وطن حر
•
السلام عليكم الى اخواتي اولا انا من اهل جده ومااحب احد يتكلم على جده لانها نصفنا الثاني المهم جده كلها حلوه اسواقها واحيائها حتى الحارات فيها حلوه اذا تبغون اي وصف لاي مكان انا جاهزه الهنداويه كثيرين يسألو عنها هي بجنب البلد ورى عماير ابارو زيني ثاني لفه بعد العماير فيه مركز الهنداويه خاص بالكلف والكريستالات كل شيء يخص الفساتين والسهرات واكثر المصممات والخياطات بتلاقيهم فيه وفيه كمان اماكن بجنبه كثيره حقت الاثاث خاصه بلأواني حقت المطبخ وتحف واشياء للبيت احلى بكثير من ايكيا وكمان سوق الصواريخ كثيرين يسبوا فيه صحيح هو سوق شعبي لاكن والله كل شيء برضوا بتلاقيه فيه من والى سواء اثاث او اواني مطبخ ملابس اكسسسورارتاقمشه محلات يابلاش الظاهر اكبر محل ابو ريالين ويابلاش فيه موجودذهب ادوات اجهزه كهربائيه كله مهما اتكلمت و فيه محلات بيبيعوا فيها ملابس من الماركات والله انا بنفسي اشتريت منها غسيل ولبس هو فيه كم سوق جنبه مو واحد فيه سوق الغرباوي مرتب ونظيف وفيه محلات كثيره كمان سوق الرحمانيه وسوق الديره وسوق خاص بالاثاث حق البيت اسمه سوق عمرين وفيه كمان سوق مجمع الشرق هذا خاص بالاقمشه حقت السهرات والمناسبات معروف في جده فيه محل خاص باقمشة العرائس اسمه منصر العيسائي مو بس بالعرايس لكله حتى للسهرات وفيه كمان محل اسمه العماري تابع له في نفس السوق تلاقي فيه كل الاقمشه حتى الجنزات والقطنيات بتتباع فيه فيه سوق الخيمه كمان كبير موجود في حي النزله غير طبعا المراكز في جده عدي واغلطي الاندلس مول الجامعه بالازا الجامعه مول عزيز مول مجمع العرب غير شارع التحليه الصيرفي مول تبغي محل للملابس الرخيصه فيه مركز الهرم في التحليه وفيه كبير مررره فتحوه قبل سنتين في حي المحمديه كمان عندكم البلد هذا رائع جدا وفيه كمان الخاسكيه كل شيء فيه بس بعضهم يبيعوا فيه بسعر الجمله ومركز الكورنيش جنب البلد برضوا الدور الخامس معروف كل شيء فيه مكياج عطورات عموما جده كبيره مرره وفيه مئات المحلات والمراكزفيه كمان محلات للاثاث والي بيسألوعن مفارش غرف نوم للعرسان فيه هوم بالازاوهوم سنتر وفيه كمان كللللللل الاسواق موجود فيها وفيه كمان للاطفالو الكبار سيتي بلازا وسيتي ماكس فيه في المراكز كمان موجودهوفيه محلات ملابس من الماركات المخفظه هي توج تاج وردتاج كمان نسيت اقولكم كمان سوق محمودسعيدحق الاثاث واغراض ثانيه ومفارش غرف نوم وسوق الدروازاسوق محمود سعيد برضوا موبس اثاث فيه كمان واذا تبغو وصف انا جاهزه واععطيتكم وصف كاملعن جده ياعيوني ياجدهالله يحفظها لناوشكرا ولاتنسوني من دعواتكم ياحريم ويابنات خخخخخخخ
الصفحة الأخيرة
اسم المحل المير عنده تشكيلة مميزه وكمان راعاني في السعر لأدوات الكهرباء والنجف عنده تشكيلة افياش ونجف رووووووووووووعه بجد
لو تبغي اجيبلك رقم المحل راسليني وانا ارسله ليك برساله
وكمان لجميع الاخوات ياليت تساعدوني ابغا اقمشة مفروشات للكتب ياليت تدلوني على الاماكن بسرعة وضروري
وجزاكم الله خير