بنات كيف يكون التقديم للمجاستير

انا سمعت انه صعب ويبيله واسطة

وكم النسبة المطلوبة ؟

ارجوكم ساعدوني

السلام عليكم :
حبيت أفيدكم بتجربتي في اختارات والمقابلات اللي مريت فيها مع ان البنات اللي قبلي ما قصروا ماشاء الله ..
أنا قدمت في جامعة طيبة ..
في البداية طلبوا منا ثلاث توصيات والأهم انها تكون مختومة من العميدة أو من وكيلة الداسات العليا وبرضه ختم على الصور انها طبق الأصل ..
وطبعا الوثيقة وشهادة حسن السيرة وكشف الدرجات والسيرة الذاتية للمتقدمة واثبات الهوية او بطاقة العائلة..
الصور لازم تكون كلها مختومة طبق الأصل مع وجود الأصل للمطابقة بالنسبة للأوراق الرسمية اللي من جهة تخرج المتقدمة ..

بعدها قالوا انتظوا منا اتصال ..
وبعد مدة اتصلوا وقالوا تعالي حددي التخصص المطلوب ..
ورحت كتبت ايش التخصص اللي ابغاه وقالوا برضه انتظري منا اتصال..
وكانت اتصالاتهم دائما من السعة 11 إلى 4 العصر لذلك كنت انتبه للجوال وقت الظهر وأخليه جنبي لو نمت ..
طبعا اتصلوا وقالوا عندك اختبار في اليوم الفلاني في الوقت الفلاني والقاعة الفلانية ..
ورحت اختبرت وكان اختبار عام شبيه بالتوفل كون تخصصي لغة انجليزية ..
وإذا ما خانتني الذاكرة الإختبار كان عبارة عن 60 فقرة تقريبا قواعد
وبعدها قطعة فيها خمس فراغات تقريبا نكتب فيها الكلمات المناسبة وكانت القطعة عن خطوط الطول والعرض وحغرافيا عموما بس قصيرة ..
والسؤال الأخير كان إملاء حوالي 45 كلمة وكل كلمة ناقص منها حرف واحد فقط واحنا نكتبه ..
المهم كان الإختبار على بعضه 110 فقرات , واكتشفت بعد كم شهر ان السؤال الأول المتعلق بالقواعد من موقع امتحان توفل نسخ ولصق مع حذف عدد قليل من الفقرات ..

المهم بعد انتظار مدة قالوا في اختبار ثاني لأن الأول اجتازه عدد كبير ولازم اختبار في التخصص الدقيق لتحديد الأجدر ..
وبعدها اتصلوا وطلبوا مني تغيير التخصص لأن التخصص اللي اخترته تم إلغاءه ..
وبعدها دخلنا الإختار الثاني وكان التخصص اللي اخترته ترجمة
وتفاجأت انهم سامحين باستعمال القواميس الورقية في الإمتحان ..
جابوا لنا قطعة من انجليزي لعربي عن بيل جيتس في مقابلة تلفزيونية .. وكانت سهلة عموما
والقطعة الثانية كانت من عربي لإنجليزي عن انفلونزا الطيور وواجهتني صعوبة في معرفة بعض المفردات لكن عموما القطعة حلوة ..
والسؤال الثالث والرابع عبارة عن مجموعة حكم وأمثال تقريبا 4 في كل سؤال واحنا نترجمها من عربي لإنجليزي ومن انجليزي لعربي ..
والإختباين كانت ثلاث ساعات ..

وأخيرا اتصلوا وقالوا في مقابلة شخصية في اليوم الفلاني والوقت الفلاني ..
وحت للمقابلة وكانت لجنة المقابلة مكونة من اثنين من الدكاترة عبر الشبكة ..
ودكتورتين جلسوا جنبي .. وطلبوا مني أتكلم عن نفسي بالإنجليزي..
سألني الدكتور الأول عن عدة مفردات وجمل وأمثال كيف أترجمها ..
والثاني سألني كيف اتعامل مع الطالبات ومشاكل التدريس وكيف أطور نفسي على ما أذكر ..
وبعدها سألتني دكتورة متى تخرجت و ايش عملت بعد التخرج .
والدكتورة الثانية سألتني كيف اترجم كم كلمة والفرق بين عدة مترادفات وجمل متشابهة ..
وانتهت المقابلة على خير بس أدائي فيها كان أقل من المستوى لأني كنت يومها تعبانة والمقابلة جات على فجأة بدون استعداد نفسي سابق..

وبرضه قدمت على الماجستير في كلية التربية وكانت الطلبات نفس طلبات الجامعة مع زيادة شرط العمر انه لا يزيد عن 30 والتقدير لا يقل عن 87 والمعدل 4.6 لخريجات الجامعة على ما أذكر بس مو متأكدة من النسبة ..

وبعد التقديم بمدة جلست أتابع بالإتصال والسؤال لأن الكلية دائما تتأخر في إبلاغ المتقدمات بالمستجدات .. والمشكلة إذا اتصلت قالوا يجيك مننا اتصال ويقولونها بزعل وإذا تحدد شي ما يتصلوا إلا قبل الوقت المحدد بشي بسيط ما يكفي للإستعداد .. لذلك المتابعة بالإتصال بمكتب الدراسات العليا مطلوب أو زيارة الكلية من فترة لفترة للتأكد لأنهم ما يردا على التلفونات إلا بطلوع الروح..

