يالله حسن خاتمتنا

موضوع رررررائع,,

الله يجزى صاحبته خير الجزاء وكل من افادت فيه ,,,,





بنات حبيت اسال وين الاقي حافظة الانسولين ؟ في الرياض طبعا
هل ممكن الاقيها في الصيدليات العاديه ؟ او لازم محلات الادوات الطبيه ؟
ثاني شي امي عندها سكر وعيونها احيانا تدمع واحيانا تقول اشوف عليها مثل الغمامه البيضاء
واذا صحت يكون طالع منها ماده مثل الغمس ,, والطبيب يقول عيونك سليمه وقفل ملفها بعياد ةالعيون :(
ودي اتطمن اكثر ,, اخاف يكون السكر مأثر على عيونها ومع الاهمال يصير لها شي بسم الله عليها
مع ان الطبيب يقول سليمه بس اللي اشوفه انا فيها شي عيونها

الله يشفيها وجميع مرضى المسلمين يارب ,,

جزاكم الله خير على هالموضوع الرائع ......جزاك الله خير اخت عذاري لطرحك لهذا الموضوع
خاطري اقول ان الام والاب اول مايكبرون بالسن نبتدي الاهتمام بهم..... مش نبتدي نهتم بعد مايمرض الام والاب ...هذا الخطا الذي يقع فيه اغلب الناس

1- نفسيا (ان الاولاد والبنات يقللون المشاكل امام والديهم ) ويحاولون بقدر المستطاع عدم الشجار امامهم والتصالح لان الكبير يتاثر ومايستحمل ان يرى هذه المشاكل مما يؤدي الى اصابته بجلطات

2- بدنيا..نهتم بوالدينا من ناحيه التغذية .....نتابع تغذيتهم ونحاول توفير الغذاءالصحي المفيد لصحتهم.....
الام والاب احيانا مع مشاغل اولادهم يهملون نفسهم يصبح جل اهتمامهم ابنائهم....الابناء والبنات لايبداون الاهتمام بالوالدين الا بعد مايمرضون صحيح انهم يبرون بهم لكن لايعتنون بهم العنايه الكامله...لان دايما تفكير نا ان الام والاب اقوياء....لانشعر بهم الا بعد مايقعون فريسه المرض والكبر.....

انا والدتي كبرت بالسن ...فجاه اصبحت طريحه الفراش وتنسى ولاتقدر على المشي مثل قبل ....حتى اشترينا كرسي بعجلات لها
ضاقت علي الدنيا بما رحبت....لم اتوقع امي القويه تصبح هكذا
كرهت الخروج....نسيت شي اسمه زيارات ومناسبات..........الحمدالله تغيرت وظيفتي الى وظيفه اكثر راحه وقدرت ازيد اهتمامي بامي

في البدايه بدات اقرا عن الاغذيه والمفيد ....صرت اهتم بتغذيتها

صديقتي جزاها الله خير (قالت لاتخلين امك تستعمل كرسي بعجلات تراها بتتعود عليه) ورميت الكرسي وخليت امي تعتمد على نفسها

الحمدالله امي صارت للاحسن
صدقوني ....العنايه بالمسن تخليه يتحسن بشكل ملحوظ....بس يحتاج عنايه فائقه والحمدالله انا واختي واخواني جميعنا نهتم بها

كذلك تشجيع المسن على الخروج
الان بدات احبرها على الخروج ...صح ترفض...بس اشجعها
الحين بدت تحب تخرج وتزور الناس

الحقيقه نحتاج دورات كيفيه العنايه بالمسن ....


