بسم الله

ملف رااااااائع ومتميز من الاخت رقيقيه

لي عودة ان شاء الله ........... ولكن ستكون مختصرة.. لاني استغنيت كثير عن اغلب المنتجات وذلك بسبب المقاطعه

يزاكم الله خير حبايبي رقيقة وميس شيف وأم تاكر وكل اللي شرفوا الموضوع الحلو هذا..

وينج من زمان يارقيقة.. طلعتي المستخبي عن البنات.. ماشالله عندهم شغلات وطلعتيها لنا..

تدرين أنا بعد مثل ميس شيف ما أثق بالشغلات الجاهزة وايد لأني مرة خذت كرتون للباشميل الجاهز من كنور وعاد يمرة وحدة كرتون المفروض حبة عشان أجربها.. بس من شكله بالدعاية قلت شيييييييي.. المهم بعد ماسويته ماعجبني طعمه يعني اللي نسويه بروحنا واااااااااايد ألذ ومنها قلت الموجود بالبيت أحلى من الجاهز.. يعني ممكن الواحد ينوع لاكن مايعتمد على الصلصات الجاهزة كليااااااااا..

ميس شييييييييف.. حيابج والله.. شوفي صلصة الثاوزند آيلاند وايد حلوة.. بس ترى لاتحطين منها وايد عالسلطة يعني حطي بالنص وانتي تاكلين اسحبي من الخلطة مع السلطة.. لأنها اذا كثرتي منها ترى تسويلج لوووووعة.. وأنا من كثر ماعيبتني قمت أزيد منها بس مليتها بعدين.. وعادة أخذ الخفيفة مب الثقيلة.. وطبعا هذي أحلى من الصلصة الفرنسية يعني لاتفكرين تاخذينها الا اذا انتي من النوع اللي تحبين الصلصات اللي تكون بهالطريقة..

عالعموممممممممممممم.. يزاكم الله خير جميعا.. ومنكم نستفيييييييييييد..

صديقتي العزيزة رقيقة.. رجعتلج عقب ماشفت الأوريو اللي حطيتيه ذكرت انه عندي كيك اليمامة اللي طفشتي منه وانتي تدورينه..

طبعا أنا ماكنت أعرفه بس من جربت حلى الشامواء للأخت بسر برحي عرفته وعندي منه كراتين ألحين. لأنه الحلى لذيذ وسهل بعد..

عالعموم هو ممكن تستخدمونه كقاعدة لأي حلى.. وحتى الكيك طعمه لذيذ بعد.. وهذي صورته..



ترى يارقيقة أنا أكتبلج وفيني آلام تسير وترجع بس عشان خاطرج وخاطر الخوات بنزلج شي ثاني ألحين.. وأدعيلي بالتسهل وان شالله أعلمج بالمسج أوكي.. ولاتنسين تطمنين خواتي هنيه باللي يصيرلي.. وان شالله اشوفكم قريييييييييييب

رجعتلج يارقيقة..

شوفوا خواتي هذي مكعبات للثلج وللعصاير.. ممكن تسوون عصير ليمون وتحطونه بالأكياس هذي.. بعدين تفرزنونها ومتى مابقيتوا عصير أو حتى تستخدمونه للسلطة أو أي شي بس طلعوه وخلوه يذوب.. وطلعوا على قد الحاجة..





بالنسبة للعصير ماله داعي تذوبونه بس تحطون مكعبين من العصير مع كاس ماي و4 أو 5 ورقات نعناع وتقريبا ملعقة كبيرة سكر أو على حسب الرغبة بالخلاط.. واذا ممكن عدلوا بالطعم.. وشوفوا بعدين.. مابتستغنون عن عصير الليمون بفريزركم..

عاد اللي تجرب هالطريقة تدعي للوالدة هي اللي علمتنا هالشغلة..

حبيبتي الرقيقه اشكرج جدا جدا على المجهود الواضح هذا ويعطيج العافيه ياعمري
بس عندي سؤال صغير.............لان فيه منتج امر عليه بالجمعية ولا اشتريه

الشكولاته حقت الصيداوي تدخل باي طبق يعني اقصد تدخل بحلى السنكرس والسوالف هذي

ياليت تجاوبيني لاني عن قريب بروح اشتري حق البيت


واسفه على الاطاله