{{ملف don }} المتجدد للآكلات المصرية للمبتدآت { 9 }

Cute_JuMaNa • 20 سنة

بألف هنا و شفا يا قمر
و ياريت تقوليلنا طريقة الفراخ بالكاري :)
و بأذن الله اعملها باليييييل
و تسلمي يا قمر

انا هروح اناااااااااااااااااام لسة ما نمتش :(

don • 20 سنة

don :

Cute_JuMaNa النهاردة ان شاءالله حعمل ارز وفراخ بالكارى وسلطة زبادى وبسسسسسسسسسس صباح الفل يا ايمان تسلم ايديكى وياسلام لو مع الطبق جزرتين يبقى مية مية :)

Cute_JuMaNa النهاردة ان شاءالله حعمل ارز وفراخ بالكارى وسلطة زبادى وبسسسسسسسسسس صباح الفل يا...

صينية القرع بالبشاميل

حوالى كيلو قرع
جبنة رومى مبشورة
بقسماط ناعم
بشاميل
معلقة ونص زبدة
ملح وفلفل
الطريقة
قشرى القرع وقطعية مكعبات
ضعى معلقة زبدة على النار وابتدى شوحى القرع فيها بالراحة
حوالى من عشر دقايق لربع ساعة وبعدين تضعى علية شوية
فى شوية ماء لحد ما يستوى
شيلى القرع من الحله بالكبشة وضعية فى طبق فرن
ثم رشى علية رشة الجبنة ثم ضعى طبقة من البشاميل على وش القرع كله
ثم وزعى نص معلقة زبدة على وش الصينية ورشى رشة بقسماط ناعم
دخلى الصينية فرن متوسط الحرارة لحد ما يحمر وشها
وبالهنا والشفا

Noody30 • 20 سنة

صباح الفل يا دندونة

تسلم ايديكي على الحاجات اللي تفتح النفس دي. و احنا في الخدمة يا ستي، لا شكر على واجب

قوليلي يا دون، عاوزة اعمل ترايفل بالكاسترد، ينفع اجيب كيك جاهز و اعمل بيه؟؟ انا حاجيب الكيك و اقطعه شرايح على اد اطباق الكستر و احطه تحت و بعدين اصب عليه الكاستر و ادخله التلاجة، صح كده و الا فيه لخبطة؟؟

semsem2005 • 20 سنة

متشكرة يا دون
فعلا حاجة سهلة خالص بس ماقولتليش اللتبيلة اللن انا عملتها كويسة ولا ناقصة حاجة

Noody30 • 20 سنة

اسمحيلي يا سمسمة ادلي بدلوي على ما دون تيجي، اعتقد انك تعملي شقوق في الفخدة و تحطي فيها فصوص ثوم صحيحة، انا قريت كده في وصفة اينا قبل كده و دون كمان كانت قالت عليها في حاجة تانية بس مش فاكرة تقريبا كان قالب اللحمة الباردة