تسلم الايادى ,,,,,,,,,,,,,,,,,,,,,واسلوبك رائع وسهل وبسيط فى الشرح ماشاء الله
جزاكى الله خيرا

السلام عليكم
طيب السويسرول نفسه بيتعمل ازاى معلش يا جميله بتعبك معايا
بس اللى انتى حطاه ده شكله مغرى جدااا وان شاء الله يعجب الاولاد
خصوصا فى الحر ده
ابله دووون
تخيلى عملت فطير مشلتت فى فرن البيت العادى وطلع حلو جدااا
وكمان عملت كسكسى فى الفوود بروسيسور وما اخدش كله بالتسويه ساعه بس
ايه رائيك شاطره
مستنيه اعرف طريقه السويسرول وربنا يبارك فيكى يا جميله

سؤال كمان ابله دون
فى حاجه كده عامله زى صباع الفينو الصغير ومحشيه لحمه مفرومه او جبنه او سبانخ
ممكن طريقتها من الالف للياء
زهقتى منى صح

ماشاء الله تسلم ايديك يا دندون

انا برضو مستنية " تــــــــــــــارت الفــــراولة " الحقينا الفراولة ممكن تخلص

يا بنات انا اسفة جدا بكتبلكم بسرعة من الشارع كلها ساعة والمهندس ييجى يوصلى النت علشان الكبل مسحوب من العمارة وباذن الله حرد عليكم كلكم اول ما النت يتوصل .

غرام وحنين وحشتينا انتى كنتى فين؟؟؟ بقالى كتير مشفتكيش المهم انك الحمد لله كويسة وبخير:26:


ام عطاء صباح الفل وربنا يكرمك يارب :26:


om basel يا صباح النور يا صباح الفطير المشلتت طبعا تسلم الايادى على الفطير وعلى الكسكسى وبالف هنا وشفا انا عارفة انك شاطرة يا ام باسل بالنسبة للمشلتت انا بسوية فى الفرن عادى وبيطلع حلو قوى بس بخلى بالى شوية من درجة الحرارة بس ولما كنت فى السعودية كنت بسوية فى الفرن الصغير اللى بيتباع مخصوص للبيتزا كان بيسوية حلو قوى
وبالنسبة للسويسرول انا قفشتك يا ام باسل انك مشوفتيهوش معانا انا عملته بالصور وبالتفصيل لكن حنزلك اللينك من البيت حاضر
وبالنسبة لطلبك التانى العجينة بتاعتهم اية يا ام باسل ؟؟؟؟؟يعنى زى الفطائر ولا الميل فى ولا الجلاش؟؟؟ولا بالعجينة البسيطة بتاعتنا وبيبقى عامل زى الفينو او الكرواسان ؟؟؟؟ برضه على ماتردى عليا اكون روحت البيت ...ومن عنيا حاضر:26:

مدام وائل... متقلقيش يا ايمان انا فكراكى انا حعمله النهاردة وحصورهولك وعلى فكرة الفراوله الموجودة دلوقتى البلدى الصغيرة بتبقى جميلة فى المربى واهى رخيصة ب 2ج وجنية ونص :26: