى جبتيه فى نوته أو ورقه عشان تبقى منظمه ومتعديش تتوهى وتفكرى انتى جبتى ايه ولسه ايه
وربنا معاكى ياقمر
وتحت امرك فى اى حاجه