اوزوريس
انا عندى قايمه كامله بكل مستلزمات العروس كنت حطاها فى الجزء الأول بس هحطها هنا تانى عشان الكل يستفيد وبردوا لو حد عايز يزود عليها حاجه يزود أكيد هيبقى ناقصها حاجات

أناناس
انتى عسل خالص والله وان شاء الله نبقى جيران الهنا ياقمر

اول حاجه هنبدأ بيها المطبخ انا هكتب القايمة الي عندي الي بشتري منها

-طقم حلل استالس
-طقم حلل صاج (انتبهوا طقم الصاج بيكون تقيل لكن الخفيف هو الي بحرق الاكل)
-1 او 2 حله تيفال للرز بمقاسين مقاس صغير ليكي ولجوزك ومقاس اكبر لو عندك عزومه
-1او 2 حله الومنيوم لسلق الفراخ او الطير بمقاسين مختلفين
-طقم (بيكون مكون من 3 او 5 قطع) صاج للبواقي غطاءه بلاستيك
-لبانه الومنيوم (بلاش استلس عشان بتحرق اللبن)
-كنك (نوعي ما بين استلس والومنيوم)كفايه 3
-حامل كنكه
-طاسة تيفال للبيض
-2 طاسه الومنوم بمقاسين لتحمير الفراخ والتقليه
-براد (استلس او زنك او بيركس)
-3صنيه الومنيوم مربعه بمقاسين مختلفين
-3صنيه مدورو الومنيوم
- 3 صواني بيتزا الومنيوم
-2 صنيه تيفال
-طقم البيركس (مش ضروري)
-صفيحة رز (شياطة)
-طاسه لقليه البطاطس
-طقم صيني
-طقم صيني للمطبخ (انا جايبه عسلي)
-منخل سلك
-مضرب بيض يدوي(للبشلميل والكريم كرامي)
-قمع
-6كوبيات للماء
-6كوبيات صغيرة(لاستخدام المطبخ)
-6كوبيات وسط(لاستخدام المطبخ)
-6ماجات للشاي
-كاسات عصير
-طقم خشاف
-اطباق للجلي
-شفشق للمطبخ بلاستيك واخر للسفرة
-طقم كاسات مثلا شكلين (للنيش)
-طقم كبيات (للنيش)
-طقم خشاف(للنيش)
-اطباق جاتوة لو الطقم الاساسي مفهوش
-سكريه واحده للبيت واحده للضيوف
-طقم البهارات
-برطمانات بلاستيك للدقيق - البهارات الزياده
-طبق فاكهه
-طبق تورته(ينفع للكنافه)
- ملاحتين(واحده للمطبخ ولو مفيش في طقمك تجيبي واحده للضيوف)
-6فنجاين قهوة(لو مفيش في الطقم)
-علب جبنه (5 كفايه بمقسات مختلفه)
-ميزان للمطبخ
-مقصوصه للبطاطس
-طقم توزيع
-مبشرة
-قطاعه بطاطس
-قطاعه بيتزا (او سكينه الجلاش) شبه سكينه المعجون
-قشارة
-طقم مصافي ضفيرة استلس بلاش بلاستيك عشان بتتقطع
- مصفه استلس كبيرة او وسط
- 2 مصفه بلاستك بحجمين وجيبي واحده ضيقه عشان المكرونه واالرز
-مسن
-مشابك
-مساكه جاتوه
-اطباق بلاستك لغسي الفاكهه والخضار باحجام
- طبق اسلس او بلاستك غويط للعجن
-مغرفه لبن
-فوارة لبن
-هون
-حوامل سخن كفايه 3 للضيوف وزيهم لاستخدام البيت
-كيس غساله عشان الشربات
-6كاسان الرز بلبن
-قطاعه خشب او بلاستك ويفضل اتنين واحده للخضار وواحده للحمه
-طقم معالق للضيوف ويشمل شوك وساكين
-معالق فرادني كفايه 6 معالق وشوك ولو بتستعملو سكاكين
-معالق صغيرة فرادني و6شوك صغيرين
-صواني تقديم بلاستيك للبيت وصنيه عشا
-صواني تقديم للضيوف 3مقاسات كفايه
-مقورة
- سكاكين مطبخ طبيرة ومشررة وعاديه
-ماشه للشوي
-فرشه خضار
-صفايه حوض
معالق خشب كفايه 2 للحلل التيفال
-صنيه كيك ممكن 2
-كب كيك لو شاطرة في الحلويات كمان صنيه تارت
-عصارة برتقال
-عصارة لمون
- هراسه ثوم
-صفايه معالق للحوض
-مقص سمك
-طفايه سجاير
-ولاعه
-فتاحه علب وفتاحه زجاجات
-ترابيزة مكوة
-مشمع لدولايب المطبخ
- ادوات نضافه(جردل مساحه مكنسه خشنه ومنشه ناعمه وفرشه وجروف وفرشه شيش ناعمه)
-فرشه للسمن
-برام فخار (انا جايبه طقم فخار كامل)
-هراسه بطاطس
-شوايه للحمه فوق البوتاجاز هي 45 حنيه
-غطاء بلاستك مخرم
-غطاء للطرطشة


