نصيحه من ام طفل معاق
عالجوا ابنائكم وهم في الصغر افضل واسرع لاستجابة العلاج اذا كبر يصعب العلاج

اللي تعرف شئ عن الشحنات الكهربائيه وايش اعواقبها ياريت تفيدني؟

صباح الخير على أحلى أخوات
أنا كمان عندي ولدي تركي 4سنوات عندة ضمور بالمخ وتشنجات والسبب إختناق أثناء الولادة
طبعا بعد الولادة مابكي وكان مشدود ثاني يوم لما كنت خارجة قالوا: ماتقدري تاخذيه الطفل عصبي صرت أسأل أنا السبب لأني كنت عصبية جدا المهم أبوه جاب أمر بنقلة لمستشفى أحد بالمدينة(حكومي) وتنوم 21 يوم 10 أيام تحت التنفس الصناعي المهم شخصوا حالتة تشنجات عصبية وأعطوه دواء يستمر علية وفعلا أخذه 10أيام وعرضته على دكتور محمد العوفي في الولادة في المدينة وقال إن الفتحة اللي في رأسة بدأت تقفل بدري والطبيعي بعد السنة وسالني سؤال مهم إبهامه لما يقفل يده تحت السبابة يعني تحت الأصابع قلت نعم قالي سوي رنين مغناطيسي عشان نشوف المخ( لأن الأطفال اللي عندهم مشكلة عصبية هذا حالهم)
المهم رجعت للدكتور اللي تابع حالتة في الحضانة وقالي الولد كويس بيرفع نفسة وسالني تجيه تشنجات قلت لأ ( أنا على بالي التشنج في الصغار زي الكبار ينصرع ويغمى عليه ما فهمني إن تشنجهم خفيف)قال وقفي الدواء
كان عمره شهرين صرت اختبر حواسة وكان كل شي طبيعي ماعدا البكاء 24/24 طوال اليوم وماني عرفة إيش فيه(بكريتي) لما صارعمرة 4 شهور صار فجاة ينقز كأنه مفجوع وبعدها يبتسم وصادف إنه كان عنده موعد الرنين ولازم يتخدر عشان مايتحرك وشافه د/اسماعيل صيرفي وشاف الحركة سألني متى بدأت أنا خفت قلتله من أسبوع طلب مني أشعة مخ لقياس الكهرباء وكنا في رمضان المهم كانت النتيجة تشنجات والمصيبة الكبرى لما طلعت نتيجة الرنين ضمور بالمخ تقريبا 50% وقتها رحنا لي د/محمد إمام في الولادة
وشاف الصورة وفحص ولدي سريريا وقال الأشعة سيئة بس الطفل شكلة تمام وهنا بدأت المعاناه نفسيل كنت منهاره وأبوه كمان توكلنا على الله بدأنا الأدوية ولهذا اليوم ماوقفت مع إنه بيأخذ 3 أدوية
وطبعا لايمشي ولايجلس لوحده ويناغي خفيف ويعرفنا وفقد البصر ومايأكل إلا مهروس ونراجع فية بمستشفى الملك فهد الطبية عشان العلاج الطبيعي ومشاكل الرجل اللي زيX ويعطوه إبر بوتكس وكرسي خاص للجلوس وجبيره للحوض والحمد لله حتى أعطوني محلول أصرفه من عندهم رائع عشان مشكلت الشرق في السوائل اسمه( ثكن أب) , والمشكلة نظرت الناس وشعورهم بالشفقة يقتلني وكلمة معاق تذبحني ماأحب أحد يقولها لأنه من ذوي الإحتياجات الخاصة
ولما أشوف الأطفال اللي تولدوا معاه يلعبون تخنقني العبرة بس استنى أخرج من عند الناس وأفلتها بكى
يارب تشفي اولأدنا وتريحهم وترحمهم إنت وحدك عالم بالحال وأنت أرحم بهم منا فاشفيهم ويالله

انا ولدي فيه شحنات والي اعرفه انها باذن الله بس السنتين الاولى وتختفي طبعا لازم تستمري على العلاج عشان ما تجيلها التشنجات وتضرها لاسمح الله

هلولة التشنجات تؤذي خلايا المخ وخطرها على المخ السليم أقوى من المخ المصاب بالضمور لأنه تقتل الخلايا حاولي تعطي طفلك الدواء بمواعيده ولاتوقفي الدواء وإذا جات نوبه حاولي تسجلي موعدها وطولها عشان تبلغي الطبيب وبعض الأطفال مايستجيبه للدواء بسرعة
وتاثيرها ممكن تأخر الطفل و العصبية و الخمول ببب الأدوية وبعض الأطفال عادي ماتأثر فيهم بس أهم شي تستمري عالأدوية