الله يعطيك العافيه

الله يعافيج يا قمر

يوم الاربعاء 22 ديسمبر


عزمت امي وخواتي
وبما ان اختي موجودة حاليا في قطر
واحنا رجعنا من لندن بالسلامة
قلت اسوي عشا بسيط ونجتمع مع بعض الله يجمعنا على خير دايما


مدفونة لوتس الله يسعدها

بس سويتها بالجدر العادي هالمرة ما سويتها في الضغط

وماشالله طلعت لذييييييييييذة عالاخر




مسوية الحشوة مع الصنوبر


محشي ملفوف




سندويشات فلافل

مقادير العجينة

2 كوب طحين
ملعقة طعام سكر
ملعقة طعام خميرة
ملعقة طعام اوريغانو
ملعقة صغيرة ملح
فنجان زيت
حليب سائل حسب العجن








سندويشات شاورما



صدور دجاج متبلة بالملح والفلفل الاسود وثوم بودرة ومعها قطع فلفل بارد وزيت زيتون وخل خليتها لمدة اربع ساعات


وبعدين حطيتها بالفرن الحار لمدة 20 دقيقة




جهزت الخبز والخس والمخلل والمايونيز وبديت اسوي السندويشات

عجينة الخبز نفس عجينة سندويشات الفلافل





هنيه قصصتهم طلع شكلهم مرتب اكثر وحتى للسفرة احلى



وهذا حلا الغالية شايلة جروحي الله يحفظها ويسعدها

دوخهم البارحة:35:



قاعدين نجهز للسفرة



وكانت هذي اخر لقطة حتى السلطة ما صورتها من الخربطة

بس يالله اهم شي هذي الاطباق اللي كانت

كانت ليلة حلوة الله يجمعنا على خير يارب

وان شالله احاول اجمعهم مرة ثانية قبل لا تسافر اختى الاسبوع الياي ولا ادري متى يرجعون الله يحفظهم

يروحون ويرجعون بالسلامة يارب



هذا الشيز كيك يابته اختي معاها الله يحفظها





وبعدما خلصنا دخل علينا ولد اختي كان توه واصل من الرياض

يدرس هناك في الجامعة الله يحفظه

وحطيت له العشا والحمدلله


كانت جمعة حلوة الله يديمها علينا

ياحلو ايام الشتا ولياليه


نشب الضو ونشوي الكستنا يارب ارحم ابوي واغفر له اتذكره على طول من نشويها

وهو مع بشته قاعد عند الضو ويشوي لنا واحنا صغار حوله

يارب ارحمه واغفر له يارب واجمعنا واياه في الفردوس الاعلى اللهم امين






شبينا الضو








قالوا اليهال يبون نقانق مشوية عالفحم












والشاي





كل شتا واحنا وانتو بخير