المهم اتحدد الإختبار التحريري وخبرونا قبل باسبوع ونص تقريبا وهذا شي حلو ..
وكانت الأسئلة جزء مقالي وجزء موضوعي لقياس مهارات الفهم والكتابة .. والفقرات قليلة مقارنة باختبار الجامعة ..وكان ضمن الأسئلة سؤال عن القواعد كم فقرة بس نسيت صيغة السؤال إذا صححي الخطأ أو اختاري أو أعيدي صياغة الجملة ..

السؤال المقالي كان ثلاث اسئلة اختاري منها واحد واكتبي عنه .. اثنين من الثلاثة كانت محددة والثالث مفتوح عن ايش الموضوع اللي نفسك تكتبي فيه رسالة الماجستير .. والوقت كان ساعتين أظن ..

وما كان فيه مقابلة واعتمدوا في الترشيح على درجات البكالوريوس والإختبار..

والسنة هذي كان التقديم على وظيفة المعيدة بدون اختبار .. مجرد مقابلة شخصية وحساب للمعدل العام ومعدل مواد التخصص والمفاضلة على أساسها .. وإلى الآن ما طلعت الأسماء ..
المقابلة كانت أسئلة عامة عن ايش درستي في الرواية أو المسرحية .. وعن اللغة والأدب عموما أسئلة غير عميقة , بالإضافة لأسئلة عامة لأخذ انطباع عن الشخصية واستعدادك للدراسة والعمل وطموحك لخدمة مجتمعك من خلال شهادتك ومواصلة تعليمك..

أهم شي عندهم انك ما تحوسي الدنيا إذا ماعرفتي الجواب ..
اضبطي نفسي وخليك واثقة مخذي الأمر برحابة صد وسوي ان السؤال فتح لك أبواب للإطلاع وانك متشوقة لمعرفة الجواب بنفسك بعد المقابلة ..
أحيانا تكون وحدة من لجنة المقابلة متقصدة تستفزك عشان تشوف ردة فعلك لذا لازم تمسكي نفسك وكوني واثقة ورزينة ومبتسمة ..
ولا تكوني هادئة بزيادة ويادوب يطلع صوتك أو واثقة بزيادة لدرجة تطالعي فيهم بنص عين ويا أرض اشتدي ما عليك قدي ..
لا كوني وسط وبشوشة لأن خير الأمور الوسط ..
وبيني حبك للعلم ورغبتك الشديدة في مواصلة تعليمك مش عشان السمعة والحرف اللي قبل اسمك ولكن لأجل رسالة العلم والرقي بنفسك وبمجتمعك ..

وأهم شي يكون الكلام نابع من قلبك بدون رص مزيف للكلمات المنمقة لأنك لو ما كنتي فعلا محبة للعلم وطموحة من اجل الإرتقاء بنفسك فأكيد راح تتعبي كثيييييييييييييييييييير وهذا الشي شفته بنفسي ..
الله يوفق الجميع لما فيه الخير وسامحوني على التأخر في العودة للموضوع والإطالة ..

وأي خدمة أنا حاضرة بقدر المستطاع بس احتمال انسى أرجع للموضوع فاللي تحتاج شي حياها على الخاص ..

احد عندة خبر عن متى تسجيل الماجستير الموازي الي على حسابك في جامعة الامام ؟؟

ليت احد يخبرني

hash hash


ماقصرتي يالغاليه معلومات مره مفيده


الله يجعلها بموازين حسناتك =)



والله يوفقك ويسهل دربك يارب

:39:

صباح الخير

من الجمل الي تنقال لكل وحدة تبي تقدم دراسات عليا (وطبعا تحبط الهمة للي يتؤثرون بالناس):

وش تبين بالغثاء خليك على راتبك ووظيفتك ابرك واستمتعي بحياتك، عمرك بيندفن بين الكتب

ياقلبي لاتعبين نفسك القبول مايجي الا بواسطة ، اقولك ارتاحي بس


والله انك رايقة


شكلك غيرانة من فلانه ، صح

نامي حبيبتي ، راح تكرفين واخرتها مافي وظايف

والكثير من غير هذي الجمل

العبرة عزيزاتي، اذا عندك طموح اصحي ثم اصحي تشاروري احد مايشاركك طموحك

يعني احيانا حتى الاخوات ماودك تشاورينهم لانها اذا هي راعية قعدة بالبيت وماتحب دراسة

راح تحبط عزيمتك بس طبعا اكيد مو نيتها شينة

مرة قريت كتاب واعجبتني النصيحة:

يعني شاوري الناس الي زي طموحك الي فعلا يبون يكملون دراسة وحطي اكس على باقي الناس


غير كذا وحدة من صاحباتي معدلها جدا عادي وانقليزيتها موذاك الزود وقدمت عل الامام

وقبلوها من دون ايتها واسطة

واخر شيء الي يبي يمشي بحياته يطنش ويسمع قلبه وعقله بس