مدام وائل :

أولا سلامة سلمى الف سلامة يا دينا ياريت تطمنينا عليها وبأذن الله تكون متوفقه فى امتحانتها اللهم آمين و وصلي لها مليون بوسه منى....... ثانيا تسلم ايديك الككية تحفه وكمان الكسكسى بس اذاى الكسكسى الحادق استبدل ايه بأيه؟ واقدمه مع ايه؟ ينفع مع لحمه ولا لازم بط؟؟ بحبكم جدااا فى الله

أولا سلامة سلمى الف سلامة يا دينا ياريت تطمنينا عليها وبأذن الله تكون متوفقه فى امتحانتها اللهم...

don :

الارز باللبن المقادير : مثلا 6كوب لبن _ 9 ملاعق ارز _ السكر حسب التزوق _ملعقة كبيرة جوز هند _او نص ملعقة صغيرة فانيليا _ زبيب او مكسرات مفرية او قرفة الزواق دة لزوقك و لرغبتكم . اغسل الارز و احطة على النار وعلية ماء مغطياة ب 2سم وعلى نار هاديه حتلاقية استوى او يقرب للسوى و يكون شرب الماء اضع علية السكر حتلاقية داب اسرع ثم اضع اللبن مع التحريك المستمر علشان مايفورش و ظبتى تانى السكر هاتى ربع كوب ماء و زوبى فية 2 ملعقة كبيرة نشا كويس و انزلى واحدة واحدة على الارز باللبن و بأيدك التانية بتقلب لحد ما تلاقى الارز بدء يتخن ضعى الجوز الهند وقلبى و اطفى النار و اغرفية و كل مايبرد حيمسك نفسه شوية كمان بعد ما يبرد ضعى الغطاء البلا ستيك و عللى الثلاجة و بالهنا و الشفا ملحوظه: مقدار اللبن زى ماانتى عاوزة يعنى حتعملى كوب حتعملى اتنين حتعملى كيلو حتحطى مقدار الارز زى ما فهمنك. 1) الارز حنسلقة الاول علشان ماياخدش معاكى وقت على النار 2)خلى بالك لاتتركية على النار بعد السوى لان الارز طول ماهو على النار بيفضل يتخن و كدة يااما حتغرفية حيكون تخين او انك حتضطرى تذودى لبن فكدة خلاص حتلوصى معاة 3) اذا كنتى حتعملية للضيوف خلاص اغرفية فى الكاسات او الاطباق *******لكن اذا كنتى حتعملية للبيت و الاولاد يبقى تحطية فى الاطباق البلاستيك اللى بالغطاء ( زى اللى بنشترى فيها الذبادى البلدى ) اشتريها بالجملة هى رخيصة جدا و خليهم عندك فى البيت للمهلبية و الارز بالبن و الجيلى (( لان الارز باللبن بعد مايبرد تفطى العلبه بالغطاء بتاعها حتفضل عندك فى الثلاجة طرية و جميلة زى اللى بنشتريها )) انا بحط قبل مااطفى النار على طول ملعقة كبيرة او اثنين جوز هند بدل الفانيليا ما تخافيش طعم الجوز الهند ما بيبنش لكن بيدى بياض و ريحة جميلة للسهوله كل كوب لبن بنحط له 21/1 ملعقة كبيرة ارز اظن كدة سهل علشان ماتتقيديش بالكيلو و لا بالتر

الارز باللبن المقادير : مثلا 6كوب لبن _ 9 ملاعق ارز _ السكر حسب التزوق _ملعقة كبيرة جوز...