بنات اللى عنده اضافه يحطها عشان يبقى مرجع كامل لكل حاجة المطبخ

ماشاء الله عليكي شيواوا
مش ناسية حاجة لا كبيرة ولا صغيرة
بس لي ملاحظة حبيت اقولها
بالنسبة للحلل الالومنيوم بلاش منها خالص ودي نصيحة طبية ,,,لان من الالومنيوم ومع تفاعله مع الاكل والسخونية بينزل نسبة رصاص مع الطعام وده مع مرور الزمن مش كويس على الصحة
انا الطقم اللى عندي رميته لان كل ما احب اسلق مكرونة الاقي الميه اغمقت خالص من الرصاص اللى بينزل منه
والتيفال اقل ضرارا من الالومنيوم طالما نقدر نحافظ عليه ,,,, لا حرق ولا شياط فيه مع استخدام الملعقة الخشبية.
لكن حاليا الاستانلس هو الصحي في الطعام ,,,, بس مش اي استانلس ,,,لانه درجات واسعار
عموما انا هشوف كيف طريقة اختيار الحلل الاستانلس ,,,لان اثقلها هو الممتاز وما يحرق الطعام.

بس نسيت حاجة يا جميل

فوط للتنظيف واسفنج التنظيف وفوطة كبيرة عشان الايادي ويسلموا ايديك
لاني ما استغنى عنهم نهائي في المطبخ

الف مبرووووووووووووووووووووك يا بنات على الجزء التانى ، بس انا دوخت على ما لقيته اصلى بقالى كام يوم مدخلتش المنتدى ‘ شيواوا و اناناس انا برده ساكنة دلوقتى جنبكم فى اخر جسر السويس و أن شاء الله بيت الزوجية هيكون فى الحى العاشر - مدينة نصر عند سوق السيارات كده و اناناس الجميله هتكون جارتى إن شاء الله (على فكرة يا اناناس انا اسمى عروس مسلمة). الف مبروك يا بنات بجد الموضوع دا فدنى كتير كتير و جزاكم الله كل خير و تحية كبيرة لشيواوا على الجزء التانى . و عايزين يا بنات نكمل بجد حتى بعد الجواز ان شاء الله يعنى دلوقتى كوته اول متزوجة معانا (يعنى اول عروسة) ممكن هى بقى تفيدنا بالحاجات الى ملهاش لازمة نجبها من دلوقتى و العكس صحيح. عشان اكيد بعد الجواز فى اراء كتيير بتتغير و ممكن نفتح يعنى موضوع جديد . ان شاء الله يكون الجزء الجديد مفيد لكل البنات و ربنا يكرمنا جميعا :)

طيب يابنات كنت عاوزة اسأل على حاجة
بالنسبة لطقم السفرة الاساسي مش الافضل ان الواحدة تشتريه موديل كلاسيك عشان موضته ماتروحش
اما الطقم للاستعمال الشخصي ,,,اشتري طقم صيني عدد ه اربعات ( وبيكون معاه برضو طقم شاى وجاتوه) واللا اشتري فرداني من كل نوع سته واعمل انا طقم على مزاجي بدون طقم شاي وابقى اشتريه من نوع تاني
ايهما افضل؟؟