mona_abdelaziz :

دون حبيبتى فعلا مش عارفة اقوللك ايه كمان فهرس مفصل والله بدعيلك من كل قلبى ربنا يجازيكى خير ويكرمك يا حبيبة قلبى فهرس اكتر من رائع ولو عاوزة مساعدة فى التصنيف او اى حاجة انا تحت امرك يا قمر وربنا يقويكى ويكرمك

دون حبيبتى فعلا مش عارفة اقوللك ايه كمان فهرس مفصل والله بدعيلك من كل قلبى ربنا يجازيكى خير...

nosa55 :

انا قلت بقى طالما انت رديتى عليه بسرعه كده اتحفك بوصفه من عندى المهم محدش يقول عليه بتعة مصالح انا بس مبدخلش القسم ده كتير مش هطول عليكى الاكله عباره عن مكرونه بالجمبرى والقشطه والكوسه المقادير تقريبيه كيس مكرنه 500 جم (مكرونه فرن ) زبده( انابستعمل اللى بالكيلو) قشطه150-200جم لبن 250 مل كوسه 500 جم 0مقطعه نص عقلة الصابع ) بصله صغيره (حجم البيضه) ونخرطها صغير جدا جمبرى 500جما لطريقه 1 - نحط الزبده فى الحله ونحط عليها البصل ونشوحها بس اوعى تحمر ولا حتى تصفر 2 - نحط عليها الجمبرى هينزل ميه طبعا نسيبه لما يشرب الميه تانى علشان يستوى 3- وبعدين نحط الكوسه ونشوحها برضه 4 -نحط القشطه واللبن ونقلب ونسيبهم يتسبكو شويه بس متنشفش على حسب الصلصه شكلها ايه يعنى سايله هتاخد 10 دقايق تقيله كفايه 5 طبعا بنحط الملح وشطه خفيفه وتراعى ان المكرونه مسلوقه بملح 5 - نكون فى الوقت ده بنسلق المكرونه نصفيها من الميه بس منشطفهاش بالميه ونحطها فى الصلصهونقلبها كويس ممكن نحطها تسخن انا بسيبها تشرب الصلصه من غير نار وبالهنا والشفا جربوها ومش هتندموا لو مكنتش واثقه فيها مش هكتبها وعلى فكره بالرغم من مكوناتها بس لذيذه وخفيفه جدا لو عجبتكم اقول واحده تانيه بالسوسيس والبقدونس

انا قلت بقى طالما انت رديتى عليه بسرعه كده اتحفك بوصفه من عندى المهم محدش يقول عليه بتعة مصالح...