{{ملف don }} المتجدد للآكلات المصرية للمبتدآت{ 8}

هبه عبد العظيم • 20 سنة

http://forum.hawaaworld.com/showthread.php?t=403801

بصى يا دون اوركيديا بتقول ايه هنا الفكره حلوه اوى انا بس مستنياها تيجى اعرف منها اكتر

don • 20 سنة

don :

صباح الف يا هبة ازيك يا حبيبتى بالنسبة للفراخ اللى انتى طلباها المحمرة انتى تقصدى اللى بنسلقها ونحمرها عادى؟؟؟؟؟؟ منتظرة ردك واللى انتى عيزاة حعملهالك واصورهالك بكرة على طول لان النهاردة حعمل جمبرى واصوره برضه وبالنسبة لسلق اللكرنب طبعا انتى متسبيهاش فى الماء علشان متتهريش وبعدين متنسيش انة لسة حيفضل فلى الشوربة تانى اثناء السوى لحد ما الارز يستوى فيادوبك نزليها فى الحلة ثانيتين بس وشيليها

صباح الف يا هبة ازيك يا حبيبتى بالنسبة للفراخ اللى انتى طلباها المحمرة انتى تقصدى اللى بنسلقها...

يا صباح الجمال عليكم كلكم والله لولا ان احنا اكلنا الحمام كنت بوسته انه دخل كل حبايبى الصفحة مع بعض
رواء الاول ازلى عمورتى وابو حميد اصل مينفعش الكلام قبل ما اسلم بالنسبة للخلطة زى ما انتى شايفة باخد من الطبق بتاع الخلطة وبحشى على طول من غير ما اعمل اى حاجة فى الارز وبيستوى والله وبيبقى فى منتهى الجمال حتى لو تاخدى بالك من الصورة اللى انا فاتحة فيها الحمامة وخلاص جاهزة للاكل شوفى فيها الارز مستوى تماما كل الحكاية يا رواء انك ماتمليش الحمامة قوى لان الارز بينفش جدا ودة اللى بيخلى شوية منه ميستويش
وعلى فكرة انا كنت مصورة صور تانية بس للاسف مش راضيين يتحملوا علشان كبار بالرغم انى صغرتهم جدا
طيب بصى يا رواء فية صورة بوريكى ازاى بتدوسى على الحمامة علشان تنزلى الارز الزيادة منها بس المشكله ان ايدى باينة فيها قوى ححاول ادارى ايديا باى لون وحنزلك دلوقتى الصورة

don • 20 سنة

don :

صباح الف يا هبة ازيك يا حبيبتى بالنسبة للفراخ اللى انتى طلباها المحمرة انتى تقصدى اللى بنسلقها ونحمرها عادى؟؟؟؟؟؟ منتظرة ردك واللى انتى عيزاة حعملهالك واصورهالك بكرة على طول لان النهاردة حعمل جمبرى واصوره برضه وبالنسبة لسلق اللكرنب طبعا انتى متسبيهاش فى الماء علشان متتهريش وبعدين متنسيش انة لسة حيفضل فلى الشوربة تانى اثناء السوى لحد ما الارز يستوى فيادوبك نزليها فى الحلة ثانيتين بس وشيليها

صباح الف يا هبة ازيك يا حبيبتى بالنسبة للفراخ اللى انتى طلباها المحمرة انتى تقصدى اللى بنسلقها...

arsm_98 تسلمى يارب وكلك زوق والله بس زعلتينى انك رفيعة ؟؟؟هو فيه حد رفيع دلوقتى :( ؟؟؟طيب يعنى يخلصك انا اعمل كل يوم اكل علشان اصورهولكم وانا اللى افضل اتخن وانتوا لأ ..خلاص انا بعد كدة حعمل شرط ان الاكل هنا اجبارى واللى مش حيعمله ويصوره وياكله قدامنا يا اما مش حعمل تانى ...تعالى بس اقعدى ودردشى معانا واحنا نفتحلك نفسك :)