نصيحتي لكل واحده تقرا الموضوع اذا كان والديك كبيرين بالسن وفي اتم الصحه والعافيه.....ابداي اهتمي بهم من الان ........لاتنتظرين ان يصيبهم اي مرض بعدين نبتدي الاهتمام بهم....على كل شخص من يبدا والديه الكبر ان يهتم بهم والوصل بهم والاهتملم بتغذيتهم ............الله يوفق الجميع

حافظة الانسولين ان شاء الله تلاقيها في محلات الادوات الطبيه ..
بالنسبه للسكر يا قلبي ما ابغى اخوفك لكن هو بالفعل ياثر على العين و الرؤيا ..
لانو مريض السكر اكثر عرضه للماء البيضاء او الزرقاء ..
بالنسبه للغمس مو من مرض السكر >> غسلوا عيونها بالشاي الاحمر "نقعوه في مويه حار" .. ترا مره كويس لوصخ العين ..
هل السكر عند الوالده منتظم او لا ؟ حاولوا يكون السكر عندها منتظم ..
ايضا .. عصير الجزر الطازج تمام للعين ..
يحتوي الجزر على هرمون نافع جداً في علاج أعراض السكري .. << معلومه جبتها من منتدى ..

اقرئي ردي في ص 9 .. افضل حل لتنظيم مرض السكري ..

هذا رد لي في مو ضوع ثاني حبيت افيدكم
هذا رابط الموضوع

http://forum.hawaaworld.com/showthread.php?t=908137&page=4



اهمممممممم شي النفسيه حاولي قبل ماتنام تضحكينها وتسولفين معاها
بوسي راسها ويدها ولبسيها شرشفها انتي بنفسك
دايم خليك مبتسمه معها حتى لو وسخت شي حاولي بدون ماتحس تنضفينه او قولي لها بمزحه لانهم مرررررررره حساسين
الاضافر حاولي كل اسبوع تقصينها
عطري ملابسها واستخدمي كمفرت والا داوني لملابسها
ملابسها الداخليه خصوصا السروال لوقدرتي غيريه كلللللل يوم اذا ماكانت عنيده زي ابويه ههههههه
شعرها مشطيها لها وحطي فيه مسك والا عوده بس بشويش لاتوجعينها >>>>خبره
حاولي تكون ملابسها وخصوصا الداخليه قطن 100% لانه مريييييح
فيه كراسي للحمام تلاقينها في الصيدليه خاصه لهم
دهني رجولها بزيت زيتون والا اللي يريحها قبل لاتنام
ضرووووووري لو كان عندها سكر تشوفين رجولها زيييين زيييين فتشيها لانه احيانا يجي فيها قروح ماتنتبهين لها يعني احيان تشوفينها نققققطه وتعصرينها تطلع بلاوي لو لاسمح الله صار شي زي كذا طوااااااااالي مستشفى
مهممممممم جدا خلوها تاكل بنفسها مررره ضروووووري حتى لو وسخت ملابسها لانه لمن تحس نفسها ماتقدر تسوي شي تتدمر نفسيتها
اشغلوها دااااااايما لاتخلون لها وقت فراااااغ لان الفراغ جداااااااا قااااااااااااتل نصيحه من مجربه جيبولها تلفزيون المجد وراديو واشرطه وخلوكم عندها اذا تقدر تخرج كثير طلعوها
وشي مهم المشي اذا فيه حوش سطح واذا مافيه طلعوها برا تمشي وانتو معاها
بشرة كبار السن تتحسس زي الاطفال من بعض المنتجات انتبهي لذا الشي
ترا مهما الانسان كبر يحب الحياه ويحب الكشخه والزين
كبار السن اطفال كبار وحطي تحتها مليوووووووون خط بسرعه يزعلون ويحبون اللي يحبهم ويسليهم
كبير السن اذا تبغين تدمرينه وتموتينه حسسيه انه مايعرف شي ولايصلح لشي
ترا اسعد لحظات حياتي يوم تقول امي اللهم اني راضيه عنها فارض عنها وارضها ويوم يدعي لي ابويه الله ينور لك ويوفقك لك ويرزقك
انا عندي امي وابويه كلهم كبار بالسن وانا اعتنيي بهم واروشهم واغير ملابسهم الله يلبسهم ثوب الصحه والعافيه ويعينني على برهم
ادري كلامي كثيييييييييييييير بس والله عن تجربه مع الوالد والوالده الله يحفظهم
بس ابغى دعوه لكل من تقرا كلامي وتستفيد او ماتستفيد لامي وابويه بالصحه والعافيه والخاتمه الحسنه