{{ملف don }} المتجدد للآكلات المصرية للمبتدآت { 9 }

malak77 • 20 سنة

رواء الاسلام :

الجنة مكاني اهلا بيكي معانا و اسمك جميل اوي و ربنا يجعل الجنة مكانك و مثواكي اللهم امين بالنسبة للعزومة حلو الاصناف اللي اقترحتيها بس محتاجة تعملي معاهم حاجات تانية طالما العدد كبير فكل ما زادت الاصناف كل ما كان افضل ممكن تعملي معاها جلاش بالجبنة او سمبوسك بالجبنة كمان ممكن كفتةبانية بتبقى حلوة اوي ممكن كمان تعملي ساندويتش المفاجآت بتاع روني بيبقى روعة و طبعا السلطات حاولي تعملي نوعين يعني لو هتعملي كول سلو اعملي معاها تبولة و ممكن كمان سلطة زبادي و يا رب اكون افدتك

الجنة مكاني اهلا بيكي معانا و اسمك جميل اوي و ربنا يجعل الجنة مكانك و مثواكي اللهم...

:) يا سلام عليك يا don ملف اكتر من رائع .

مشاء الله عليك والله اتحفتين .....................وبانتظار المزيد من الوصفات المصرية الذيذة ....ولي طلب ...ممكن تعمللن الفطير مشلتت:27:

وشكرا:39:

don • 20 سنة

don :

صباح النور يا فطومة والله دى كانت من السعودية بس انا من فترة شفتلها اعلانات هنا شوفى كدة فى عمر افندى او السوق الحرة

صباح النور يا فطومة والله دى كانت من السعودية بس انا من فترة شفتلها اعلانات هنا شوفى كدة فى عمر...

miro اهلا يا ميرو ازيك يا حبيبتى امال لو مش ميرو اللى عملت العزايم امال مين اللى يعمل ؟؟؟؟؟ :) الناس داخلين عندك على طمع
بالنسبة للبقسماط ملهوش علاقة يا ميرو هى اة بتكش شوية بس مش للدرجة اللى قلتيها هى اكيد اللحمة المفرومة كانت نسبة الدهن فيها كبيرة علشان كدة كشت قوى
لان الدهون بتسيح واللى بيتبقى بس نسبة اللحمة اللى فيها
واذا عايزة اى حاجة فى العزومة قولى يا ميرو انا زى شادن بالظبط :icon28:

مننحرمش يا رواء :)
malak77 :) اهلا بيكى معانا نورتى الصفحة وعلى فكرة فى التوقيع بتاعى حتلاقى لينك تلخيص لجميع الملفات بتاعتنا ممكن تفتحية وتقعدى كدة واحدة واحدة تتسلى فية اكيد حتلاقى فية اكلات مصرية انتى عوزاها

وبالنسبة للفطير المشلتت انا كدة كدة عملته (حظك بقى ) وحنزله هنا بالصور النهاردة او بكرة بالكتير ربنا يسهل

don • 20 سنة

Cute_JuMaNa :

تسلم ايدك يا دندونة

تسلم ايدك يا دندونة

الجنة مكانى يبقى كدة ان شاءالله العزومة حتبقى جميلة تعملى المخ بانية واللحمة الباردة وكفتة بانية ومحشى ورق عنب وممكن كبيبة شامى صينية او محمرة وممكن سمبوسك او صينية رقاق مع السلطات والعصائر انا طبعا مش عارفة انتى فى مصر ولا لآ علشان كدة احنا مجبناش سيرة الفراخ .كدة نواشف عشاء خفيف

miro • 20 سنة

لا يا دندونة مهو هي مكشتش اوي كده انا كنت بهزر بس برضه كشت شوية يعني مبقتش مليه الصينية زي ما كنت عاملاها قبل ما تدخل الفرن
طيب انتي ليه محطتيش بقسماط في الوصفة علشان تكون ماسكة نفسها ولا هي كده منغيره احلي
ميرسي يا قمر على ذوقك بس عيب لما تقولي عايزة مساعدة وانا مدرستي هي Don دندونة على سن ورمح
مهو السن ملوش دعوة مش كونك قد بنتي يعني متعلمش منك انا معنديش الحساسيات دي خالص

Amarige • 20 سنة

دندونة كنت عايزة اسالك
ازاى اقدر احكم ان الخميرة هى السبب فى فشل العجينة؟
يعنى هل فى اى طريقة اقدر اختبرها بية لحسن شاكة فيها و عندى اكتئاب ان الحاجة بتطلع قاسية جدا و ناشفة رغم كل الدعك الفظيع و المقادير المضبوطة؟