بصى يا رواء وبصى يا هبة بعد ما خلصت ودخلت الحشو جوة الحمامة ببتدى بايدى افرد الارز وهو جواها فى اتجاة الزور علشان اتاكد ان الحمام مفرود ومتساوى جواها ومش كتير وطبعا يا هبة لما بسحب فى اتجاة الزور بيقف ارز عند الزور وبينفش فى الشوربة دة اللى بيخليها باينة طويلة خدى بالك من صابعى فوق ماسكة الزور وبايدى التانية بظبط الارز

شوفى شكلها فى الصورة يبان كأن مفيهاش ارز كتير لكن الصورة اللى بعد السلق شوفى الحمامة اتنفخت اد اية ؟؟؟؟؟؟

don • 20 سنة

don :

arsm_98 تسلمى يارب وكلك زوق والله بس زعلتينى انك رفيعة ؟؟؟هو فيه حد رفيع دلوقتى :( ؟؟؟طيب يعنى يخلصك انا اعمل كل يوم اكل علشان اصورهولكم وانا اللى افضل اتخن وانتوا لأ ..خلاص انا بعد كدة حعمل شرط ان الاكل هنا اجبارى واللى مش حيعمله ويصوره وياكله قدامنا يا اما مش حعمل تانى ...تعالى بس اقعدى ودردشى معانا واحنا نفتحلك نفسك :) بصى يا رواء وبصى يا هبة بعد ما خلصت ودخلت الحشو جوة الحمامة ببتدى بايدى افرد الارز وهو جواها فى اتجاة الزور علشان اتاكد ان الحمام مفرود ومتساوى جواها ومش كتير وطبعا يا هبة لما بسحب فى اتجاة الزور بيقف ارز عند الزور وبينفش فى الشوربة دة اللى بيخليها باينة طويلة خدى بالك من صابعى فوق ماسكة الزور وبايدى التانية بظبط الارز شوفى شكلها فى الصورة يبان كأن مفيهاش ارز كتير لكن الصورة اللى بعد السلق شوفى الحمامة اتنفخت اد اية ؟؟؟؟؟؟

arsm_98 تسلمى يارب وكلك زوق والله بس زعلتينى انك رفيعة ؟؟؟هو فيه حد رفيع دلوقتى :( ؟؟؟طيب يعنى...

بصلى يا هبة انتى بتقولى (((بالنسبه للفراخ ايوه يعنى بصى انتى سلقتى الحمام اهوه وحمرتيه فقصدى بقى بتحمريه ازاى فى ايه وكميه الزيت متلا او السمن عشان يطلع لونه كده؟ للانى لما بسلق الفرخه بطلعها واسيبها تبرد شويه وبعدين احطها فى الزيت فبتتهرى منى وببقى مش عارفه اعملها ايه وبتطرطشنى زيت وكده)))

انا حعملها بكرة وحصورهالك وهى على النار بتتحمر بالنسبة للحمام او الفراخ لما تطلعيها من الشوربة فى طبق بتسبيهم لحد ما بينزلوا الشوربة فى الطبق علشان متطرطش لما تتحط فى الزيت او السمنة وممكن تلاقى نار طلعت من المقلاية على ايدك فعلشان كدة الفرخة لازم تفضى اى شوربة تكون دخلت جواها الاول قبل التحمير وثانيا ماتحمريش فى مقلاية ضيقة وثالثا تحمرى ولما الحتة تحمر تقلبى حتة تانية وبالنسبة لانها بتتفتت او بتتقطع فى التحمير دة لانها بتبقى مستوية قوى يعنى العيب من زيادة السوى مش من التحمير وانا فى التحمير بحط زيت وسمنة مع بعض

هبه عبد العظيم • 20 سنة

طيب يا دون فيه ناس بتدهن الفرخه صلصه طماطم عشان تحمر فهل ده صح ولا ايه وكمان عايزه اسالك هل نتبل الفراخ بعد ما تتسلق بشويه توابل ولا بس كفايه ملح الشوربه؟